Ağstafa səhiyyəsində qanunlar işləmir. Baş həkim İlham Mustafayevin öz qanunları var.

Dövlət tərəfindən səhiyyə sahəsinə göstərilən diqqət əhalinin sağlamlığının qayğısına qalması kimi qiymətləndirilir. Ağstafaya rayon statusu veriləndən hər bir məmuru yaxşı mənada əlindən gələnləri əsirgəmədi. Az zaman kəsiyində dövlət idarələri, müəssisələri quruldu. O cümlədən, mərkəzi xəstəxananın qurulmasına xüsusi diqqət göstərildi. 2010-2012-ci illərdə mərkəzi xəstəxana binası avropa sayağı əsaslı təmir olundu, müasir tibbi avadanlıqlarla təmin olundu. Hətta, Qazax sakinləri də Ağstafaya üz tuturdular. Çünki bacarıqlı həkimlərə “sükan” verilmişdi. Dəqiq müayinələr, göstərilən xidmətlər səhiyyə şöbəsindəki inkişafdan xəbər verirdi.

İlham Mustafayev Ağstafa mərkəzi xəstəxanasına baş həkim təyin olunandan az vaxt sonra keçmişdən əsər-əlamət qalmadı. Savadlı həkimlər sıxışdırıldı, aylıq haqq qoyuldu. Bunun sayəsində xəstələrə xidmət gözdən düşdü. Baş həkim ərzaq və dərman pereparatlarına ayrılan vəsati şəxsən “həzm” etməyə başladı. Demək olar ki, pulsuz xidmətlərin sonu çatdı.

Əvvəlcə, USM, UZİ müayinələri pulsuz olsa da, İlham həkim pullu xidmət göstərilməsinə göstəriş verdi. İndi hazırda 20 manat olmasa USM müayinəsindn keçmək mümkün deyil. Ilham Mustafayevin həkimlərə nəzarətçi qoyduğu tibb bacılarına əlavə nəğd əmək haqqı verilir. Xəstələrə göstərilən ögey münasibət səhv müayinə ilə nəticələnir. Belə hallar baş həkimi narahat etmir.

Baş həkim kabinetinin qapısının üstünə yazdırıb ki, qəbul saat 14: 00-dan başlayır. Təsəvvür edin, Ağstafanın elə kəndləri var ki, rayondan 60 km aralıdır. Həmin kəndlərə axırıncı marşurut axşam üstü saat 4-5-də yola düşür. Belə çıxır ki, həmin kəndin sakinləri dərdlərini baş həkimə çatdırmaq üçün 2 gün vaxt sərf etməlidir.

İlham Mustafayev ana-uşaq ölümünə görə mükafatlansa da doğum şöbəsinin müdirəsi izini itirdi. Töhmət və xəbərdarlıq alanlar da oldu. Mükafat sözünü ona görə işlətdik ki, söhbətimiz zamanı baş həkim bildirdi ki, məni Bakıdan məcburi göndəriblər. Ona görə

də, baş verənlərin mənə dəxli yoxdur. Hətta, hər bir sualımızı cavablandırmaqdan imtina etdi.

Fikir verin, mərkəzi xəstəxana binasının əsaslı, təmiri üçün ayrılmış 130 000 manat “Su Tikinti” MMC-yə köçürülmüşdür. Araşdırmamız zamanı məlum olmuşdur ki, həmin MMC-nin işçi qüvvəsi və tikinti materialları bazası yoxdur. Ən azından işçilərin əmək müqaviləsi olmalı idi. O da məlum oldu ki, vergidən və sosial ödəmələrdən yayınmalara yol verilmişdir. Adının çəkilməsini istəməyən mənbə bildirir ki, 130 000 manat vəsait nədir ki?.. Çox elə vəsaitləri İlham Mustafayev çoxdan həzm etmişdir. Elə olmasaydı az vaxtda Qazağın Ağköynək kəndində 1 milyon manat dəyərində ev tikdirə bilməzdi. Odur ki, həmin ünvana yollandım. Doğurdan da, dəbdəbəli xüsusi görkəmdə tikilmiş villa heyran qoydu məni. Görəsən, 3 il vaxtda İlham həkim bu qədər vəsaiti necə əldə edib? Axı, iqtisadi, maliyyə böhranı vaxtıdır. Biz dövlətin qəpiyinin də qədrini bilməliyik.

Təcili yardəm şöbəsi də baş həkimin əsas gəlir mənbəyidir. Bu şöbədə məvacib yüksək olduğundan orada işləməyə həkim və tibb bacıları daha çox maraqlanırlar. Baş həkim həmin şöbədə 1 ştat vahidini 2 yerə bölərək qazancını xeyli artıra bilmişdir. Maraqlı odur ki, qonşu rayonlardan da həmin şöbəyə 0,5 ştata həkimlər götürülmüşdür. Məqsəd, əldə edilən məbləğin sirr olmasını təmin etmək olub. Doğurdanmı ağstafalı həkimlər həmin şöbədə işləmək istəməyiblər?

Bir ştat vahidinin 2 yerə bölünməsi əmək qanunçuluğuna zidd olduğundan yəqin ki, baş həkim xəbərsizdir...

Yəqin ki, səhiyyə nazirliyində İlham Mustafyevə dayaq olanlar yuxu yozmaya keçəcəklər. And olsun Allaha İlham həkimlə qərəzçiliyim yoxdur. Etdiyi təklifi də qəbul etməmişəm. İlham həkimi lap gəncliyimdən tanımışam. Yüksək maddi duruma məxsus ailədən də deyil. Eyni yaşıdıq. Mən də müxtəlif sahələrdə calışmışam. Dolanmadan da gileyim yoxdur. Ən azından mənim üçün maraqlıdır, İlham həkimin Bakı şəhərində eşitdiyim qədər dəbdəbəli ev-eşiyi var. Eləcə soruşuram ki, Ağstafa səhiyyəsində nə qədər qazanıb ki, baş həkim olandan 35-40 min manatlıq avtomobilə sahib oldu?

Ağköynək kəndində ən bahalı villa tikdirdi. Demək olar ki, villası Qazaxda seçiləndir. Dövlətə, dövlətçiliyə bağlılığımdan görüb eşitdiklərimə baş vurdum.

Yəqin ki, ən yaxşısını səhiyyə nazirliyi soruşacaqdır.

Vəkil Rüstəm

gundemxeber.az