Ermənistanın Azərbaycan qarşısında getdikcə aciz duruma düşməsi, erməni yazarlar və siyasi təhlilçilər tərəfindən etiraf olunur.

Avropa.info xəbər verir ki, ermənistanlı siyasi təhlilçi Aram Amatuni ölkə mediasında Ermənistan hakimiyyətini tənqid edən ayzı yazıb. Həmin yazının tərcüməsini təqdim edirik:

"Azərbaycan 2015-ci il üçün nəzərdə tutulmuş büdcəsində hərbi xərcləri 1 milyard dollar artırır. Bu Azərbaycanın Ermənistana hərbi-psixoloji təzyiq artırması ilə bağlı verilən bir mesajdır.
Ermənistanın cılız dövlət büdcəsi ilə müqayisədə Azərbaycanın hərbi məqsədi çox təhlükəli görünür. Ölkənin öz büdcəsi Azərbaycanın hərbi büdcəsindən belə azdır. Erməni hakimiyyəti üçün bu faciəvi bir faktordur.

Erməni hakimiyyəti daima birinci Qarabağ müharibəsini əsas gətirərək deyir ki, imkanların qeyri-bərabərliyi şərati problem deyil. Biz Azərbaycandan zəif ola-ola müharibədə qalib gəldik. Ancaq belə arqument gətirmək sadəlövhlük və avantüristlikdir. Ona görə ki, o vaxtdan bəri silahların keyfiyyət göstəricisi xeyli dəyişib. Buna uyğun olaraq müharibənin gedişatı da dəyişəcək.
Allah eləməsin, birdən müharibə başlayar. Hərbi sahədə qeyri-bərabər balans Ermənistan üçün faciəvi nəticələnə bilər.

Bəs bu gün Ermənistanda nə baş verir?

Biz davamlı olaraq maliyyə vəsaitlərinin düzgün xərclənməməsi ilə bağlı hesabatlar eşidirik. Sonra söhbəti bağlayıb, bizə deyirlər ki, imkanlarımız bərpa olunub. Nəyin bərpa olunduğunu heç kəs yoxlamaq belə istəmir. Cəmiyyət vəsaitlərin düzgün xərclənməsi barədə heç bir məlumat ala bilmir. Dövlət büdcəsi kimlər üçünsə faizsiz kredit mənbəyinə çevrilib. Ermənistan büdcəsindən milyonlar səpələyirlər, hansısa layihələr üçün oğurlayırlar. Bir neçə ay sonra bəyan edirlər ki, imkanlarımız bərpa olunub.

İlk baxışdan elə görünür ki, hər şey qaydasındadır. Oğurlayıblar, sonra yerinə qaytarıblar. Amma inflyasiyanı və digər faktorları nəzərə alanda görürük ki, dövlət vəsaitlərinin oğurluğu əhalinin alıcılıq qabiliyyəti ilə üst-üstə düşmür. Bir neçə il əvvəl büdcədən götürülmüş milyonlarla qaytarılan pulların dəyəri eyni deyil.

Büdcədən faizsiz, zaminsiz yüksək məbləğlərdə “kredit” götürmək mümkündürsə, axı, nəyə lazımdır yüksək faizlə kredit verən banklara üz tutmaq. Onsuz da qaytardıqlarının səhərisi gün yenə “kredit” götürəcəklər, heç buna görə cinayət məsuliyyəti də daşımaycaqlar.

Nəticədə Ermənistan dövlət büdcəsi daim boşdur. Milyonlarla, on milyonlarla dollar büdcədə yoxdur. Oğurlanan dövlət resusrları hesabına ölkədə yoxsulluq, emiqrasiya, mənəvi deqradasiya, dövlətə inamın itirilməsi çiçəklənir. Halbuki ermənilər Azərbaycanı bir neçə dəfə üstələməli idi. Biz daxili resurslarımızı effektli xərcləməsək, Azərbaycanın artan hərbi gücü qarşısında aciz qalacağıq.
Ölkə iqtisadiyyatı bir neçə ailənin, oliqarx klanın əlində cəmləşdikcə, bizim iqtisadi inkişafımız mümkün deyil.

Ermənistanı narahat edəcək məsələ Azərbaycanın hərbi büdcəsinin artması deyil. Öz gününə ağlamalıdır. Dövləti idarə edənləri və idarəetməni dəyişsin