“Gündəm xəbər” qəzetinin 21 may 2014-cüil tarixli sayında “İmişli məhkəməsində nələr olur?” başlıqlı yazı, məhkəmə çəkişməsində iştirak edən tərəflərin bu qədər həyəcanlanmasına təəssüflənirəm. Əslində mən özümdən Amerika kəşf etməmişəm, sadəcə məhkəmədəki prosesləri və çıxışları dinləyib, tərəfləri barışığa çağırmaq üçün bu addımı atmışam. Dövlət Əmlakının İdarə Edilməsi və Özəlləşdirilməsi üzrə Dövlət komitəsinin Şirvan regional idarəsinin rəisi Məhəmməd Qambayev, görünür bizim qəzetdə 9 may tarixli yazıda: “insafən” Məhəmməd Qambayev öz səlahiyyətlərini icra edir və bu “hərraclara” maraqlı deyil. Artıq, görməmiş pullu şəxslər onu öz intriqalarına cəlb ediblər, hətta ifşa olunmağına başlanılıb” yazısını oxumayıb. Çünki, görməmiş varlaşmışlar İmişlidə adi vətəndaşlardan “qaloş”, “kələntərlər” düzəldib üstümüzə buraxırlar və görməmişcəsinə nəticəni kənardan seyr edirlər. Mən, bu yazımla həm də qaloş, kələntərlərin söyüş yağışına qərq olunmuşam. Sadəcə “şərəf və ləyaqət” məhkəmələrində respublikada mən və 65 yaşlı qardaşım Davud qədər cəlb olunan, 100-ə qədər məhkəmə çəkişmələrində cavabdeh skamyasında oturdulan ikinci şəxsləri tanımıram. Bu, o anlama gəlməsin ki, biz insanlara oturduqları yerdə sataşmışıq, cavabdeh skamyasında əyləşdirilmişik. Bütün bu çəkişmələrdə iddiaçı tərəflərin də vicdan əzablarının çəkdiklərini şahidi olmuşam. Odur ki, mən hər iki tərəfin əzablarına, onların ailələrindəki kədəri, dostlarının həyəcanını keçmiş deputat İltizam Əkbərlinin və İmişlinin yüksək nüfuz sahibi kişilərinin xahişini nəzərə alaraq, bu missiyaya qol qoyuram. Bəndəniz dövlət və dövlətçiliyi sevən adamam. Komitə sədrlərinə, nazirlərə hörmətim ona görədir ki, onları prezident təyin edir. Məhəmməd Qambayev də dövlət məmurudur və elitar cəmiyyət üzvüdür. Missiyasını yerinə yetirir. Onun intriqalara cəlb olunması, onun iradəsindən kənardadır. Ümüdvarıq ki, hər iki tərəf məni düzgün anlayacaq, qaloş kələntərlərin, süfrə qırın-qırtığı yeyənləri özlərindən kənarlaşdıracaqlar.
29 may 2014-cü il saat 12:43-də İmişli RİH yaxınlığında Meliorasiya və Su Təsərrüfatı ASC-nin İmişli hidroqovşağının rəisi Mirqoca Mirişov iki nüfuzlu şəxs yanında mənə ehtirazını bildirdi: “Siz məndən niyə yazı vermisiniz?”, ona bildirdim ki, sizdən yazı verən şəhər bələdiyyəsinin üzvü, "Ümüd" partiyası İmişli RT-nın, eləcə də QAT. RT-nın sədri, əmin oğlu Ağasəlim Hadıyev öz imzası ilə yazı verib. Bu ərəfədə İmişli RİH tərəfindən yüyürə-yüyürə gələn M. Qambayevin vəkalətlə İmişli məhkəməsindəki nümayəndəsi bizə yaxınlaşdı. Mənimlə söhbət edənlərin birinə yaxınlaşaraq söyüş söyməyə başladı. Üstəlik qəzet saytların da ünvanına həmən söyüşləri söydü. Özünü də söydü ki, “Ağasəlimə 04 iyun 2014-cü il 6 ay höküm oxutduracağam”. İnsafən təhsil şöbə müdürü onun qolundan yapışıb, söyüş söyməməsini xatırlatdı: “Əgər belə güclü oğlansansa, o Ağasəlim o da sən, sözün varsa, get özünə denən. Ailəsinin, uşağının