Milli Məclisdə büdcə müzakirələri keçirilib. İqtisadi siyasət komitəsinin sədri Ziyad Səmədzadə çıxışında bildirdi ki, 30 min iş yerinin bağlanması Azərbaycan üçün böyük məsələdir.

Komitə sədri əlavə etdi ki, ölkə prezidentinin tapşırığı ilə Vergi Məcəlləsində dəyişikliklər ediləcək: “Bu dəyişikliklər sahibkarlığın inkişafına kömək edəcək”.

Z.Səmədzadə qeyd etdi ki, Neft Fondunda toplanmış vəsaitin əksər hissəsini iri layihələrin həyata keçirilməsinə cəlb etmək mümkündür: "Gizli iqtisadiyyat"ın həcmini ildə heç olmasa, 2-3 fazi azalda bilsək, Azərbaycanın büdcə vəsaitləri xeyli arata bilər. Biz kəndli tərəfindən yetişdirilmiş hər kiloqram məhsulun bazara çıxmasına nail olmalıyıq. Ancaq bu sahədə müəyyən çətinliklər də var”.

Z.Səmədzadə borclanmadan da bəhs etdi: “Dünyanın 130 ölkəsi içərisində sondan üçüncü ölkəyik. Biz ən az borc alan ölkəyik. Hələ bu borcun həcmi devalvasiyadan sonra bir qədər də artıb”.

Komitə sədri dedi ki, cari ildə büdcə gəlirlərində ÜDM payı 34 faiz idi. Gələn il isə 28 faiz olacaq. Büdcə gəlirlərinin azalması əhalinin maaşları, pensiyalar əvvəlki illərdən də artıq olacaq. Sosialyönümlü bazar iqtisadiyyatı davam edəcək. ÜDM də neftin payı 16 milyard manat təçkil edir. 71 faiz vəsait isə qeyri-neft sektorundan əldə edilir: “Bohrandan ona görə uğurlu çıxdıq ki, qeyri-neft sektorunun hesabına iş yerləri açıldı. Qarşıdakı dövrdə də qaz-neft kompleksi inkişaf etdiriləcək”.

Maliyyə naziri Samir Şərifov dedi ki, neftin qiymətinin aşağı düşməsi büdcə gəlirlərinin azalmasını qaçılmaz edib. Bir barrel xam neftin qiymətinin 50 dollardan götürüldüyünü deyən nazir qeyd etdi ki, ölkəmizdə neft hasilatının azalması neft sektoruna öz təsirini göstərib.

Onun sözlərinə görə, 2016-cı ildə ARDNŞ-dan büdcəyə yönələcək vergilərin miqdarı da 200 milyon manat azalacaq. Vergilər Nazirliyinin büdcəyə yönəldəcəyi vəsait 6 milyard 602 milyon manat proqnozlaşdırılır ki, bu da cari illə müqayisədə 7 faiz az olacaq. S.Şərifov qeyd etdi ki, 2016-cı ildə Neft Fondundan büdcəyə 6 milyard manat transfert nəzərdə tutulur.

S.Şərifov gələn il dotasiya almayan rayon və şəhərlərin sırasına Naftalanın da əlavə olunacağını və bu sayın 6-ya çatacağını vurğuladı.

Nazir dedi ki, gələn il dövlət büdcəsinin kəsiri 1 milyard 698 milyon manat məbləğində olacaq.

E.PAŞASOY