Bank ata və oğulu cərimələnməsinə nail olub, daha bir neçə iddia ərisəzinin araşdırması gedir

“AG Bank” Açıq Səhmdar Cəmiyyəti müştərilərinin məhkəməyə verilməsi barədə məhkəmələrdə çoxsaylı iddia qaldırıb. Artıq bir neçə məhkəmələrdə, həmçinin inzibati iqtisad məhkəmələrində bankın vətəndaşlara qarşı şikayətlərin üzrə məhkəmə prosesləri keçirilir. Bank müştərilərindən pullarının geri qaytarılmasını tələb edir. Bankın belə bir iddiası Sumqayıt şəhər sakini Habil Bədəlova qarşı olub.

Bank iddia edib ki, 21 iyun 2013-cü il tarixli, 103.LN.1421.210613.R.00013 saylı istehlak krediti müqaviləsinin şərtlərinə uyğun olaraq Bədəlov Habil Maarif oğluna illik 20 faizlə 36 ay müddətinə 12240 manat məbləğində kredit verilib və “CHERY TİGGO T11 minik” markalı, 99 ES 911 dövlət qeydiyyat nişanlı avtomobil “AGBank” açıq səhmdar cəmiyyətinə ipotekaya qoyulub. İpotekanın qeydiyyatı 21 iyun 2013-cü il tarixli, AA 090446 nömrəli çıxarışla təsdiqlənib.

Habil Bədəlovun “AGBank” açıq səhmdar cəmiyyətinə 1 aprel 2014-cü il tarixə olan əsas borcu 11494,31 manat, faiz borcu 593,14 manat, cərimə borcu 217,39 manat

olub. Onun banka borcu cəmi 12304,84 manat təşkil edib. Bank iddia edir ki, bu günədək Habil Bədəlov tərəfindən 21 iyun 2013-cü il tarixli, 103.LN.1421.210613.R.00013 saylı istehlak krediti müqaviləsinin şərtləri dəfələrlə yerinə yetirilməyib, kredit üzrə faizlərin ödənilməsi müddətləri pozulub və bu da öz növbəsində Azərbaycan Respublikası Mülki Məcəlləsinin 295 və 319-cu maddələrinə əsasən “AGBank” açıq səhmdar cəmiyyətinə həmin müqavilə üzrə ipoteka qoyulmuş əmlaka tutmanın yönəldilməsi hüququnu verib.

Sumqayıt Şəhər Məhkəməsi bankın xeyrinə qətnamə çıxarıb. Qətnaməyə görə, Habil Bədəlovdən 12304,84 manat və 30 manat dövlət rüsumu tutulub. Həmçinin Habil Bədəlova məxsus olan və banka ipotekaya qoyulmuş “CHERY TİGGO T11 minik” markalı, 99 ES 911 dövlət qeydiyyat nişanlı avtomobilə yönəldilməsi, avtomobilin açıq hərracdan satılması, əldə edilən vəsaitin iddia tələbinin ödənilməsinə yönəldilməsi qət edilib.

Habil Bədəlov bildirib ki, Sumqayıt Şəhər Məhkəməsi işə baxarkən maddi və prosessual hüquq normalarını düzgün tətbiq etməyib və işin faktiki hallarının prosessual qanunvericiliyin tələblərinə riayət edilmədən müəyyən olunması ədalətli məhkəmə araşdırılması hüququnun pozulmasına dəlalət edir: “Maddi çətinliklərim ödənişləri müvafıq cədvəl əsasında həyata keçirməsinə imkan verməyib. Kreditin ödənilməsində yaranmış çətinliklərlə bağlı ödənişlərin normal qaydada həyata keçirilməsi üçün möhlətin verilməsi və fərdi cədvəlin tərtib edilməsi ilə əlaqədar “AGBank”a dəfələrlə etdiyim şifahi, yazılı müraciətlərim nəticəsiz qalıb. Borcları ödəməkdən heç zaman yayınmaq fikrim olmayıb. Müqavilə öhdəliyindən boyun qaçırmaq niyyətində deyiləm”.

O, bildirib ki, kredit şərtləri onu həddən artıq əlverişsiz vəziyyətə salıb. Habil Bədəlovun sözlərinə görə, ödənişləri müvafiq cədvəl əsasında həyata keçirə bilməyib. O, Sumqayıt Şəhər Məhkəməsinin qətnaməsinin ləğv edilməsi barədə Sumqayıt Apelyasiya Məhkəməsinə müraciət edib. Məhkəmənin hakimi Gülnarə Tağızadə onun müraciətinə müsbət cavab verməyib.

Bundan əlavə, “AG Bank” ASC Bakı şəhər sakinləri – Rizvan Qasımov və onun oğlu Şahmarı məhkəməyə verib. Bankın Binəqədi Rayon Məhkəməsinə ünvanlandığı iddia ərizəsində göstərib ki, cavabdehlərin banka olan borcun tutulması və tutmanın ipoteka predmetinə yönəldilməlidir. Binəqədi Rayon Məhkəməsi bankın xeyrinə qətnamə qəbul edib. Qətnamədən narazı qalan ata və oğlu apelyasiya şikayəti veriblər. Onların

şikayətinə Bakı Apelyasiya Məhkəməsində, hakim Namiq Cəfərovun sədrlik etdiyi kollegiyada baxılır.

“AG Bank” ASC Qaradağ Rayon Məhkəməsinə ünvanlandığı iddia ərizəsində Mahirə Məmmədovadan, Vəli Vəliyevdən, Elşad Yarəliyevdən kredit borşunun tutulması ilə tələb olunub. Ayrı-ayrılıqda məhkəməyə daxil olan iddia ərizəsinə hakim Fuad Hüseynov baxır.

Məhkəmələrə daxil olan iddia ərizələrini araşdıranda məlum olur ki, vətəndaşlar da “AG Bank” ASC-ni məhkəməyə vermiş olduğu üzə çıxır. Bakı şəhər sakini Elbrus Musayev banka qarşı qaldırdığı iddia ərizəsində qeyd edib ki, kredit və ipoteka müqavilələrinə xitam verilməsi, ipoteka ilə yüklü edilmiş evin girovdan azad edilməsi tələbi və əlavə hesablanmış faizlərin tutulmalıdır. Həmçinin bankda iddiaçıya qarşı qarşılıqlı iddia ərizəsi verib. Yasamal Rayon Məhkəməsi iddiaçının xeyrinə qətnamə çıxarıb. Məhkəmə həmçinin bankın iddiasını təmin etnməyib. Məhkəmənin çıxardığı qətnamədən bank apelyasiya şikayəti verib. Bakın şikayəti baxılması üçün Bakı Apelyasiya Məhkəməsinə göndərilib. Şikayət araşdırılması üçün hakim Raqib Qurbanovun icraatına verilib. Məhkəmə baxışı sentyabrın 22-nə təyin edilib.