Məhəmməd Gəncəvi: “Məni ulu öndər Heydər Əliyevin plakatına görə həbs etdilər. Bu biabırçılığa Respublika Prokurorluğu, Daxili İşlər Nazirliyi və Dövlət Təhlükəsizliyi Xidməti hələ hələ də dözürlər! Şəhər prokuroru F.Həsənəliyevin, şəhər Polis İdarəsinin rəisi F. Şabanovun və onun müavini İ.Balakişiyevin, Kəpəz rayon polis şöbəsinin rəisi A. Məmmədovun, şəhər səhiyyə İdarəsinin rəisi Ə. Məmmədovun açıqlamaları açıqlama deyil. Çünki, onlar cinayətlərii ört-basdır etməyə çalışsalar da, buna heç cür nail ola bilməyəcəklər”. Cənab Prezident! “Mən bu açıqlamamı yenə də ulu öndər Heydər Əliyevin düz 15 il bundan öncə dediyi sözlərlə başlamaq istəyirəm. O, demişdi: "Gəncə şəhəri nəzarətdən çıxıb, artıq ora “əl gəzdirməyin” vaxtı çatıb." Bütün bunların nəticəsidir ki, Gəncə şəhəri rüşvətxorluğa, dələduzluğa, dövlətin əmlakı olan yataqxana evlərinin, yəni SSRİ dönəmindən qalma evlərin saxta orderlərlə satılmasına, ölüm hadisələrinin hələ də örtülü qalmasına, polis əməkdaşlarının və qadın vəkilin bıçaqlanmasına, istirahət parkında ananın uşaqlarının gözü qarşısında vəhşicəsinə başının kəsilməsinə, YPX rəisinin bir yumruğa öldürülməsinə, kimsəsiz qadınların əlləri-ayaqları məftillə bağlanaraq, üstünə neft töküb vəhşicəsinə öldürülmələrinə, şəhid ailəsinin tək uşağının neft çəninə salınaraq vəhşicəsinə öldürülməsinə, şəhid ailəsinin xəstə uşağının nömrəsiz, sənədsiz motosikletlə vurulub öldürülməsinə, qaçqınların evlərində olan xarici valyutanın oğurlanmasına, yataqxanada Sadiq adlı sakinin yatdığı zaman üstünə yanacaq tökülərək öldürülməsinə, Nadir adlı kişinin oğlunun adam öldürərək cinayətdən gizlənməsinə, 2011-ci ildə hamilə qadına 103 neştər vurularaq vəhşicəsinə öldürülməsinə və nəhayət ulu öndər Heydər Əliyevin, ölkə rəhbəri cənab İlham Əliyevin və Mircəlal Paşayevin plakat-şəkillərinin bir qrup şəxslərlə bərabər, V.Hümbətov adlı şəxs tərəfindən də yarasız hala salınmasına görə, bu gün respublikamızda birinci yeri tutur desək, yəqin ki, yanılmarıq. Nəzərinizə onu da çatdırım ki, belə bir hadisələrin hamısı, kiçik bir ailəvi yataqxanada baş verənlərdir. Bu belə olduğu halda, görün Gəncə şəhərinin başqa yerlərində nələr baş verir?! Möhtərəm Prezident! Siz etdiyiniz çıxışlarınızda hər zaman bildirirsiniz ki, “uşaqlar bizim gələcəyimizdir”. Əgər bu belədirsə, bəs onda uzun illər insan alveri ilə məşğul olan, belə bir əməllərinə görə dəfələrlə saxlanılan və tez bir zamanda da buraxılan, heç bir əsas olmadan ailəvi yataqxanada komendant vəzifəsini daşıyan və daşıdığı vəzifəsindən də sui-istifadə edərək, dörotaqlı yataqxana evlərini mərhum prezidentimiz Heydər Əliyevin sırf düşmənlərindən biri olmuş Füzuli Məmmədovun (Frenk Elkaponi) ofisinə çevirərək, orada özü səviyyəsində olanları partiya üzvlüyünə qəbul edən, eyni zamanda vaxtilə ulu öndərə qarşı təxribatlar aparan və F. Abdullayevanın fahişəxanasında böyüyən qız uşaqlarından hansı gələcəyi gözləmək olar? Bundan əlavə, 2005-ci ildə Gəncə şəhərində bəzi qüvvələrin dövlət çevrilişinə cəhd etdikləri bir vaxtda, başıma elə bir müsibətlər gəlib ki, gəl görəsən. Belə ki, həmin vaxt gecə növbəsində olarkən