İmişli rayon Çaxırlı kənd sakini Qasımova Ceyhunə Şümşad qızı tərəfindən redaksiyamıza şikayət məktubu daxil olub. Müraciət təhsil naziri Mikayıl Cabbarova ünıvanlanıb. Müraciəti olduğu kimi təqdim edirik.
- Artıq bir neçə ildir ki, mən təhsil nazirliyinə kəndimizdəki orta məktəbin direktoru Məmmədov Atamoğlanın və dərs hissə müdirinin müəllimə, ziyalıya və rəhbərə sığmayan hərəkətlər barədə şikayət etmişəm. Məni bu şikayətə vadar edən yeniyetmə qız uşağımın bunların tənqidçi ifadələrini qızımdan eşidib onu bu məktəbə göndərməkdən qorxmuşam. Qaçqın xalasının himayəsində digər şəhərdə məktəbə qoymuşam. Mən özümdə Ağdərə qaçqılarındanam. Təkcə bu ciddi məsələyə görə bu kəndə pənah gətirməyimə peşmanam. İstər Təhsil Nazirliyinin rəhərliyi, istər İmişli rayon İcra Hakimiyyətinin başçılarının və təhsil şöbəsinin rəhbərlərinin qəbulunda olmuşam. Bu qəbullardan bir qədər sonra onların hərəkətsizliyi və şikayət etdiyim məktəb rəhbərlərini müdafiə etmələri məni şoka salmış, ürəktutma xəstəliyi ankoloji xəstəliyə çevrilmişdir. Əgər bu gün mən öz balalarımın və yeniyetmə qız uşağımın heç bir repiditor yanına getmədən 10-cu sinifin sınaq imtahanında 600 bal toplayan qız uşağımı müdafiə edə bilmirəmsə, onların şərəf və ləyaqətini bir ana olaraq qoruya bilmirəmsə, mənim yaşamaq haqqım yoxdur. Əgər qaçqınlıq olmasaydı, mən də digər bacılarım kimi ali təhsil almaq imkanına malik idim. Odur ki, indi şikayət etdiyim şəxslərin müdafiəçiləri qarşısında acizəm. Hələ ötən illərin yoxlanılmasında təhsil şöbəsinin müdir müavini Vahid müəllim direktoru mənim yanımda içki aludəçisi olmasını ona qaxınc etməsəydi, şifahi olaraq danlayıb sonra məni aldadıb, ona guya əmək məcəlləsinə uyğun olaraq şiddətli töhmət yazdığımı mənə etiraf etdi. Məktubuma cavab versəydi təsəlli tapardım. İstər rayon İcra Hakimiyyətinin, istərsə də Təhsil şöbəsinin mənim şikayətlərimi araşdırıb bu məsələdə müdafiəçi rolunda olmasaydılar, yenə də təsəlli tapardım. Belə çıxır ki, mən bu rayonda təklənmişəm. Mən hələ məktəb rəhbərliyinin Heydər Əliyev fondu tərəfindən tikilən məktəb zamanı kəndimizdən olan şikayətçilərin baş vermiş oğurluq hadisəsini İmişli rayon Prokurorluğunun ört-bastır edilməsini yalnız danışıqlardan eşitmişəm və onu yoxlayıcıların vicdanına buraxıram. Fakultə bir məşğələlər, dərnəklər, əsas fənlər üçün seçmə dərslərin fəaliyyət jurnalları, tarifikasiyalar niyə yoxlanılmır? Məktəbə verilən texniki materiallar (ləvazimatlar) niyə dəqiq yoxlanılmır? Əlbəttə, məni qərəzçilikdə xahiş edirəm suçlamayın. Mən bunları açmaqda və sizlərə bildirməyi özümə bir vətəndaş olaraq borc bilirəm.
Nəhayət hörmətli rəhbərlər! Mən sizə bu üç ildə şikayətlərimə təhsil şöbəsinin müdiri Ramiz Əmirovun cavabının surətini göndərirəm. Müəllim bütün əsəbini, hikkəsini bu məktubda büruzə verib. Əslən Çaxırılıdan olan və bu kəndin orta məktəbində oxumayan şagirdin instituta qəbul olmağını mənə bildirir. Ramiz müəllim bir valideynə və qaçqın anaya bu münasibəti yalnız mənim çoxsaylı şikayətlərimdən narazı qalmağıdır. Məktubun sonunda məktəbin fəliyətini nəzarətə götürüldüyünü bildirir. Hər şey normaldırsa, niyə nəzarətə götürür? Bir də mən nazirliyə məni qəbul etməsi üçün teleqram vurmuşdum. Teleqramda fakt göstərmədiyim halda məndən niyə izahat alınırdı? Bu da bir fənddir. Cavab məktubunu saxtalaşdırıb yazmaq üçün bir daha əziz rəhbərlərim sizdən xahiş edirəm ki, bu ərizəni ciddi qəbul edib qaldırdığım faktları yalnız nazirlik səviyəsində maliyyə təftişçiləri ilə birlikdə obyektiv hərtərəfli yoxlanılması üçün göstəriş verəsiniz.
E.Cavadlı