Bir neçə gün bundan əvvəl, əslən Gəncə şəhərindən olan Məhəmməd Gəncəvi adlı şəxs redaksiyamıza təşrif buyurdu və illər uzunu üz-üzə qaldığı problemlərinin ictimailəşməsini də xahiş etdi. Odur ki, onun müraciətini çoxsaylı oxucularımızın diqqətinə çatdırırıq və bildiririk ki, “nə qədər ki, Məhəmməd Gəncəvinin fəryadına aidiyyəti qurumlar cavab verməyiblər, hər sayımızda biz bu fəryadıı çap edəcəyik”. Məhəmməd Gəncəvi bildirir ki,”məni xalqımızın ulu öndəri Heydər Əliyevin plakatına görə həbs etdilər. Belə bir biabırçılığa Respublika Prokurorluğu, Daxili İşlər Nazirliyi və Dövlət Təhlükəsizliyi Xidməti hələ də dözürlər! Gəncə şəhər prokuroru F.Həsənəliyevin, şəhər Polis İdarəsinin rəisi F. Şabanovun, onun müavini İ.Balakişiyevin, Kəpəz rayon Polis Şöbəsinin rəisi A. Məmmədovun, şəhər səhiyyə idarəsinin saxta professoru Ə. Məmmədovun və 2 saylı Poliklinikanın baş həkimi, saxta yolla əməkdar həkim adını almış İ Babayevin araşdırmaları araşdırma deyil, çirkin məqsəd güdən sayıqlamalardır. Onlar cinayəti örtsələr də, basdıra bilməyəcəklər. Cənab Prezident! Mən yazımı Azərbaycan şairi Əbül-üla Gəncəvinin bir sözü ilə başalamaq istəyirəm. Əbül-üla Gəncəvi demişdi: "Mənim qəlbim su və alov kimi incə, güclü ikən, nə üçün hər yaramazın qarşısında alçalıram?! Mən Sizə yenə də müraciət edib bildirirəm ki, Gəncə şəhərində 2005-ci il tarixdə bəzi qüvvələrin dövlət çevrilişinə cəhd etdikləri bir zamanda başıma gətirilməyən müsibətlər qalmadı. Belə ki, gecə növbəsində işdə olarkən ulu öndər Heydər Əliyevin sırf düşmənlərindən biri olmuş Füzuli Məmmədovun (Frenk Elkaponi), şəhərin sabiq prokuroru A. Vəliyevin adamı, uzun illər insan alverilə məşğul olan, qanunsuz olaraq ailəvi yataqxanada komendant vəzifəsində işləyən, vəzifəsindən sui-istifadə edərək dörd otaqlı yataqxana evlərini Füzuli Məmmədovun ofisinə və əxlaqsızlıq yuvasına çevirərək, orada partiya sənədlərini, məramnamələrini gizlində saxlayaraq, partiya üzvlüyünə özü kimi adamları toplayaraq, Ulu Öndərə qarşı təxribatlar aparan Füzuli Abdullayeva adlı birisi, qapımın üstünə asdığım mərhum prezidentimiz Heydər Əliyevin, ölkə rəhbəri cənab İlham Əliyevin və Mircəlal Paşayevin plakat-şəkillərini təhqir edərək, cıraraq evinə aparmışdır. Bu xəbəri mənə qonşum olmuş, 2 saylı poliklinikada xadimə işləyən Nuridə Məmmədova adlı bir “qadın”ın gizlində yaşadığı cinayət-axtarış müvəkkili V. Hümbətovun maşınında, gecə saat 2 radələrində üç dəfə gələrək mənə xəbər vermişlər və məndən dönə-dönə tələb də etmişlər ki, mən F. Abdullayevadan gedib şöbəyə şikayət edim. Mən onların dediyi kimi etdim və işin araşdırılması elə V.Məmmədovun özünə tapşırıldı. Lakin o işi araşdırmadı. Mən telefon vasitəsilə N.Məmmədovadan soruşdum ki, niyə sözlərinizi danırsınız? 0, mənə cavab verərək bildirdi ki, mən prezidentlərin şəkillərini hərləmirəm. O, iş yerində məni ölümlə hədələyərək üstümə mətbəx bıçağını çəkdi. Nəzərinizə çatdırım ki, mən cinayətkarlar barəsində şəhəRin sabiq prokuroru, hal-hazırda Baş Prokurorluqda vəzifə daşıyan A. Vəliyevə şikayət ərizəsi verərkən, o, mənə minnətdarlıq edib bildirdi ki, "sən nə danışırsan, heç Əliyevləri, mənim əziz müəllimim Mir Cəlal Paşayevi təhqir etmək olarmı? Arxayın ol, özüm işə nəzarət edəcəyəm." Lakin o, bir neçə gündən sonra ulu öndər Heydər Əliyevin, ölkə rəhbərimiz İlham Əliyevin və Mir Cəlal Paşayevin şəkillərini cırmasına baxmayaraq, məni dələduzluqla məşğul olan cinayət-axtarış müvəkkili V.Hümbətovun ayağına