günahı nədir?” Söyüşlər Mirqoca Mirişova ləzzət etmişdi, fikir verdim, keyfi yerində idi. Deyəsən, bu “tərbiyyəli” nümayəndəyə qabaqcadan görüm-baxım etmişdi. Həmin gün mənə çatdırıldı ki, “tərbiyəlini” Hacı Məhi hazırladıb göndərib. Hacı reket saxlamır, Məhəmməd bəy. Məhkəməyə çəkdiyiniz Ağasəlim bəy dəmirçi olub, ayaması da dəmirçidir. Sənin tərbiyyəli nümayəndənin sümüklərindən hörmətli deputatımız Siyavuş Novruzov demişkən: “Molotov kotleti hazırlaya bilər, amma bəyəm İqbal Ağazadə və erməniləri hədələyən dostum Akif Nağı qeyri-zoraki mübarizənin şərtlərini dürüst öyrədiblər. Martin Lyuter King şərti isə belədir, qoy Mirqoca Mirişov da, Fuad İmanov da öyrənsinlər:
* Bu müqavimət qorxaqlar üçün deyil. Fiziki passivlik şərti ilə nəhəng ruhi aktivlikdir;
* Rəqibə qalib gəlmək və onu alçaltmaq məqsədi güdmür. Əksinə, rəqibin dostluğunu və anlamlığını qazanmaqdır;
* Şər gücə qarşıdır. Nəinki, həmin şəri törədən insanlara qarşı;
* Qeyri-zoraki mübarizədə əzaba əvəz vermədən - rəqib zərbəsini ona cavab qaytarmadan qəbul etməyi tələb edir;
* Nəinki, xarici fiziki zorakılığından, həm də ruhun daxili zorakılığından (kin və qisas hissi) imtina tələb edir;
* Unutmaq olmaz ki, ədalətin tərəfində bütün dünya durur.
Nümayəndənizin söyüşünə cavab olaraq, mitinqlərin birində Sərdar Cəlaloğlunu söyən polis rəsmisinə bəy gülə-gülə: “Mən də ürəyimdə səni söyürəm”, - deməsi polis rəisini təbdən çıxardıb və o aralandı. Sizin nümayəndəniz də yer üzünün ən tərbiyəsiz jarqonları və “türemşiklərin” “şustryak” jarqonu ilə davranması məni və imişliləri qəzəbləndirib. Sizin “tərbiyəli” nümayəndəniz demək olar ki, barışığa qırmızı xətt çəkdi. Bu adam bəndənizi də təxribata çəkmək istəyirdi. Mən İmişlidəki polis rəsmilərinə müraciət edirəm: “Bu tərbiyəli nümayəndə kimə xidmət edir, arxasında kim durur ki, şəhər bələdiyyəsinin üzvünü, eləcə də bəndənizi həbslə hədələyir”. 1976-cı il Xalq Təsərrüfatı İnstitutunda qəbul imtahanı zamanı ədəbiyyatdan mənə Süleyman Rəhimovun “Mehman” əsərinin təsviri düşmüşdü. Sözsüz ki, xalqımız əsərdəki “qaloş” obrazını, eləcə də “7 oğul istərəm” filmindəki Kələntər obrazını yaxşı xatırlayır. Bu “tərbiyyəli” hər dördüncü gün Vilyam Hacıyevin kabinetinin aşağısında hind mahnısı – “Avara”-nı oxuyur. Son zamanlar isə cəddini 30 min voltluğa qoşan, Allah belini sındırmış Ağasəlim bəyə görə hind mahnısı – “Zita və Gita”-dan oxuyur. Cəddi belini sındırmış haradan mənim yadıma kəmfürsət Kələntəri saldı. Ağasəlim abimə görə onu M. Mirşov, F. İmanov oxutdurur, altını isə Məhəmməd Qambayev çəkir. Yerli camaat da korrupsionerlərin “qaloş və kələntərlərinin” ağılasığmaz varlarının islah olunmaz söyüşlərini eşidəndə Ramil əmimdən dəmir əl istəyir. Əksini görəndə isə, etiraza qalxır. Xalq heç vaxt yanılmır. Heç 40 toyuğun balalarını qorumaq üçün özündən qat-qat güclü pişiyə, itə, qartala hücumunu görmüsünüzmü? 40 toyuğa həmən gücü qoruma instinkti və böyük yaradan verir.
