Məcburi köçkünlər yenidən qaçqın salınır

Son vaxtlar Bakı və Bakıətrafı ərazilərdə məskunlaşan məcburi köçkünlərin köçürülməsi prosesinə start verilib ki, məlum proses icyimaiyyətə məcburi köçkünlərin sosial rifahının yaxşılaşdırılması və dövlətin qaçqınlara qayğısı kimi təqdim edilməkdədir. Halbuki, məcburi köçkünlərin yerləşdirilməsi üçün yeni mənzillər doğrudan da tikilsə də, burada söhbət heç də qaçqınların mənzil şəraitini yaxşılaşdırmaq deyil, Bakını – “ağ adamlar şəhəri”ni məcburi köçkünlərdən təmizləmək, şəhərdaxili sıxlığı qaçqınların yenidən qaçqın salınması hesabına azaltmaqdır. Bununla bağlı qəzetimizi bilgiləndirən özəl mənbənin sözlərinə görə, hakimiyyət bu yöndə sistemli iş aparır ki, bunun nəticəsində yüzlələ qaçqın ailəsi Bakı şəhərini tərk etmək məcburiyyəti qarşısında qalıb.

Bakıdan rayonlara istiqamətlənən köç

Mənbənin sözlərinə görə, artıq bir neçə ildir ki, Bakıda məskunlaşan qaçqınların bir hissəsinin Füzulu, Ağdam və s rayonlardakı kəndlərdə məskunlaşdıırlması siyasəti yürüdülür: “Dövlətin Bakıda yaşayan köçkünlərin önəmli bir qismini yenidən cəbhəyanı rayonlara köçürməsi, həmin ərazilərdə müasir qəsəbələrin salınması qaçqınlara olan dövlət qayğısından irəli gəlmir. Hakimiyyət sadəcə olaraq, insanları heç bir məşğulluq imkanı olmayan ərazilərdə məskunlaşdırmaqla, sadəcə olaraq onları ölkə paytaxtından uzaqlaşdırmağa, Bakını “ağ adamlar”ın əyləncə və istirahət şəhəri kimi qoruyub saxlamağa çalışır. Ümumiyyətlə, siyasi hakimiyyət hesab edir ki, məcburi köçkünlər faydasız yük kimi ölkənin həm iqtisadi, həmn də ictiami-siyasi həyatında çoxlu problemlərə səbəb olur. Bu baxımdan indiki şəraitdə onların regionlarda məskunlaşdırılması yeganə çıxış yolu kimi dəyərləndirilməkdədir. Məhz bu baxımdan da hər il yüzlərlə köçkün ailəsinin Bakıdan rayonlara doğru yol aldığı müşahidə edilir. Öz hakimiyyətləri əlində əsir olan bu insanlar 15-20 ildir ki, məskunlaşdıqları, özlərinə isti bir yuva, sosial bir çevrə yaratdıqları yerdən yenidən qaçqın salınır ki, bu da ikiqat məhrumiyyət, ikiqat qaçqın həyatı dmeəkdir”.

“Bakı təmizlənməlidir!!

Bilgili qaynağın sözlərinə görə, hazırda Bakıda məskunlaşan digər məcburi köçkün ailələrinin də yaxın gələcəkdə ətraf əraizlərə köçürülməsi planlaşdırılır. Siyasi hakimiyyət hesab edir ki, Bakı təmizlənməli və ölkə paytaxtında yalnız siyasi elita təmsilçiləri yaşamalıdır: “Bu gün Bakıda müəyyən qədər məcburi köçkün ailəsi yaşasa da, onların da yaxın vaxtlarda rayonlara və ya ən yaxşı halda Bakıətrafı ərazilərə köçürülməsi reallaşacaq. Çünki hakimiyyət Bakını öz qaçqın vətəndaşlarından təmizləməkdə israrlıdır. Bu gün siyasi hakimiyyət sahibləri və iri məmurlar hesab edir ki, əslində Bakıda məcburi köçkünlərin mövcudluğu “lüzumsuz insan”sayını artırır. Qaçqınların görkəmindən yoxsulluq və məhrumiyyət yağan binaları da şəhərin estetik görünüşünü pozan tikiilər hesab edilir. Siyasi elitanın düşüncəsinə görə, Bakıda yalnız məmur ailələri və bir də onların qulluqçuları qalmalıdır. Qalan bütün şəxslər “ağ adamlar şəhəri”ni tərk etməli, özünə başqa yerdə yurd-yuva düzəltməlidir. Bu baxımdan hazırda Bakıda məskunlaşan digər məcburi köçkün ailələrinin də ətraf ərazilərə köçürülməsi planlaşdırılır”.

Hakimiyyət Binəqədi rayonunu da boşaldır

Mənbənin sözlərinə görə, “Qaçqınsız Bakı” layihəsinin son etabını həyata keçirən hakimiyyət yalnız ölkə paytaxtının mərkəzi küçələrinin deyil, Bakının bəzi iri rayonlarının da qaçqınlardan “təmizlənməsinə” can atır: “Son günlər baş verən proseslər göstərir ki, Bakının qaçqınlardan təmizlənməsi əməliyyatının miqyası əslində düşünüldüyündən daha genişdir. Belə ki, hakimiyyət yalnız şəhər mərkəzini deyil, Bakının əsas rayonlarının – xüsusilə də Binəqədi rayonu və ona tabe Biləcəri qəsəbəsinin də qaçqınlardan təmizlənməsini planlaşdırılır. Bunun üçün Binəqədi və Biləcəridə yaşayan məcburi köçkün ailələrinin mənzillə təminatı üçün Bakı ətrafında yeni binaların inşasına start verilib. Məcburi köçkünlərin daha çox Müşfiqabad qəsəbəsində məskunlaşdırılması gözlənilir ki, bu da hakimiyyətin sözün həqiqi mənasında ölkə paytaxtını “artıq adamlar”dan boşaltdığını təsdiqləyir. Çox güman ki, Müşfiqabad üzərində yoğunlaşacaq köç Müşfiqabad qəsəbəsinin adına da təsir göstərəcək, qəsəbə “qaçqın şəhəri” statusu alacaqdır. Hər halda, hazırda Müşfiqabadda məskunlaşan məcburi köçkünlər qəsəbəyə gələn qaçqınların sayı baxımından belə bir ehtimalın yüksək olduğu qənaətindədir. Onların fikrincə, yəqin ki, hakimiyyət proses başa çatandan sonra Müşfiqadabddakı qaçqınlara daha etibarləı nəzarət etmək üçün qəsəbənin dörd bir yanında qüllələr qaldıracaq, qəsəbədə yarıkarantin rejimi tətbiq edəcəklər. Bakı isə bugünə qədər olduğu kimi bundan sonra da xalqı ikinci dəfə didərgin salan məmurların zövq və əyləncə şəhəri olaraq qalacaqdır”.

İlqar Rəsulov