Gundemxeber.az » Ölkə » Nar Mobilenin fırıldaqları üzə çıxdı
Nar Mobilenin fırıldaqları üzə çıxdı
Altmış altı qəpiyindən keçməyən “brend” –
“Azərfon” məhkəmədə biabır oldu[/b]
Ötən günlərdən birində Gəncə şəhər Kəpəz Rayon Məhkəməsində hakim Vəli Abdullayevin sədrliyi ilə “Azerfon” MMC-nin abunəçiyə qarşı yığılmış borcun ödənilməsi ilə bağlı iddiasına baxıldı. Məhkəmə prosesi zamanı üzə çıxan tükürpədici məqamlar özünü brend hesab edən bir şirkət üçün heç də ürəkaçan olmadı.
Çünki 21 mart 2007-ci ildən Nar Mobile ticarət nişanı ilə tanınan “Azerfon” MMC-nin ötən illərdə qazandığı bəzi uğurlar həqiqətdə öz əksini tapmadı. Belə ki, həmin ilin 31 dekabr və növbəti, 1 yanvar günü, həmçinin 2008-ci ilin 20, 21 və 22 mart Novruz bayramı günləri abunəçilərin danışıq haqqının tutulmayacağı haqqında televiziya ekranlarından səsləndirilən reklam rolikləri həqiqətlə üst-üstə düşmədi. Bundan əlavə hər yerdə altı manata (2007-ci ilə görə) satılan nömrə rəhbərlik tərəfindən pay olaraq verilmiş abunəçiyə 8 manatdan hesablanıb. Beləliklə, 50,66 (əlli manat 66 qəpik) manat yığılmış borc və 10 manat dövlət rüsumu məhkəmə yolu ilə abunəçidən tələb olundu.
Burada abunəçinin kim olub-olmadığının heç bir əhəmiyyəti yoxdur. Çünki əldə etdiyimiz məlumata görə belə abunəçilər yüzlərlədir. “Azerfon” MMC qazanmağın asan yolunu tapıb. Məhkəmələrə müraciət edir və məhkəmələr dərhal borcun ödənməsi üçün Məhkəmə Əmri çıxardır.
Hazırda haqqında bəhs etdiyimiz məsələ ilə bağlı da belə olmuşdu. 30 oktyabr 2012-ci ildə borcun ödənməsi üçün məcburi qaydada Məhkəmə Əmri çıxarılmışdı və Elşad adlı icraçı təcili ödəniş tələb edirdi. Abunəçinin etirazından sonra məhkəmə işi iddia icraat formasına keçirdi və araşdırmağa başladı.
Qeyd edək ki, “Azerfon” MMC Azərbaycanda fəaliyyətə başlayan birinci mobil operator deyil. Odur ki, digər mobil operatorların buraxdığı səhvlər burada istisna olmalıdır. İkincisi, nəzərə alsaq ki, Bilayn mobil operatorunu işə salan mütəxəssislər bu operatorun iş mexanizmini hazırlayıblar, onda ideal səviyyəli iş ortaya qoyulmalı idi. Amma...
Son olaraq araşdırılıb ortaya çıxarılan məlumatlar “Azerfon” rəhbərinin ötən illər ərzində işçilərin əksəriyyətinin işdən azad olunması haqqında göstərişlərinə istinadən fikir yürütmək mümkündür ki, burada işlər heç də ürəkaçan olmayıb. Çünki heç bir rəhbər yaxşı, qüsursuz işləyən işçisini işindən kənarlaşdırmaz. Bu şirkətin aşağı eşalonunda təmsil olunan texniki işçilərin də tikan üstündə oturduğunu nəzərə alsaq yaxın gələcəkdə başqa qüsurların da üzə çıxa biləcəyini əminliklə söyləyə bilərik.
Ədalət naminə bildirmək lazımdır ki, bütün bunlara baxmayaraq Nar Mobile sevilən mobil operatordur və günü-gündən abunəçilərin sayı artmaqdadır. Tez-tez sürprizli kompaniyalar keçirir. Sonuncu kompaniya 30 dəqiqə pulsuz danışıq vaxtının verilməsidir. İnanmaq istəmirik ki, bu otuz dəqiqələr də nə vaxtsa abunəçilərə borc olaraq yüklənə və məhkəmələr vasitəsilə ödənişi reallaşdırıla.
“Azerfon” MMC-nin yüksəlməkdə olan nüfuzu nəzərə alınaraq məhkəmə zalında borcun bağışlanması və yaxud müəyyən hissəsindən keçilməsi barədə təkliflər səsləndirildi. Elan olunan fasilə zamanı şirkətin nümayəndəsi Bakı şəhəri, Heydər Əliyev prospekti 106 A ünvanında yerləşən baş ofislə əlaqə saxlasa da rəhbərlik 66 qəpiyindən belə keçmədi.
İşi diqqətlə araşdıran hakim haqqın şirkət tərəfində olsa da ədalətin abunəçi tərəfində olduğunu bidirərək iddianı rədd etdi. Beləliklə, Kəpəz Rayon Məhkəməsində ədalət zəfər çaldı. İnanmaq istərdik ki, Nar Mobile mobil operatoru yarıtmaz işçilərini mükəmməl mütəxəssislərlə əvəzləyəcək və yüksəlməkdə olan nüfuzunu qoruyub saxlayacaq.
[b]Ə.Azəri
Oxşar yazılar :
-
-
“Nar Mobile”də biabırçılıq-TƏFSİLAT ...
7-04-2016, 14:12
-
Təqvimdə dövlət bayramları ilə bağlı yenə ...
12-12-2013, 14:23
-
Göyçayda Nar bayramı keçirilib ...
7-11-2015, 18:50
-
Qazaxda danışıq kartları bahalaşıb? ...
29-01-2014, 13:02
-
Vahid Mürsəliyev 1 dekabr 2015-ci tarixindən ...
3-12-2015, 00:37
Sorğu
Hansı Antivirusdan istiafdə edirsiniz?