Erməni idmançının mükafatlandırılması zamanı İlham Əliyevdən jest (VİDEO)

"Bakı-2015" Avropa Oyunlarında kişilər arasında 91 kq çəki dərəcəsində boks yarışlarında medal qazanan idmançıların mükafatlandırma mərasimində maraqlı hadisə yaşanıb.

Prezident İlham Əliyev texniki qələbə qazanan boksçumuz Abdulqadir Abdullayevə qızıl medalı təqdim edib.

Erməni əsilli Ukrayna boksçusu Gevorq Manukyan finalda Abdulqadir Abdullayevlə döyüşməli idi, lakin o, zədələndiyindən rinqə çıxa bilıməyib.

Mükafatlandırma zamanı Manukyanın adı elan edilən zaman tribunadakı tamaşaçılar onu fitə basmağa başlayıb.

Amma İlham Əliyev tamaşaçılara etdiyi jestlə boksçunu fitə basmamağı xahiş etdi. Daha sonra zaldakılar Ukrayna idmançısının sevincini alqışlamağa başlayıb.

Manukyan da öz növbəsində prezidentə təşəkkür edib.