Türkiyənin eks-prezidenti bildirib ki, əgər rəsmi Ankara İraq və Suriya siyasətinə davam etsə, bu, Türkiyənin dağılması ilə nəticələnəcək. gundemxeber.az xəbər verir ki, Türkiyənin eks-prezidenti Abdullah Gül prezident R. T.Ərdoğanın Orta Şərq, xüsusən də Suriya siyasətini tənqid edərək "Əminəm ki, Ərdoğanın dəlilikləri nəticəsində Orta Şərqdə qan tökənlər tezliklə qonağımız olacaq və bu siyasət ölkənin dağılması ilə nəticələnəcək”, deyib. İŞİD-ə qarşı vuruşan ABŞ liderliyindəki koalisiyanı "axmaqlar klubu” adlandıran eks-prezident bəyan edib ki, İŞİD və Əl-Nusra da daxil olmaqla bütün Əl-Qaidə ilə bağlı qruplar Qərbin kəşfiyyat orqanları ilə birlikdə işləyir. A. Gül əlavə edib ki, Türkiyə Milli Kəşfiyyat Təşkilatı ilə İŞİD eksremist terrorçuları arasında qarşılıqlı əməkdaşlıq mövcuddur.