"İncirlik hərbi bazası ABŞ hərbi təyyarələrinin üzünə bağlana bilər."

Avropa.info xəbər verir ki, belə bir açıqlama ilə Türkiyə prezidenti Rəcəb Tayyib Ərdoğanın baş müşaviri Şərəf Malkoç çıxış edib. Baş müşavir bunu ABŞ-ln PKK-nın Suriya qolu PYD/YPG-ni terror təşkilatı kimi tanımaması ilə əlaqələndirib.

"İslam coğrafiyasını və Osmanlını parçalamağı qarşısına məqsəd qoyan Birinci Dünya Müharibəsinin əslində hələ də davam edir. Növbəti mərhələdə isə kürdləri bölüb parçalamaq planlaşdırılır. Bu işin içində Rusiya da, İran da var. Təssüf ki, dost bildiyimiz dövlətlər də var. Bizə dost olması lazım olanlar düşmənçilik edirsə onun tədbirini də görürük. Təkcə Amerikaya qarşı deyil, Türkiyə əleyhinə fəaliyyət göstərən istənilən dövlət haqqında tədbirimizi görürük. Təkcə İncirlik deyil, Türkiyənin təzyiq rıçaqları çoxdur. ABŞ Suriyada Türkiyə əleyhinə Rusiya ilə birgə hərəkət edir. Bunun izahı varmı? Türkiyə haqlıdır və bu haqlılığını dünyada hər yerdə söyləyəcək." deyə Malkoç qeyd edib.