«Nə itirsən, bu bazardan tapa bilərsən», elə-belə deməyiblər ki! Sovetlərdən bəri bu bazarı müxtəlif adlarda çağırdılar. Kimi «Kolxoz bazarı», kimi «İkinci əl bazarı» dedi. Bu bazar illərdir ki, kasıb-kusubun əlindən tutur. Oradan-buradan əldə etdiyini satmağa gələnlərin sığınacaq yeridir. Sabunçu qəsəbəsində, Vağzalın yaxınlığında yerləşən və «rus bazarı» adlanan ərazidən Famil Mahmudbəylinin çəkdikləri.



1 Bazarın başqa adları da olub: "Kalxoz bazarı", "Kasıb-kusubun dərdinə əlac", "Cındır bazarı".



2 Gününü-güzəranını bu bazarda keçirmiş satıcılar deyir ki, "rus bazarı" hələ sovet dönəmindən - 1941-45-ci illərdən var.



3 Bu bazarı fərqli edən odur ki, burada kimi ucuz qiymətə nəsə satır, kimi də 2-3-cü əl deyilən geyimləri satışa çıxarır.



4 Sakinlərin, satıcıların sözlərinə inansaq, bazarın adı ona görə belə qoyulub ki, bazarı ruslar yaradıb və özləri də ticarətlə məşğul olub.



5 Bu bazarda hər nə desən tapmaq olar: entik əşyalar, köhnə paltarlar, metal, elektrik əşyalar, nimdaş paltarlar və daha nələr nələr. Məsələn, sobanızın sinisi sınıbsa, itibsə, oradan rahatlıqla tapa bilərsiniz.



6 Bu bazarda utanaraq çalışanlar da az deyil. Satıcılar özləri etiraf edir ki, çoxu burada alış-veriş etməkdən utanır, "Birdən qonşum görər deyə".



7 Bazarda yer tutmaq da asan iş deyil. Satıcılar deyir ki, yerpulu 1-3 manat arasında dəyişir.



8 "Mən yorğan-döşək sırıyıb satıram", danışa-danışa nənə iynə saplayır. "Elə də olur ki müştəri səhər gəlib sifarişini verir. Məsələn, balaca döşəkcələr, gəlib o biri bazar aparır. Amma ay bala, artıq yaşlanmışam, gözlərim yaxşı görmür ki, iynəni saplayım".



9 Burada elə satıcılar var ki, onların yeri hamıya əvvəldən məlumdur. Elə adamlar da var ki, yerə nəsə sərib, bazar müdirliyinə də 2 manat verib alverini edir.



10 "Nə itirsən, bu bazardan tapa bilərsən", elə-belə deməyiblər ki!



11 "Evdə çörəkarası bir şey hazırlayıb özümlə gətirirəm. Burada, elə iş başında yeməyimi yeyirəm. Düşünürəm ki, "stalovaya" gedincə, elə o pulu yerpuluna verərəm. Özümə 2-3 manat qazanc qalar".



12



13



14 Özəlliklə də şənbə-bazar günü bazarda adam çox olur. Elə bunu bilən satıcılar toyuq-cücə, mer-meyvə də satırlar.



15 "Almaları Qubadan gətirirəm. Adətən deyirlər ki, aşpaz çox vaxt öz bişirdiyini doyunca yeyə bilmir. Çünki yeməyin yanında axşama kimi iy vurur. Mən isə bax bu qırmızı növü çox sevirəm və hərdən də yeyirəm. Baxmayaraq ki, alma çeşidlərim cürbəcürdür, bu almaya "almaların şahı" adını vermişəm".



16 "2-3 ildir bu bazardayam, tərəvəz satıram. Hərdən də ucuz qiymətə pal-paltar gətirən olur. Seçirəm, satmaq üçün tərəvəzlərimin yanına qoyuram. Burada alma satanla, radioelektirik malları satanı birlikdə görəndə, təəccüblənməyin. Biz satıcılar bu bazara həftəbecər də deyirik (gülür)".



17



18 Bir vaxtlar "Tarqovı" kimi tanınan yerin əvvəlki tacirləri də satış nöqtələri bağlandıqdan sonra, bu bazara üz tutublar.



19



20 "Sovet vaxtından 1994-cu ilə kimi Böyük Şor deyilən ərazinin yaxınlığındakı ayaqqabı fabrikində işləmişəm. O fabrik nəinki Bakının, Azərbaycanın bir çox bölgələrini ayaqqabı ilə təmin edirdi. Fabrik dayandırıldı, Türkiyəyə, xarici mallara üz tutduq. Son ünvanım isə bu bazar oldu - həm ayaqqabı, həm də 1001 xırdavat satıb dolanıram".



21



22 Sabunchu, bazaar, bazar, market, november, 2014, Baku, Russian bazaar, people, second hand



23



24 "12 il "Tarqovı"da passajın yanında köhnə fotoaparat, saat, qədim dəmir qəpiklər satmışam. Oranı dağıtdılar, gəldim düşdüm bura. Orada olanda bir neçə xarici dostlarım, turistlər gəlirdilər, məndən alver edirdiler, hətta dostlaşmışdım da. Amma indiyə kimi bu bazarda müştərilərin arasında gözüm onları axtarır".



25 "Alver vaxtı bu çöllükdə həmdəmim elə isti çaydır. Satış olanda hərəkətdə olursan, qızışırsan. Nə etmək olar bu yaşımda? Başqaları ilə müqayisədə yerpulu burada ucuzdur deyə, alış-verişlə çörəkpulu qazanıram. Hələki alver zəifdir, soyuq olmasın deyə, gətirdiyim "termos" çayımı içə-içə müştərimi gözləyirəm".



26 "Uzun illərdir toyuq-cücə alverini edirəm. Bərəkət elə toyuq cücədədir - yumurtası, tükü, əti...(gülür) diri-diri də satıram..."



27



28



29 Bura bazarın zibillik olan yeridir. Yerlərin qiyməti 1 manat - olsa da, amma alver yaxşı getmir. Çünki natəmizlik, pis qoxu olduğundan müştərilər çox vaxt bu tərəfə gəlmirlər.



30 Bazarın sonucu zibillik olduğundan bu hissəsinə çox adam gəlmir. Odur ki, ticarətçilər bazarın gur yerində yer tuturlar. Adam çox gəlmədiyindən zibilliyin yanında yerpulu 1 manatdır.