mərhum prezidentimizin sırf düşmənlərindən biri hesab olunan Füzuli Məmmədovun (Frenk Elkaponi) Gəncə şəhər İcra Hakimiyyətinin sabiq icra başçısı (hal-hazırda Səbail rayon İcra Hakimiyyətinin başçısı) Eldar Əzizovun, sabiq şəhər prokuroru A. Vəliyevin (hal-hazırda Baş Prokurorluqda hansısa vəzifəni daşıyır), hakim S. Babayevin, müstəntiqlər S. Sadıqovun, F. Ağayevin və R. Mürşüdovun adamı, uzun illər insan alverilə məşğul olan F. Abdullayeva, giriş qapısının üstündən asdığım ulu öndər Heydər Əliyevin, möhtərəm prezidentimiz cənab İlham Əliyevin və Mircəlal Paşayevin plakat-şəkillərini sakinlərin gözü qarşısında təhqir etdikdən sonra, cırıb evinə də aparmışdır. Bu xəbəri mənə, mənimlə qonşu olmuş, 2 saylı poliklinikada xadimə işləyən N. Məmmədova gecə saat 2 radələrində iş yerimə 3 dəfə gələrək, məndən təkrar-təkrar tələb etmişdir ki, gedib F. Abdullayevadan şöbəyə şikayət edim. Belə olan halda F. Abdullayeva işin ağır nəticələnəcəyini başa düşdükdən sonra, Gəncə şəhər Polis İdarəsinin sabiq rəisi, mərhum Rasim Musayevin göstərişi ilə onlar barışırlar. Az sonra N. Məmmədova telefonda ulu öndərin və ölkə rəhbərinin şəkillərini təhqir edərək mənə "mən şəkilləri hərləmirəm" sözlərini də dedi. Poliklinikada məni ölümlə hədələyərək, üstümə bıçaq da çəkdi. Bundan sonra, Gəncə şəhər İcra Hakimiyyətinin sabiq başçısı Eldar Əzizovun yerliləri, ləzgi millətindən olan iki bacı, dələduzluq yolu ilə biri özünü Prezident Administrasiyasının əməkdaşı, digər bacı isə, özünü Milli Məclisin deputatı kimi təqdim etdikdən sonra, o, şəkilləri yarasız hala salaraq "sən bunlaramı arxalanırdın”? dedi. “Biz də ləzgi bacıları deyərlər ha..." Hörmətli Prezident! Mən cinayətkar olanlar barəsində, vaxtilə sabiq icra başçısı olmuş Eldar Əzizova küçədə şikayət etsəm də, o, minnətdarlıq etmək əvəzinə, məni ələ salıb küçədə semiçka çırtlayan, bir gözü kor olan mühafizəçiyə tapşırdı. Bir sözlə şikayətimə baxmadı. Məcburiyyət qarşısında qalıb cinayətkarlar barəsində şəhər Polis İdarəsinin sabiq rəisi, mərhum Rasim Musayevə şikayət etdikdə, o da minnətdarlıq etmək əvəzinə, iki dəfə üstümə gəldi və küçə söyüşləri ilə də təhqir etdi. O, üzünü əxlaqsızlıq edən qadınlara və polis əməkdaşlarına tutaraq "ə, bu nə danışır, bu dəli olubdur, nədir, bunu niyə tutmursunuz?" Səhəri gün polis əməkdaşları məni ruhi-əsəb dispanserinə apardılar və çox çətinliklə oradan çıxa bildim. Daha sonra cinayətkarlar barəsində şəhər prokuroru A. Vəliyevə şikayət etdikdə o, əvvəlki vəzifə sahiblərindən fərqli olaraq mənə minnətdarlıq etdi və bildirdi ki, "sən nə danışırsan, heç Əliyevləri, mənim əziz müəllimim Mir Cəlal müəllimi təhqir etmək olarmı? Arxayın ol, özüm bu işə nəzarət edəcəyəm". Səhəri gün şəhər prokuroru da verdiyi vədinə əməl etmədi və biabırçı sanksiya verərək məni həbs etdirdi. Məhkəmə zamanı N. Məmmədova mənə şər və böhtanlar atdı və məni şantaj edərək bildirdi ki, "möhtərəm hakim, prezidentlərin şəkillərini Məhəmmədin özü cırıb". On nəfər polis əməkdaşları və müstəntiqlər də V. Hümbətovun yalandan dediyi sözləri təsdiq etdilər. Bu mənə qarşı bəslənilən alçaldıcı yanaşma oldu ki, buna