Partlayış nəticəsində 2 nəfəri yüksək rütbəli zabit olmaqla 30 hərbçi ölüb

Suriyanın İdlib şəhərində müxalif qüvvələrin Bəşər Əsəd əsgərlərinin sığındığı qərargahı partlatmasının dəhşətli videosu yayılıb.
Son günlər müxaliflər ölkənin müxtəlif şəhərlərində rejim qüvvələrinə qarşı əməliyyatlara başlayıblar. Bu çərçivədə müxalif qüvvələr İdlibin Maarat ən Numan bölgəsində Əsəd qüvvələrinə aid hərbi bazaya 200 metrlik tenel qazaraq buraya partlayıcı qurğular yerləşdiriblər.
Daha sonra bu partlayıcı qurğunun işə salınması nəticəsində böyük partlayış baş verib və 2 nəfəri yüksək rütbəli zabit olmaqla 30 hərbçi ölüb. Partlayışı videoya çəkən müxaliflər daha sonra bu görüntüləri sosial şəbəkədə yayıblar.
Məlumata görə, müxaliflər Dəra bölgəsini yenidən ələ keçirmək üçün intensiv hücumlara başlayıblar və artıq bir çox yer ələ keçirilib.
Həmçinin İslami Cəbhə qruplaşmasının “Dumeyr” hava limanındakı Elmi Araşdırmalar taborunu ələ keçirdiyi bildirilir.