Rayon icra hakimiyyətinin başçısı
prezidentin göstərişlərinə məhəl goymur

Prezident İlham Əliyev fevralın 12-də keçirdiyi müşavirədə son bir ayda ölkədə baş verən çox ciddi sosial etiraz aksiyalarına reaksiya verib hakim komandada yer alan məmurlara sərt xəbərdarlıqlar ünvanladı. Konkret adlar çəkilməsə də ümumi şəkildə “Binə”də sahibkarların aksiyasından, İsmayıllıda baş verənlərdən, İmişlidəki etiraz aksiyasından bəhs etdi.
Dövlət başçısı bu olaylara görə birmənalı şəkildə məmurları suçladı. Dedi ki, icra başçılarının sahibkarları incitməsindən, işlədib pullarını verməməsindən, onlardan qeyri-qanuni pul toplanmasından məlumatlıdır. Prezident çıxışında bəzi icra hakimiyyəti başçılarının öz məsuliyyətlərini dərk etmədiklərini də bildirdi: “Burda oturan bütün icra başçılarını mən təyin etmişəm. Bəzi rayonlarda bir neçə dəfə dəyişmişəm. Çünki etimadımı doğrultmayıblar. Bəzi hallarda məmurlar vətəndaşlara yuxarıdan aşağı baxır. Onları saymır, onları təhqir edir, qudurğanlıq edirlər”.
Ölkə başçısı məmurlardan regionlarda sahibkarlığın inkişafına maneçiliyin aradan qaldırılmasını da tələb edib: “Sahibkarları bu işlərə cəlb etmək lazım deyil. Amma bəzi hallarda onları məcbur edirlər. Onlar böyük həcmdə xərc çəkir. Sonra da pullarını vermirlər. Belə olmaz! Əgər onlar fikirləşirlərsə ki, mənə bu məlumat çatmır, səhv edirlər. Bütün məlumatlar çatır. Bir də deyirəm, bütün icra başçıları bilsinlər ki, sahibkarları incidənlər cəzalandırılacaq”. Prezident konkret məmur adı çəkmədi. Amma əgər ad çəksəydi, yəqin ki, Gədəbə rayon icra hakimiyyətinin başçısı Ramiz Yediyarovun adı da ilk “10-luq”da olardı. Bunu redaksiyamızın elektron poçtuna daxil olan məktub da təsdiqləyir:
“Mən də Gədəbəy rayon sakini olduğum üçün prezidentin bəzi icra başçıları ifadəsini doğma rayonumuzun İH-nin başçısı Ramiz Yediyarova da aid olduğunu zənn etdim.Ancaq prezidentin söylədikləri qanunsuz hərəkətlərin, rüşvətxorluğun və s.halların pik nöktəsi elə Gədəbəy rayonunun özüdür.Belə ki,10 aydır ki,Gədəbəy rayon İH-nin başçısı kini “fəaliyətə” başlayan R.Yediyarov sadalanan və sadalanmayan qanunsuz işləri ilə başqa icra başçılarını kölgədə qoymuşdur.İşlədiyi 10 ay müddətində 10-larla sahikarın mülkünü uçurtdurmuş,öz şəxsi mənafeyinə uyğun olaraq rayonda rüşvıtxorluq əvvəlki illərə nisbətdə dəfələrlə artmış, özü üçün bir “iş” adamı ilə ortaq daş karxanası açmışdır.Özü də deyirlər ki yeraltı sərvət dövlətə məxsusdur.Yəqin ki, R. Yediyarov və şəriki dövlət deməkdir ki bunu da indi öyrəndik. Beləliklə Gədəbəy adlı bu kiçik kənd rayonunda ünvanlı-sosial yardım üçün icra nümayəndəliklərində arayışın qiyməti qalxaraq 150-200 m, fərdi yaşayış evi tikdirmək üçün alınan həyatyanı torpaq sahəsinin qtastr planı 1000m,müjklərə çıxarış almaq üçün İH-ninmemarlıq şöbəsində alınan sxemin qiyməti 100-200m, şəhər icra nümayındəliyində yaşayış yeri haqda adi bir arayış 5m və s. Bu kimi faktları istənilən qədər uzatmaq dq olar. Ancaq məsələ buradadır ki, istənilən qədər bu kimi faktlar, vəzifədə çalışanların qanunsuz tikililəri, 200 manat maaş alan məmurların sürdükləri 40-50min manatlıq maşınlar və digər hallar haqda heç söz açılmlr və onlardan soruşan da yoxdur ki bu qədər pulu haradan qazqnıbsınız.Əgər soruşan yoxdursa deməli R.Yediyarov haqlıdır.Hələ bir az düşünsək demık olar ki R,Yediyarov az zülm edir.Bu gün Gədəbəy şəhər sakinlərinin ən çox əziyyət çəkdiyi sahələrdən biri də iş yerlərinin olmaması və ya olan iş yerlərinə çox yüksək məbləğdə rüşvət tələb olunmasıdır.Bütün bu kimi halları analiz edərkən bu qənaətə gəlmək olur ki ya dövlət başçımız çıxışlarında səmimi deyil, ya da icra başçısı R,Yediyarov prezidentin göstərişlərinə əməl etmək fikrində deyil.Əgər R, Yediyarov prezidentin göstərişlərinə əməl etmək fikrində olsaydı rayonda bu cür acınacıqlı vəziyyət yaratmazdı. Nəticədə əli hər yandan üzülmüş vətəndaşlar özlərini qorumaq üçün müxalifət partiyalarına üz tutmazdılar.Sən saydığını say, gör R,Yediyarov və ətrafı nə sayır.Kimin nə göstəriş verməsindən asılı olmayaraq R,Yediyarov və ətrafı öz alış-verişlərindən və digər qanunsuz hərəkətlərindən əl çəkən deyillər.”
Ceyhun Səfərov