“Azerros” Ağsaqqallar Şurasının sədri Abbas Abbasovun deputat Vladimir Jirinovskinin cinayət məsuliyyətinə cəlb edilməsi ilə bağlı Rusiya baş prokuroruna etdiyi müraciətə “Sank-Peterburqun Azərbaycan diasporası” və Moskva əyalətindən azərbaycanlıların regional milli-mədəni muxtariyyatı da qoşulub.
“gundemxeber.az” qurumun saytına istinadən xəbər verir ki, A.Abbasova Sank-Peterburqun Azərbaycan diasporasının rəhbəri Heydər İmanovun adından ünvanlanan müraciətdə bildirilir ki, Jirinovski ilə bağlı baş prokurora göndərilən məktubda yazılan bütün müddəalarla tamamilə razıdırlar.
Azərbaycanlıların regional milli-mədəni muxtariyyatının rəhbəri Qalib Ağayev adından göndərilən müraciətdə isə qeyd olunur ki, onlar da Abbasovun müraciətini dəstəkləyirlər və Jirinovskinin deputat mandatının ləğv edilməsi ilə bağlı prosedurlara başlamağa hazırdırlar.