Zaur Aslanov, Almaz Həşimova və Camal Ocaqverdiyev rayonu talayırlar

İlin sonu yaxınlaşdıqca ölkədə fəaliyyət göstərən dövlət müəssisə və təşkilatlarında da özünəməxsus bir dolğunluq, bəzi qurumlarda isə hətta müəyyən gərginlik müşahidə etmək mümkündür. Əlbəttə ki, bu vəziyyət ilk növbədə həmin qurumların tabe olduqları yuxarı instansiyalar qarşısında il sonu ilə bağlı verməli olacaqları hesabatla bağlıdır. Etiraf etmək lazımdır ki, həmin hesabatlar heç də bütün qurumlar üçün məqbul hesab oluna bilməz. Digər tərəfdən isə bu hesabatlar əsasında bütövlükdə bir rayonun göstəriciləri də formalaşır ki, bu da ümumi göstəricilərin aşağı düşməsinə səbəb olan müəssisə və təşkilat rəhbərlərinin gərginliyinə səbəb olan amillərdən biri kimi çıxış edir. Bütün bu deyilənləri Füzuli rayonunun misalında nəzərdən keçisək, hazırda bu rayonda daha çox narahatlıq keçirməyə əsası olan müəssisə rəhbərlərinin kimliyinə aydınlıq gətirmək elə də çətin olmaz.Artıq neçə müddətdir ki, redaksiyamıza daxil olan məlumatlarda Füzuli rayon Maliyyə şöbəsinin rəhbərliyi və əməkdaşları tərəfindən rayon sakinlərinin hüquqlarının pozulması, külli miqdarda dövlət vəsaitinin mənimsənilməsi, müxtəlif maliyyə maxinasiyaları və sairə bu kimi neqativ hallarla bağlı şikayətlər öz aktuallığını saxlayır. Qəzetimizin ötən saylarında biz dəfələrlə bu maliyyə qurumunun fəaliyyətindəki cddi nöqsanlardan bəhs edən tənqidi materiallar dərc etmişik. Eyni zamanda da həmin materiallarda qeyd olunub ki, son vaxtıar biz hamımız respublikada həyata keçirilən antikorrupsiya tədbirlərinin tərkib hssəsi kimi bir çox maliyyə idarələrində keçirilmiş yoxlamaların nəticəsi olaraq bəzi rəhbər işçilərə qarşı həbs cəzasının tətbiq olunması hallarının da bir neçə dəfə şahidi olmuşuq. Lakin bütün bunlara baxmayaraq, Füzuli rayon Maliyyə şöbəsində vəziyyət olduğu kimi bərbad halda qalmaqdadır. Təəssüflər olsun ki, Respublikanın Maliyyə Nazirliyi hələ də bu qurumun rəhbərliyinə qarşı son dərəcə liberal mövqe nümayiş etdirməkdədir. Belə ki, aldığımız məlumatlarda mənbələr şöbənin müdiri Zaur Aslanovun qanunsuz əməllərinə dair bir sıra ciddi iddialar ortaya qoymaqdadırlar. İlk növbədə Z.Aslanova qarşı irəli sürülən iradlar onun rəhbərlik etdiyi quruma öz şəxsi kommersiya obyekti kimi münasibət göstərməsi ilə bağlıdır. Ötən materiallarda da biz qeyd etmişdik ki, əslində cavan və perspektivli kadrların irəliyə çəkilməsi, onlara məsuliyyətli vəzifələrin tapşırılması təqdirəlayiq haldır və prioritet hesab edilməlidir. Lakin bizim misalda 27 yaşlı gəncin rəis vəzifəsinə irəli çəkilməsi heç də idarəyə işgüzar ab-hava gətirməyib. Bu barədə məlumatları təqdim edən mənbə bildirir ki, Zaur Aslanovun özünə və yüksək vəzifəli himayədarlarına olan arxayınlığı olduqca böyükdür. Buna görə də Füzulinin maliyyə şefi istənilən halda bütün əməllərinin cəzasız qalacağına tam əmindir. Z.Aslanovun təyinatından keçən az müddət ərzində artıq bu gözləntilərin özünü doğrultmayacağı aşkar oldu. Eyni zamanda da Zaur Aslanovun rayonda qurduğu bəzi əlaqələr yerli ictimaiyyət tərəfindən heç də birmənalı qarşılanmayıb. Belə ki, rayonun yeni maliyyə şefi ilk növbədə Füzuli RTŞ-nin müdiri Almaz Həşimova ilə qeyri-qanuni işbirliyinə rəvac verməsi barədə iddialar xüsusilə diqqəti cəlb edir. Z.Aslanovun rayon Maliyyə şöbəsinin rəhbərliyinə keçməsindən sonra isə RTŞ-də həyata keçirilən müxtəlif tender maxinasiyalarının həcmi də xeyli artıb. Yeri gəlmişkən, bir daha qeyd etmək istərdik ki, bu xüsusda bir müddət əvvəl dərc olunmuş və Füzuli Rayon Təhsil Şöbəsinin fəaliyyətində yer almış ciddi qanun pozuntularından bəhs edən tənqidi material da oxucularımızın diqqətini xüsusi olaraq