Odur ki, bəziləri İmişli KP. MK-nın katibi yoldaş Rüstəmə qarşı yüyürürlər ki: “Tez rusu gətir!” Yoldaş Rüstəm də söz verir ki, “gələcək”, Allah-Allah. Yoldaş Rüstəm bəyin kabinetində ancaq və ancaq 70 yaşlı Məhi əmim və ikinci qrup əlil yoldaş Koroğludan başqa heç kim görünmür. Məhim əmim də deyir ki: “Bəy, yoldaş Urustam (Məhi əmim belə tələffüz edir) istəməyi ilə deyil ki. Urus prezidenti yoldaş Putin prezidentimiz İ. Əliyevlə dostdur. Dostunu qoyub yoldaş Urustama görə SSSRİ-ni bərpa etməyəcək ki. Yoldaş Putin 27 may 2014-cü il çıxışında da dedi - SSRİ-ni bərpa etmək niyyəti yoxdur”.
Bərəkallah, Məhi əmim! Çoxundan savadlı, “obrazovonnu” cavabına yağlı 5 olsun. Allah və cəddi belini sındırmış Ağasəlim bəy bilmirmi ki, peyğəmbər övladlarının və Əhlibeytin, imamların başlarını kəsən, zəhərlə namərd əlləri ilə öldürtdürənlər elə müsəlmanlar olublar. Ona görə də, müsəlman dünyası cahil olaraq, inkişaf etmir. Xristian masonların qırğın törətdikləri ölkələrin hamısı müsəlman ölkələridir ki, cahillik üzündən bir-birini qırırlar. QIRDIRAN isə "qaloş və kələntərlər" onların pullu arxalılarıdır. Adları müsəlman olsa da, özlərinin nə olduğu bilinmir. Ağasəlim bəydən xahiş edirəm, barış Məhəmməd Qambayevlə. O, 5 kv.metrlik yeri istəmə, dava-yorğan davasıdır. Həci Məhini yorğanbazlar, "qaloşlar" sənə qarşı müharibəyə cəlb etdiriblər. Məhəmməd Qambayevə isə bildirirəm ki, müsəlmanların Allahla bəndə arasındakı ip sayılacaq Rəcəb ayı bitdi. Bu ayda səni Hacı kimi nüfuzdan salmaq üçün, seyid övladı üzərinə məhkəmə iddiası qaldırdılar. Qələbə çalsam belə, qələbəm "pirr" qələbəsi olacaq. Udan isə "qaloş və kələntərlər", yorğanbazlar olacaq, həm də 04 iyun 1993-cü il Azərbaycan tarixinə yazılmış qara ləkədir. Vətəndaş müharibəsinin başladığı gündür. Həmən iddia ilə İmişli məhkəməsində 18 iyun 2008-ci il Əziz Quliyev mənə iddia qaldırmışdı. O mənə hökm oxutdursa da, KİV-lər ona hansı donu biçdilər özündən soruşun. Həmən iş Avropa İnsan Haqları məhkəməsinin icratındadır. Bəndəniz 32-lərdəndir. Dünyanın hər tərəfində 32-lər var. Otuzikilər qanında qiyam, ədalət hissi güclü olan Şah İsmayıl Xətayiyə sadiq köməkçilər olublar. Nadir şah tərəfindən dünya boyu sürgünə göndərilən nəslin davamçılarıdırlar. Əziz Quliyev də, Otuzikilərin Həsənuşaqlı soyundandır. Onu Bəy Mamed məcbur etmişdi ki: “Mütləq həbs etdir”. 1 ildir eşitmişəm ki, Əziz Quliyev Bəy Mamedə küncdən sarsıdıcı zərbə vurub. Bəndəniz isə müdafiəçidir. Fürsətçil, namərd deyil. Düşməni mərd olanda onunla düşmən kimi yox, qeyri-zoraki mübariz kimi davranır. Fikir ver, ADP-yə kimləri sədr seçmişdim: 1) İlyas İsmayılov, 2) Rəsul Quliyev, 3) Sərdar Cəlaloğlu. Hər üçünün qanında qiyam var. Artıq, qiyamdan çəkiliblər. İnqilabın nə olduğunu bu 3 keçmiş sədrlərim qədər kimsə əzbər bilə bilməz. Ağasəlim bəy də “qaloşların” latokuna düşüb. Qəbir yeri almaq əvəzinə sənə hücum çəkməsini “qaloş və kələntərlərdə” axtar, Məhi bəy. Allah səbrinizi versin!
Məhbub Zülfüqarlı