Prezidentin sahibkarala divan tutulmasını qınadığı müşavirənin səhərisi gün faş olan məmur özbaşınalığı cavabsız qalacaqmı???

Hörmətli gundemxeber.az saytı, çox xahiş edirəm vəziyyətimizi başa düşüb bu müraciətimi saytınız vasitəsi ilə ictimailəşdirəsiniz.

AZƏRBAYCAN RESPUBLİKASININ PREZİDENTİ CƏNAB İ.ƏLİYEVƏ

Sürəti: SƏNAYE VƏ ENERGETİKA NAZİRLİYİNƏ

Sürəti: “AZƏRİQAZ “İB-NİN RƏHBƏRİ ƏKBƏR HACIYEVƏ


Şəmkir rayonu Qılıncbəyli kənd sakini, sahibkar Rüstəmov Kəramət Şəmməd oğlu tərəfindən

M Ü R A C İ Ə T

Cənab Prezident!

Biz Şəmkir rayonunun sakinləri yaşamaq, ailələrimizi dolandırmaq üçün tək peşəmiz olan əkinçilik və heyvandarlıqla məşğul oluruq.
Möhtərəm Prezidentimiz! Sizin regionların, kənd təsərrüfatının, sahibkarlığın inkişafı, 2015-ci ili kənd təsərrüfatı ili elan etməyiniz, bu haqda verdiyiniz ciddi tapşırıq və tövsiyyələrinizdən ruhlanaraq biz də sahibkarlıq fəaliyyəti ilə məşğul oluruq.

Mən Şəmkir rayonun Qılıncbəyli kəndində 2010-cü ildən sahibkarlıq fəaliyyəti ilə məşğul oluram, kənd təsərrüfatı məhsulları istehsal edirəm. Küllü miqdarda vəsait xərcləyərək heyvandarlıq üçün mal tövləsi, 4 ha istixana inşa etmişəm. Qanunvericiliyin tələblərinə uyğun şəkildə istixananın qazla təmin olunması üçün "Azəriqaz" İB-nin Regional qaz idarəsinə rəsmi qaydada müraciət etmişəm. Onlardan rəsmi razılıq aldıqdan sonra 4ha istixanaya müasir istilik sistemi inşa etmişəm. Qazanxana və qurğuların quraşdırılmasına tək 1. 000.000 manatdan çox vəsait xərcləmişəm.

....Sənədləşdirmə üçün 50 000 (əlli min) manat verib texniki şərt almışam. 2010-cu ildən 2015-ci ilin son aylarına kimi fəaliyyət göstərdiyim 5 il müddətində "Azəriqaz" İB-i ilə heç bir narazılığımız olmayıb. Qaz sərfiyyatını əvvəlcədən ödəməklə istifadə etmişəm. 10.10. 2015-ci il tarixdə heç bir yazılı, şifahi xəbərdarlıq olmadan təsərrüfatın qaz xətti açılıb. Səbəbini soruşduqda yerli məmurlar “Azəriqaz”- dan belə tapşırıq verildiyini söyləyirlər. Hal - hazırda istixanada 120.000 min manat vəsait xərcləyərək yetişdirdiyim xiyar batmaq üzrədir. Belə ki, son günlər havalar soyuq keçdiyi üçün, istixanada normal temperaturun saxlanması mümkün deyil. Qazdan başqa alternativ istilik sistemimiz olmadığı üçün xiyar kolları solmağa doğru gedir. "Azəriqaz" İB-nin rəhbərliyinə movcud durum haqqında məlumat verilməsinə baxmayaraq heç bir tədbir görülmür.

Onu da qeyd edim ki, istixanaya qaz çəkilərkən, ”texniki şərt”i "Azəriqaz" 2 möhürlə, Fövqaladə Hallar Nazirliyi, Qaz nəzarəti xidməti, Layihə İnstitutu, Regional Qaz İdarəsi, Samux Rayon Qaz İdarəsi öz möhürləri ilə təsdiq etmişlər. Hər hansı bir nöqsan aşkar olunsaydı yəqin ki, yuxarıda adını qeyd etdiyim qurumlar mənim texniki şərtimi öz möhürləri və imzaları ilə təsdiq etməzdilər.

2-3 gün ərzində istixanaya qaz verilməzsə, nəticədə indiyə qədər çəkdiyimiz küllü miqdarda vəsaiti itirmiş olarıq və nəticədə mən müflis olaram.
Təsərrüfatda daimi 40 işçi, mösümü olaraq 20 - dən çox işçi çalışır. Məhsulun batması 50-60 ailənin ac qalması ilə nəticələnə bilər.

2015-ci ilin əvvəllərində “Parabank”-dan 150.000 min manat kredit götürmüşəm. Onun da 20.000 min manatını "Azəriqaz" İB-nin məmurlarının təkidi ilə onlara verib istixanaya tənzimləyici qoymuşam.

"Azəriqaz" İB-nin rəhbərliyi tərəfindən istixananın qazının dayandırılması bir sahibkar kimi mənim müflis olmamla nəticələnə bilər.

Mən "Azəriqaz" İB-nin rəhbəri Əkbər Hacıyevə bir sual ünvanlamaq istəyirəm.

"Azəriqaz" İB-nin rəhbərliyi tərəfindən istixanaya verilən qazın xəbərdarlıqsız dayandırılması nəticəsində mənə dəyəcək zərəri (təxmini 200.000 manat) kim ödəyəcək? SİZ, yoxsa DÖVLƏT???

CƏNAB PREZİDENT! Vəziyətimizlə bağlı həyacan təbili çalaraq, 40 işçı adından Sizdən kömək istəyirik. Təcili, təxirəsalınmaz tədbirlər görülməsi, istixanaya qazın verilməsi üçün aidiyyəti qurumlara göstəriş vermənizi xahiş edirik.

İmza:
Rüstəmov Kəramət Şəmməd oğlu
AZE № 09409453
Tel: 051-587-47-30, 051443-3878.