Araz Əzimov Paris görüşünün “ürəkaçan olmadığını” bildirib

Əkrəm Əylislini ermənilərə sevgidə ittiham edən iqtidar Qarabağ
aeroportundan istifadə dən mülki təyyarələri vurmayacağını dedi

Azərbaycan xarici işlər nazirinin müavini Araz Əzimov Azərbaycan və Ermənistan xarici işlər nazirlərinin Paris görüşünün “ürəkaçan olmadığını” bildirib. Diplomat həmçinin "Xocalı aeroportu" ilə bağlı deyib ki, Azərbaycan tərəfi öz hava məkanında qanunsuz uçuşlar keçirilməsinə imkan verməyəcək. O, eyni zamanda Azərbaycanın aeroportdan uçacaq mülki təyyarələri vurmağa hazırlaşmadığını da bildirib. Tanınmamış Dağlıq Qarabağ Respublikası Stepanakert/Xankəndi hava limanından uçuşlara yaxın zamanlarda başlayacağını bəyan edib.
Şərq və Qərb Araşdırmaları Mərkəzinin rəhbəri Ərəstun Oruclunun sözlərinə görə, hazırkı prezident Serj Sarkisyan ictimaiyyətdə mövqeyini gücləndirmək üçün "Xocalı hava limanı məsələsindən" istifadə edir.Əzimov münaqişənin həllinə vasitəçilik edən ATƏT-in Minsk qrupu həmsədrləri barədə gümanlarını səsləndirib: “Yəqin ki, həmsədrlər 2013-cü ildə hər iki ölkədə seçkilərin keçiriləcəyini bəhanə gətirərək bu ilin də üstündən xətt çəkəcəklər. Amma vaxt gedir, münaqişə isə həll olunmur.
Politoloq Zərdüşt Əlizadə seçkiləri "bəhanə", hava limanı ətrafında aparılan siyasəti isə “səfehlik” adlandırır. “Onlar deyir açacayıq, biz deyirik vuracayıq. Məncə, açsınlar, onsuz da o təyyarələrə bir müddətdən sonra heç kim minməyəcək, onlara çoxlu maddi ziyan gətirəcək”, Əlizadə deyir. Oruclu isə, bu aeroportun Cənubi Qafqazda yeni silahlı qarşıdurmaya səbəb ola biləcəyi qənaətindədir: “Ermənistana beynəlxalq təzyiq olmazsa, Xocalı hava limanına preventiv zərbələr endirilə, ya aeroportdan qalxan mülki təyyarə ya vurula bilər. Başqa halda, Azərbaycan höküməti bununla hesablaşmalıdır”.
Ekspertə görə, silahlı qarşıdurma daha çox Azərbaycanın Dağlıq Qarabağdakı ərazilərə “nəzarətinin olmaması” səbəbilə, qarşı tərəfin hava ərazisinə keçməsi və orada silahlı müqavimətə rast gəlməsi ehtimalından baş verə bilər. Dəfələrlə aeroportun açılmasının "qarşısının alınacağını" bildirən Azərbaycan tərəfi Xocalı aeroportundan uçuşları “qanunsuz” adlandırır və bunun “siyasi-ideoloji mahiyyəti” olduğunu bildirir. Ermənistan Xarici İşlər naziri Eduard Nalbandyan aeroportdan uçuşların “siyasi və Qarabağ konflikti ilə bağlılığının olmadığını” bildirib. Dağlıq Qarabağ münaqişəsində vəziyyəti "gərginləşdirən" Xocalı aeroportu ətrafında söhbətlər ötən ilin əvvəlindən aktualdır.
2013-cü il hər iki ölkədə prezident seçkilərinin keçirilməsi isə hadisələrin reallaşma inkişafını "saxlaya bilər". Belə qənaətə gələn Azərbaycan rəsmisi Araz Əzimov, seçkilər səbəbilə "həmsədrlərin 2013-ci ilin də üzərindən xətt çəkəcəyini" və vəziyyətin “dəyişməcəyini” güman edib. Politoloq Zərdüşt Əlizadə seçkiləri “bəhanə” adlandırır və cari vəziyyətin "hər iki hökümətin xeyrinə" olduğunu deyir. “Xalqın başqa birilərini seçmək şansı varmı? Sarkisyanın bütün rəqibləri çoxdan ələ alınıb”, o, əlavə edir. Əlizadənin sözlərinə görə, Azərbaycan, Ermənistan, Rusiya, Fransa və ABŞ hökümətləri münaqişənin “həllini istəmir”, heç xalqlar da buna hazır deyil, “hər iki tərəf ədalət axtarır”.
Xarici işlər nazirləri Edvard Nalbandyan və Elmar Məmmədyarov və Minsk qrupu həmsədrləri arasında son görüşun yanvarın 29-da Parisdə keçirilib. "Ermənistan tərəfə çatdırmaq istədiyimiz təkliflər (Paris görüşündə) bəlkə də heç düşünülmədən qəbul edilməyib", Araz Əzimov deyib. Ermənistan Xarici İşlər Nazirliyinin mətbuat katibi Tiqran Balayan isə Azərbaycan və Ermənistan xarici işlər nazirlərinin Parisdə Minsk Qrupu həmsədrləri ilə görüş zamanı Azərbaycan tərəfindən heç bir təklif irəli sürülmədiyini bildirib. “Azərbaycan xarici işlər nazirinin müavini bir şeydə haqlıdır: Ermənistan xarici işlər nazirinin Parisdə səsləndirdiyi bəyanat əvvəlkilərindən fərqlənməyib. Və bu təbiidir, Ermənistanın mövqeyi dünya birliyi və Minsk Qrupu həmsədrləri tərəfindən izhar edilən yanaşmalara həmahəng olub və qalmaqdadır. Azərbaycan tərəfi isə, son Paris görüşü zamanı olduğu kimi, həmsədrlər tərəfindən təqdim edilən bütün təklifləri təkidlə rədd etməkdə yaxud təftiş etməkdə davam edir”, - Balayan deyib. Əzimov Azərbaycan və Ermənistan xarici işlər nazirlərinin Parisdəki son görüşünün "nəticə baxımdan" fərqlənmədiyini demişdi.
“Siyasət şöbəsi”