verərək, biabırçı sanksiya verib məni həbs etdirdi. Maraqlı odur ki, V. Hümbətov məhkəmədə özünün və özü kimi dostlarının cinayət işlərini ört-basdır etmək adı ilə, mən həbs olundum deyə, o, utanmadan, qızarmadan, abır-həya etmədən, hökumətdən, hətta möhtərəm prezidentimiz cənab İlham Əliyevdən çəkinmədən, mənə, ulu öndərin və ölkə rəhbərinin plakat-şəkillərinə şər və böhtanlar ataraq, məsxərəyə qoyaraq dedi ki, "möhtərəm hakim, Məhəmməd dəli olub”. Üstümə bıçaq çəkərkən onun qolunu burub yerə yıxdım və buçağı əlindən də aldım. On nəfər polis əməkdaşı və müstəntiqlər-S.Sadıqov, F.Ağayev və R. Mürşüdov, V.Hümbətovun yalandan dediyi sözləri təsdiq etdilər. N.Məmmədova da şər və böhtan ataraq, məni şantaj edərək dedi ki, "möhtərəm hakim, prezidentlərin şəkillərini Məhəmməd özü təhqir edərək cırıb." Belə bir şər böhtanları əsas tutan hakim S. Babayev də , dələduzluqla məşğul olan V.Hümbətovun ayağına verərək, mənə 4 il 6 ay iş kəsdi. Onların belə bir addımlar mənə qarşı əslində terrorizm oldu. Nəzərinizə onu da çatdırım ki, həbs olunduqdan sonra N. Məmmədova məndən yenə də əl çəkmədi və 16 saylı həbsxananın rəisinə şər və böhtan ataraq bildirdi ki, “Məhəmməd məndən əl çəkmir, məni ölümlə hədələyir və deyir ki, həbsxanadan çıxan kimi səni də, həkimini də öldürəcəyəm”. Onu da qeyd edim ki, N. Məmmədova gizlində yaşadığı V. Hümbətovun polis əməkdaşına yaraşmayan işlərlə məşğul olması barədə mənə müəyyən qədər məlumatlar verərək bildirmişdi ki, “V. Hümbətov poliklinikanın qarşısında yerləşən binanın 1-ci mərtəbəsində sexdə fəhlə işləyən ərli qadınla görüşür. Bundan əlavə o, onu da deyirdi ki, onun 14 yaşında yetim qız uşağı var, atası Zabitin ürəyi partlayaraq ölüb, icazə ver onu gətirim yanında saxla. Mən mətbuat vasitəsilə V.Hümbətova üzümü tutaraq deyirəm: “Əgər sən vəfat etsəydin və sənin yetim qızına kimsə orda-burda gizlin yer axtarsaydı, yaxud da kəbinli arvadınla biri görüşsəydi, nə edərdin? Ona deyirəm ki, Gəncə şəhəri onun düşündüyü yerlərdən deyil, bu şəhər müqəddəs şəhərdir. Burada yetim qız uşağına və kəbinli qadına sataşanın dilini boğazının dalından dartıb çıxardırlar, lazım olarsa "ağ dağlara" aparırlar. N.Məmmədova onu da demişdir ki, onun kürəkəni İlhamın qardaşı, Nadirin oğlu adam öldürüb, çölə çıxmır, evdə gizlənir. Nəzərinizə çatdırım ki, adı pis əməllərdə hallanan yırtıcı-seksualist, bir kimsənin səhiyyə ocağında işləməsi qəti qadağandır. Əgər səhiyyə naziri O.Şirəliyev, şəhər səhiyyə idarəsinin saxta professoru Ə.Məmmədov, 2 saylı Poliklinikanın saxta əməkdar həkimi, saxta YAP üzvü, baş həkim İ.Babayevin və başqalarının həyat yoldaşları həmin poliklinikada işləsəydilər və hər gün seksualist N.Məmmədova ilə öpüşsəydilər, çörək yesəydilər, onların xoşlarına gələrdimi? Yəqin ki, yox!.Yəqin ki, belə bir yolun yolçusunu poliklinikada saxlamazdırlar, bir ay işə buraxılmadığı halda, ona maaş və daşdankeçmə xasiyyətnamə də verməzlər. Bu qədər cinayətlərdən, biabırçılıqlardan sonra şəhər prokuroru F. Həsənəliyev, şəhər Polis İdarəsinin rəisi F. Şabanov, onun müavini İ.Balakişiyev, Kəpəz rayon Polis Şöbəsinin rəisi A. Məmmədov, Səhiyyə İdarəsinin rəisi Ə.Məmmədov və poliklinikanın baş həkimi İ.Babayev abır-həya etmədən, hökumətdən, hətta prezidenti İlham Əliyev cənablarından çəkinmədən, Respublika Prokurorluğuna, Daxili İşlər Nazirliyinə, Dövlət Təhlükəsizlik Xidmətinə saxta arayış verərək bildirməzdilər ki, Məhəmməd Gəncəvinin sadaladığı faktlar öz təsdiqini