Bankın əməkdaşları keçmiş kürəkənlə əlbir olub hərəkət qabiliyyəti olmayan əqli xəstə qaynatanın adına kretit yazıblar.

RegionXəbərləri.com-a müraciət edən Zərdab rayon sakini Məmmədova Dilşad Misir qızı bu saxtakarlığa görə intihar həddinə çatdığını bildirir , ölkə rəhbərindən, Baş Prokurordan və Milli Təhlükəsizlik nazirindən tədbir görmələrini xahiş edir.

Zərdab rayon sakini Məmmədova Dilşad Misir qızının müraciətini olduğu kimi dərc eirik.
Mən Zərdab Rayon 20 Yanvar küçəsi Dalan 5 ev 4 sakini Məmmədova Dilşad Misir qızı mətbuat vasitəsi ilə ölkə prezideti İlham Əliyevə , Baş Prokror Zakir Qaralova və Milli Təhlükəsizlik Naziri Eldar Mahmudova müraciət edərək kömək istəyirəm və bildirirəm ki, Ucar rayonunda bir qrup bank fırıldağı ilə məşğul olan mütəşəkkil dəstənin başımıza gətiridiyi oyunlardan çarəsiz qalaraq özümü öldürmək istəyirəm . Beynəlxalq Bankın Ucar filialının müdiri Taryel Mustafayev , həmin bankın kredit şöbəsinin müdiri Valeh Nuhov və Zərdab rayon sakini, keçmiş kürəkənim Məmmədov Ruslan Fərhad oğlu əlbir olaraq həyat yoldaşım Məmmədov Seyran Məmməd oğlunun adına kredit yazaraq keçmiş kürəkənimə vermişdilər. Belə ki , 09 yanvar 2015 ci ildə qızımın əri Ruslan bizə gələrək kredit götürmək fikrində olduğunu mənə bildirdi və həyat yoldaşımın adına bankdan kredit verə biləcək bir tanışının olduğunu dedi,ancaq mən buna etirazımı bildirib razı olmadım . Kürəkənim Ruslan mən evdə olmadığım müddətdə xəbərim olmadan həyat yoldaşımı Beynəlxalq Bankın Ucar filialına apararaq adına kredit rəsmiləşdirib götürmüşdür. Həyat yoldaşım Məmmədov Seyran Nadir oğlu 2002 ci ildə beyin infaktı keçirdikdən sonra fiziki olaraq özünü idarə edə bilmir onda əqli zəiflik yaranmışdır. Elə həmin xəstəliklədə 2 ci qrup əlil kimi sosial müavinət alır . 36 saylı Tibbi Sosial Ekspert Komissiyası həyat yoldaşımı vəziyyəti ağır olduğu üçün 1 ci qrup əlil kimi qeydiyyata aldılar. Krediti götürüb bir iki ay ödəniş etdikdən sonra Ruslan ödənişini dayandırıb və bundan sonrada başımıza oyun gəldiyindən xəbərdar olmuşuq. Belə ki, həyat yoldaşımın xəstəliklə aldığı müavinət bank tərəfindən avtomatik olaraq götürülməyə başlanıldı. Kredit xəstə həyat yoldaşımın adına yazılsada zamin duran şəxs isə krediti faktiki götürən Ruslanın anasıdır. Ruslan kredit götürülən zaman zamin lazım olduğu üçün bank işçisinin məsləhəti ilə saxta şəkildə öz anasınıda zamin olaraq kredit müqaviəsinə qeyd etdirib. İndi isə çıxılmaz vəziyyətdə qalmışıq.Bizə savadlı şəxslər bildirdilər ki, özünü idarə edə bilməyən hərəkət qabiliyəti məhdud olan əqli xəstənin adına kreditin verilməsi saxtakarlıqdır ki, bunu Beynəlxalq Bankın Ucar filialı etmişdir. Artıq dərəcədə xahiş edirəm Beynəlxalq Bankın Ucar filialının müdiri Taryel Mustafayevin, həmin bankın kredit mütəxəssisi əsəas fırıldaqçı Valeh Nuhovun , krediti götürən keçmiş kürəkənim Ruslan Məmmədovun əlbir olub həyata keçirdikləri bu saxtakarlıq faktını obyektiv araşdırıb onların cinayət məsuliyyətinə cəlb edilib barələrində tədbirlər görəsiniz.

Qarşı tərəfində mövqeyin dərc etməyə hazırıq.

Fuad Hüseynov