Pulu və əmlakı əlindən alınmış iş adamı Malik Süleymanov ölümlə təhdid olunub.

Sovetlər birliyi adlanan imperiyanın dağılmasına baxmayaraq hələ də o dövrün eybəcər stroytiplərində və idarəçilik üsullarında qurtula bilməmişik. Şəxsiyyətə pərəstiş, rüşvətxorluq, korrupsiya, yalan və saxtakarlıq günümüzün ən aktual problemlərindən biri olaraq qalır. Bizlər hələ də şuarçılıqdan, bayağı çıxışlardan irəli gedə bilməmişik. Əməli işə söykənməyən şou xarakterli kompaniyalar əyalətlərin sosial-iqtisadi sahələri ilə yanaşı ictimai-siyasi həyatını da qaranlığa bürüyüb, xüsusilə də Saatlıda. Belə ki, gözdən, könüldən uzaq olan problem əsl cəhənnəmi xatırladır. Pulsuzluq adamları nəyə desən əl atmaq məcburiyyətində qoyur. İşverənlik, satqınlıq və yaltaqlıq demək olar ki, adiləşərək artıq xarakterik hal alıb. Təmir-tikinti və abadlaşdırmaya ayrılan milyonlarla pullar icra hakimiyyətinin binası qarşısında salınmış parkda havaya sovrulur. Bir az kənara çıxsan vəziyyətin necə də acınacaqlı olduğunu görəcəksən. Üfünət iyi verən zibilliklər, kol-kos basmış küçələr, dağılmış piyada yolları göz oxşayır. Özünü sanki xarabalıqda hiss edirsən. Demək olar ki, ürək açan heçnə yoxdur. Rayonda kimi dindirirsən narazılıqdan, məmurların ünvanına söyüşdən başqa heçnə eşidmirsən. Əgər əvvəllər gənc və yaşlı təbəqənin nümayəndələri bura işsizlər ordusu da daxildir, günlərini çayxanalarda keçirirdisə qiymətlərin artması hazırda buna da ciddi təsir göstərib. Günün birinci yarısından sonra rayonda bir kimsə gözə dəymir. Ölü bir sükut hökm sürur. Təbii ki, bu da rayonun səlahiyyət sahiblərinə sərf edir. Adam yoxdursa demək problem də olmayacaq. Saatlının səlahiyyət sahibləri kimlərdir? İcra başçısı, polis rəisi, prokuror və məhkəmə sədri Şahin Quliyev. Rayonun sahibləri də iş adamları da bax bunlardır. Maraqları çərçivəsində istədikləri hər bir işi həyata keçirirlər. İdarə, təşkilatlar, dükanlar, iaşə obyektləri, sürücülər, valyuta dəyişənlər, şor satan, yağ satan, balıqçılar, ovçular, bank və bank olmayan kredit təşkilatları bir sözlə nə var hamısı onların gəlir dairəsinə daxildir. Hər hansı bir obyekti sökdürmək, yaxud da çökdürmək səlahiyyət sahibləri üçün

heçdə çətin deyil. İş adamı Malik Süleymanovla bağlı təkcə bir faktı qeyd edək. 2013-cü ildə Malik Süleymanovun şəxsi mülkiyyətində olan mehmanxana icra başçısı Siracəddin Cabbarov tərəfindən sökdürüldü. Özü də heç bir qiymətləndirmə aparılmadan. S.Cabbarov pulu ödənilməsini özü ilə isti münasibətləri olan Rusiyada yaşayan Azərbaycanlı iş adamın üzərinə atdı. Həmin bu iş adamı Malik Süleymanovla 120 000 manata danışıb razılaşsa da, lakin 80 000 manat pul verir. Qalan 40 000 manatını sonra verəcəyini bildirsə də elə o gedən gedir. Və M.Süleymanovla əlaqəni birdəfəlik kəsir. Bu işdə olduqca qəribə nüanslar baş verir. Mehmanxananın söküntüsündən bir müddət keçdikdən sonra başqa bir nəfər peyda olur. Özünü İqtisad Universitetinin professoru adlandıran Mübariz Məmmədov adlı şəxs mehmanxana asc-nin sahibi olduğunu iddia edir. Halbuki, bütün rəsmi sənədlər mehmanxanın həqiqi mülkiyyətçisi Malik Süleymanov və onun aqilə üzvləri olduğu halda. Sözü gedən bu professor elmi işlərlə məşğul olmaq əvəzinə M.Süleymanovdan rayon məhkəməsində iddia qaldırır və ondan 200 000 manat təzminat ödənməsini tələb edir. Üzləşdiyi belə bir hərc-mərclikdən şoka düşən M.Süleymanovda qarşılıqlı iddia ərizəsi ilə məhkəməyə müraciət edir. Şahin Quliyevin sədrliyi ilə keçən prosesdə Malik Süleymanovun xeyrinə qərar çıxarılır (20 000 manat pulun qarşılığında). Buna baxmayaraq iş yenə də dalana dirənir. Çıxartdığı qərarın icrasında aciz qalan Şahin Quliyev Malik Süleymanova bildirir ki, özünü İqtisad Universitetinin professoru kimi təqdim edən şəxs arxalı və havadarlıdır. Buna görə də o, heçnə edə bilmir. Odur ki, get başına çarə qıl, ay Malik. Bəli, bu da haqqı əlindən alınan hüquqları pozulan sadə insanların güvənc yeri kimi baxdığı məhkəmə. Baş Prokurorluq, Korrupsiya Qarşı Mübarizə İdarəsi, Prezident Adminstrasiyası, Milli Təhlükəsizlik Naziri ilaxır və sair. Beləcə Malik Süleymanovun döymədiyi qapı müraciət etmədiyi ünvan qalmadı. Lakin daşdan səs çıxdı, sözü gedən həmin qurumlardan bu günə kimi də səs çıxmır. Haqqın, ədalətin olmadığı bir yerdə yaxşı nəysə gözləmək əlbəttə ki, sadəlövlükdən başqa bir şey deyil. Bir fikir verin qanunsuzluq o həddə çatıb ki, rayon məhkəməsinin sədri Şahin Quliyev bir neçə il əvvəl Malik Süleymanovun xeyrinə çıxartdığı qərarı bu yaxınlarda elə özü tərəfindən Mübariz Məmmədlinin xeyrinə dəyişib. Dünyanın

heç bir yerində belə məhkəmə və Şahin Quliyev kimi sədri yoxdur. Bu da bir daha onu göstərir ki, məhkəmə və eləcə də digər hüquq-mühafizə orqanları ancaq məmurların arxası və havadarı olan işbazların maraqlarını müdafiə edib, onların keşiyini çəkirlər. Qarşıdan parlament seçkiləri gəlir. Artıq onbaşı, iyirmibaşı və yüzbaşılar da hazırdır. Bircə qalır camaatı səsverməyə gətirmək. Bunu da hansı üzlə edəcəklər. Döyüb və söydüklərini, yoxsa işıqsız, qazsız və susuz qoyub bu adla sakinləri soyduqlarına görə. Düz bir ilə yaxındır ki, icra başçısı vətəndaşları qəbul etmir. Sadə insanlar S.Cabbarovun harada olduğundan xəbərsizdir. Kənd təsərrüfatı ilinin elan oluduğu 2015-ci ildə kəndçilər üçün də düşərli olmadı. Yay fəsli girəndə kanallarda su qıtlığı yarandı.

Cəfər

gundemxeber.az