tapmadığından kitaba tikilmişdir. Möhtərəm Prezident! Siz hər vaxt çıxışlarınızda bildirirsiniz ki, “uşaqlar bizim gələcəyimizdir”. Əgər bu belədirsə, bəs onda F. Abdullayevanın tərbiyyəsində böyüyən qız uşaqlarından hansı gələcəyi gözləmək olar? Biz deyirik ki, ulu öndər Heydər Əliyev türk dünyasının lideridir. İlham Əliyev cənabları ölkə rəhbərimiz, cənab Ramil Usubov isə nazirimizdirsə, bəs harada görünüb ki, bu rəhbərlərlə bağlı xoşagəlməz ifadələr işlənsin, biz də kənardan duraq baxaq?! Ona görə mən bu təhqirlərə dözə bilməyərək F.Abdullayevanın, V. Hümbətovun layiqli cavablarını telefonda və şöbənin qarşısında vermişəm. Hətta həbsxanada da nalayiq sözlər, nalayiq ifadələr danışan bəzi dustaqların da layiqli cavablarını vermişəm. Buna görə də 2 il 9 ay üzərimdə olan işlə, ciddi rejimli Qobustan həbsxanasına da göndərilmişəm. Mən orada da ulu öndərin və ölkə rəhbərimizin plakat-şəkillərini qanım hesabına da qorumuşam. Bunun nəyi pisdir? Bundan sonra da belə olacağam. Ona görə ki, dünyada ulu öndərin fanatı çox olub, mən isə baş fanatıyam. Mən yenə də deyirəm, V. Hümbətov mənim əlimdən bıçaq almayıb, əslində o mənim qarşımdan qaçmış və şöbəyə girərək 4 nəfər polis əməkdaşı ilə mənim üstümə gəlib. Bunu onlarla adam da görüb. Allah-Təala Gəncə şəhər İcra Hakimiyyətinin başçısı cənab E.Vəliyevə bir az insaf versin ki, bəlkə ona arxa-dayaq olan Bəylər müəllimə hörmət qoya. Əgər E.Vəliyev ulu öndərin siyasi kursunun tərəfdarıdırsa, bir çox məsələlərdə əməli addımlarını atmalıdır. Mən Daxili İşlər naziri, hörmətli R.Usubova sual verirəm: O necə nazirdir ki, Gəncə şəhər Polis İdarəsinin sabiq rəisi N.Əfəndiyevin adamı F.Abdullayeva, cənab R.Usubovu orda-burda məsxərəyə qoyaraq deyir ki, " nazir qardaşım Natiqi ona görə həbs etdirdi ki, qardaşım məhkəmədə R.Usubova demişdi “kişi başına boya yaxmaz”. Sağlıq olsun görəcəksiniz, qardaşım Natiq nə edəcək?..." F.Abdullayeva indi də ulu öndərin və ölkə rəhbərinin plakat-şəkillərini təhqir edir, cırır. İş yerində məni ölümlə hədələyərək üstümə bıçaq çəkir. Cinayət-axtarış müvəkkili V.Hümbətov özünün və fahişə dostlarının cinayət əməllərini ört-basdır etmək adı ilə mən həbs etdirdi. O, utanmadan, qızarmadan, abır-həya etmədən, hökumətdən, hətta onun prezidenti İlham Əliyev cənablarından çəkinmədən, irişə-irişə yalandan "hörmətli hakim, Məhəmməd dəli olub, prezidentlərin şəkillərini qadınlar tualetinə vurmuşdu" deyir. Bu qədər biabırçılıqdan sonra siz susursunuz?. Ona görə ki, V.Hümbətovun əmisi vaxtı ilə Gəncə şəhər Təhlükəsizlik Şöbəsinin rəisi və sabiq milli təhlükəsizlik naziri E.Mahmudovun dostu olubdur? Mən yuxarıda adlarını çəkdiyim məmurlara deyirəm: “Nəyi itirsənizsə də itirin, vicdanınızı itirməyin. Vicdanınızı! Vicdanınızı! Vicdanınızı”! Mən yenə də mətbuat vasitəsilə üzümü cinayət-axtarış müvəkkili cənab V.Hümbətova və onun fahişə dostları F.Abdullayevaya, N.Məmmədovaya tutaraq deyirəm: Yalan danışanlar kim olar? V. Hümbətova deyirəm: “Kişinin gərək kişiliyi, ləyaqəti, dəyanəti olsun. Əsas da, gərək kişi üzdəniraq kişi olmasın. Belə bir biabırçı işləri ört-basdır edən hüquq-mühafizə orqanı əməkdaşlarına deyirəm ki, “mən ölkə Prezidentinin bu məsələni nəzarətinə götürəcəyinə inanıram”. Açıqlamada adı çəkilən şəxslərlə bağlı səslənən ittihamlar Məhəmməd Gəncəviyə məxsusdur. Odur ki, onun redaksiyamıza təqdim etdiyi belə bir açıqlamada, adı çəkilən şəxslərin də mövqeyini dinləyə bilərik. Ardı var.

Məhəmməd Gəncəvi

gundemxeber.az