da terror desək daha yaxşı olar. Belə bir şər və böhtanlara görə hakim S. Babayev, dələduzluqla məşğul olan V. Hümbətovun ayağına verərək, mənə 4 il 6 ay iş verdi. Nəzərinizə çatdırım ki, mən həbs edildikdən sonra V. Hümbətov N. Məmmədovanın ailəsindən ayrılmış qızını kərpic zavoduna işə də düzəltmişdir. Həbsimdən sonra N. Məmmədova məndən əl çəkmədi və 16 saylı həbsxananın müdiriyyətinə şər və böhtanlarla dolu şikayət ərizəsi yazaraq bildirmişdir ki, “guya mən həbsxanadan ona zəng vururam, onu və həkimi Nəzərəlini ölümlə hədələyirəm. Guya demişəm ki, həbsxanadan çıxan kimi hər ikinizi öldürəcəyəm. Nəzərinizə onu da çatdırıram ki, V. Hümbətovla gizlində yaşayan N. Məmmədova, onun hansı əməl sahibi olması haqda məlumat verərək demişdi ki, “V. Hümbətov poliklinikanın qarşısındakı binanın birinci mərtəbəsində fəaliyyət göstərən sexdə fəhlə işləyən və əri Rusiya dövlətində ailəsi üçün pul qazanmağa gedən ərli qadınla görüşür. Mənə hətta onu da deyirdi ki, 14 yaşında yetim qız uşağım var, gətirim onu yanında saxla. Atası Zabitin ürəyi partlayaraq ölübdür”. Mən mətbuat vasitəsilə üzümü V. Hümbətova tutaraq deyirəm: “Gəncə şəhəri onun dərk etdiyi yerlərdən deyil. Burada onun-bunun kəbinli arvadlarına, atası faciəli surətdə ölmüş 14 yaşlı qız uşağına, gizlin yerlər axtaranın boğazını dartıb arxasından çıxararlar. Lazım gələrsə, hətta "ağ dağlara" da apararlar. Sual oluna bilər, V. Hümbətov kimdir? Əldə etdiyim məlumatlara görə, V. Hümbətovun əmisi Gəncə şəhər Dövlət Təhlükəsizliyi Şöbəsinin rəisi olub. Əmisi isə, sabiq Milli Təhlkükəsizlik Naziri E. Mahmudovun dostu olduğundan, onun cinayət işlərini Gəncə şəhər prokuroru F. Həsənəliyev, Gəncə şəhər Polis İdarəsinin rəisi F. Şabanov və Kəpəz rayon polis şöbəsinin rəisi A. Məmmədov, onun cinayət işini ört-basdır etməklə məşğuldurlar. Belə bir cinayət hadisələrindən sonra, şəhər prokuroru F. Həsənəliyev, şəhər polis idarəsinin rəisi F. Şabanov, Kəpəz rayon polis şöbəsinin rəisi A. Məmmədov, hökumətdən, hətta prezident İlham Əliyev cənablarından çəkinmədən, Baş Prokurorluğa, Daxili İşlər Nazirliyinə, Dövlət Təhlükəsizlik Xidmətinə saxta arayış verərək bildirirlər ki, “Məhəmməd Gəncəvinin yazdığı faktlar təsdiqini tapmadığından kitaba tikilmişdir”. Möhtərəm Prezident! Sizdən ifadəmə görə üzr istəyirəm. Nəzərinizə onu da çatdırım ki, adı pis əməllərdə hallanan qadının səhiyyə ocağında işləməsi yəqin ki, yolverilməzdir. Əgər səhiyyə naziri O. Şirəliyev və Gəncə şəhər səhiyyə idarəsinin rəisi professor Ə. Məmmədovun yaxınları 2 saylı poliklinikada işləsəydilər, yaxud da N. Məmmədovanın xoşagəlməz addımları ilə üz-üzə qalsaydılar, onların heç xoşuna gələrdimi? Mən mətbuat vasitəsilə yenə də üzümü V. Hümbətova tutaraq deyirəm: Prezidentlərin şəkillərini cıran və yalan danışan kim olar? Deyirəm ki, kişinin gərək kişiliyi, ləyaqəti və dəyanəti olsun. Əsas da "üzdəniraq" olmasın. Cinayət əməllərini də ört-basdır edən hüquq-mühafizə orqanı əməkdaşlarına da ar olsun deyirəm! Mən ölkə rəhbərinin üzləşdiyim problemi şəxsi nəzarətinə götürəcəyinə inanıram. Ardı var... Məhəmməd Qələmmirzə oğlu Gəncəvi

gundemxeber.az