cəlb etmişdi. Həmin materiallarda bildirilirdi ki, təhsil şöbəsinin rəhbərliyi tərəfindən dövlət əmlakının mənimsənilməsi kimi hallara tez-tez yol verilir. Lakin bütün bu deyilənlər bu və ya digər formada artıq ötən materiallarımızda da öz əksini tapmışdı. Bununla belə daxil olan məlumatlarda Z.Aslanovun rayonun dövlət idarələrində rəhbər vəzifələrdə çalışan bəzi şəxslərlə əlbir olaraq dövlət vəsaitlərinin mənimsənilməsi məqsədilə həyata keçirdiyi maxinasiyalara dair yeni maraqlı açıqlamalar təqdim olunmaqdadır. Lakin hətta artıq təqdim olunmuş faktların da Füzuli rayonu üzrə illik hesabatlara olduqca mənfi təsir göstərəcəyi tamamilə aydındır.Rayonun ümumi göstəricilərinin aşağı düşməsində xüsusi rolu olacaq qurumlardan biri kimi də əlbəttə ki, Füzuli rayonu Təhsil Şöbəsini təqdim etmək olar. Qeyd etmək lazımdır ki, Füzuli RTŞ-nin müdiri Almaz Həşimovanın yarıtmaz fəaliyyəti, vəzifəsindən sui-istifadə edərək korrupsiyaya qurşanması, ciddi qanunsuzluqları, hüquqpozmalara rəvac verməsi, təhsil müəssisələri rəhbərlərini də özünün cızdığı maxinasiya planlarına cəlb etməsi və başqa neqativ hallarla bağlı indiyədək çox deyilib, çox yazılıb. Bu gün istər dövri mətbuatda, istər internet məkanında Almaz Həşimova barədə tənqidi məqalələr yetərincədir. Rayonun təhsil işçiləri müxtəlif instansiyalara ünvanladıqları məktub və ərizələrdə vəziyyətin gərgin həddə çatdığını dönə-dönə qeyd edirlər. Bildirilir ki, ölkənin təhsil sisitemindəki yenilklər və irəliləyişlər Füzuli rayon təhsil sistemində nəzərə çarpmır. Bunun isə əsas səbəbkarı məhz rayon təhsil şöbəsinin müdiri Almaz Həşimovadır. Məsələn, RTŞ müdirinin laqeydliyi ucbatından rayonda fəaliyyət göstərən bir sıra kənd orta məktəbləri baxımsız qalıb və nəticədə qəzalı vəziyyətə düşüb. Bundan başqa isə rayondakı məktəb və liseylərdə təhsilə aid olmayan məqamlar da çoxdur.Füzuli sakinlərini müxtəlif problemlərlə üz-üzə qoyan digər bir təşkilat kimi də Kapital Bankın bu rayondakı filialını göstərmək olar. Belə ki, redaksiyamıza bu filialın müdiri Camal Ocaqverdiyevin qanunsuz əməllərinə dair məlumatlar indi də daxil olmaqdadır. Həmin məlumatlarda ilk növbədə qeyd olunur ki, C.Ocaqverdiyev rəhbərlik etdiyi müəssisəni ailə qurumuna çevirib. Onun ətrafına topladığı yaxın-uzaq qohumları isə öz əməlləri ilə bank əməkdaşlarından daha çox adi sələmçiləri xatlrladırlar. Belə ki, məlumatlarda filial müdirinin göstərişi ilə burada müəyyən şəxslərə sənədləşdirmə aparılmadan “faizə” pul verilməsi hallarının da geniş yer aldığı iddia olunur. Digər bir maraqlı açıqlama da filialda fəaliyyət göstərən valyutadəyişmə məntəqəsinin işi ilə bağlıdır. Bu xüsusda bildirilir ki, məntəqənin vətəndaşlara göstərdiyi xidmətin sənədləşdirilməsi düzgün aparılmır. Ayrı-ayrı vətəndaşların adına göndərilən, bank kimi fəaliyyət göstərən kredit təşkilatlarının hesablarından çıxarılan xarici valyutalar bir qayda olaraq təyinatı üzrə manatla ödənilir. Bu zaman həmin valyutanın alış kursu ilə hesablaşma aparılır. Həmin valyutalar isə iş gününün sonunda satış kursu ilə müştərilərin manatı ilə əvəzlənir. Bundan başqa isə aldığımız məlumatlarda Kapital Bankın Füzuli filialında son vaxtlar vəsaitlərin nağdlaşdırılması ilə bağlı maxinasiyaların da xüsusilə intensivləşdiyi vurğulanır. Bildirilir ki, bu məqsədlə filial müdiri məxsusi olaraq bir şirkət də təsis etmişdir.Bütün bu deyilənlər əlbəttə ki, ilk növbədə Füzuli rayonu üzrə ilin sonu ilə bağlı tərtib olunacaq hesabatlara öz neqativ təsirini göstərəcək. Digər tərəfdən isə hesabatlarda sadəcə quru rəqəmlərin yer aldığını, real həyatda isə bütün bu özbaşınalıqlardan canlı insanların əziyyət çəkdiyini unutmaq lazım deyil.