Bu gün səhər 08.15 radələrində Bakı metrosunda bədbəxt hadisə qeydə alınıb. Belə ki, metronun "28 May" stansiyasında qatar gözləyən 30 yaşlı gəncin ayağı qatarla platforma arasında qalıb.

İnterpress.az-ın hadisə yerində olan əməkdaşı bildirib ki, stansiyada olan bələdçilərin çağırışı ilə polis əməkdaşları gəncə ilk yardım göstəriblər. Ayağından xəsarət alan gənc özünü pis hiss etdiyindən hadisə yerinə təcili tibbi yardım çağırılıb.

Polis əməkdaşlarının köməyi ilə gənc stansiyadan çıxarılaraq təcili tibbi yardım maşınına aparılıb.