Nəqliyyat naziri ilə bağlı yeni plan işə salınıb; onun yaxın ətrafı hədəfdədir

Nəqliyyat naziri Ziya Məmmədov və yaxın ətrafı ilə bağlı gərgin həftələr başlayıb. Çox böyük ehtimalla Ziya Məmmədov və rəhbərlik etdiyi nazirliyin son 3 ildəki fəaliyyəti rəsmi şəkildə dərindən araşdırılacaq.

Bu sözləri «Gündəm Xəbər»ə hakimiyyətə yaxın məlumatlı şəxs deyib. Onun sözlərinə görə, Ziya Məmmədovun ötən ay yaxın ətrafının yenidən vəzifələrlə ətyin olunması ilə bağlı verilən sərəncamlar onun rəqiblərini sərt addımlar atmağa sövq eləyib.

Mənbənin sözlərinə görə, son bir neçə ay ərzində Ziya Məmmədov, oğlu Anar Məmmədov, deputat qardaşı Elton Məmmədov və onun övladları haqda mətbuata ötürülən kompromatların artması da təsadüfi deyil: «Atıq Ziya Məmmədovla bağlı «düymə» basılıb. Nəqliyyat naziri Ziya Məmmədov və

yaxın çevrəsinin təsir dairələri nəinki azaldılır, hətta onların qurduğu iqtisadi və siyasi təsir imperiyasının tamamilə çökdürülməsi də qaçılmaz hala gəlib. Bunun əsas səbəbi isə Ziya Məmmədovun hakimiyyətlə bağlı buraxdığı çox ciddi siyasi səhvdən qaynaqlanır».

Məlumatlı şəxs deyir ki, Ziya Məmmədovun qardaşı oğlu ilə bağlı ən ilginc foto-faktların dövriyyəyə buraxılmasına paralel olaraq, nazirin özünün şəxsi və ictimai fəaliyyətinin də son aylar daha qabarıq şəkildə «nişangah»a gətirilməsi də siyasi zəmində buraxılan səhvdən qaynaqlanır: «Bəli, hakimiyyətdə artıq inanırlar ki, Ziya Məmmədov parlamet seçkiləri ərəfəsində Rusiyada təşkilatlanmış «Milyarderlər ittifaqı» ilə gizli təmasa keçib. Və o «Ast Telman» adıyla tanınan Telman İsmayılov vasitəsiylə Rusiyadakı milyonçuların Azərbaycandakı proeyktində yer alıb. Lakin Ziya Məmmədov da digərləri kimi, arxa planda saxlanılıb. Əgər Rusiyadakı iş adamlarının layihəsi uğurla davam edəcəksə, o zaman Ziya Məmmədovun üzə çıxması təmin ediləcək. Hər halda Abbas Abbasovla bağlı son aylar yaranan siyasi təlatüm Ziya Məmmədovla bağlı hakim düşərgədəki çoxluqda bəli bir rəy yaradıb. Elə ona görə də ona qarşı hücumların bundan sonra intensiv xarakter alacağı şübhə doğurmur. Buraya son bir ay ddaa onun yaxın adamlarının gələcəyini təminat alıtna altına alan sərəncamların verilməsini də əlavə etsək, o zaman vəziyyəti anlamaq çətin deyil».

Məlumatlı şəxsin sözlərinə görə, Ziya Məmmədovun yaxın ətrafı ilə bağlı verilən sərəncamlar cəmiyyətdə müəyyən fikir yaradıb: «Amma cəmiyyətdə çoxları düşünmür ki, onun yaxın ətrafının yeni vəzifələrlə təyin olunması ilə bağlı verilən sərəncamlardan xeyli əvvəl, Nəqliyyat Nazirliynin səlahiyyətlərinin məhdudlaşdırılması qərarları da olub. Bilirsiniz ki, bir qədər əvvəl paytaxtın sərnişindaşıma nəqliyyatı Ziya Məmmədovun nəzarətindən çıxarılıb. Ötən il isə Ziya Məmmədovun səlahiyyətləri bir qədər də məhdudlaşdırıldı. Əgər şəhərdaxili nəqliyyat Hacıbala Abutalıbovun sərəncamına verildisə, budəfəki həmlədə isə Ziya Məmmədov Ramil Usubova məğlub etdirildi. Belə ki, Nazirlər Kabinetinin qərarıyla "Azərbaycan Respublikasının ümumi istifadədə olan avtomobil yolları ilə iri qabaritli və ağır çəkili nəqliyyat vasitələrinin hərəkət etməsi və onların

hərəkətinə xüsusi icazənin verilməsi Qaydası”nda dəyişiklik olundu. Dəyişikliyə əsasən, bundan sonra Daxili İşlər Nazirliyi də avtomobil yollarının istənilən sahəsində və nəzarət postlarında (məntəqələrində) xüsusi ölçü alətləri və cihazları ilə bu cür nəqliyyat vasitələrinin faktiki qabarit ölçülərinin yoxlanılmasını, stasionar və daşına bilən xüsusi avtomobil tərəziləri vasitəsilə ümumi kütləsinin və oxlara düşən ağırlığının təyin edilməsini həyata keçirəcək. Bu isə həm də Ziya Məmmədovun geniş təsir imkanlarının minimuma endirilməsi və onun ekstremal vəziyyətdə təxribata əl atmaq imkanlarını məhdudlaşdırmaq deməkdir».

Müsahibimizin sözlərinə görə, çevrəsi və səlahiyyəti daraldılan Ziya Məmmədovu portfelsiz nazirə çevirdikdən sonra ən «vurulması» heç bir narahatlıq yaratmayacaq: «Diqqət edin, Ziya Məmədovun ən yaxın adamı sayılan Arif Əsgərov nazir müavini təyin olunsa da, onun konkret hansı sahəni kurasiya edəcəyi bəli deyil. Hətta ona bir ay ərzində hələ də otağın ayırlmaması da bəzi məqamlara işıq sala bilər. Yəni göründüyünün əksinə olaraq, Ziya Məmmədov bu proseslərdən güclənərək, çıxmayıb. Tam əksinə, onun ətraf həlqələri daraldılıb. Artıq Nəqliyyat Nazirliyi sisteminə Ziya Məmmədovun iradəsindən kənar kadr təyinatlarına da hazırlıq bitmək üzrədir. Yaxın həftələrdə Nəqliyyat Nazirliyində ciddi dəyişikliklər həyata keçirməklə yanaşı, Ziya Məmmədovla uzun illər yol gələn və onun korrupsiya şəbəkəsində önəmli status daşıyanlar da uzaqlaşdırılacaq».

CƏFƏR