Almaniya Xarici İşlər Nazirliyi Azərbaycanın işğal altında olan Dağlıq Qarabağ bölgəsində gərginliyin azalması, davamlı sülhün təmin olunmasını və münaqişənin dinc yolla həllini özündə ehtiva edən 7 maddəlik təkliflər planı təqdim edib.

Bu barədə Almaniya XİN-dəki mənbəyə istinadla “RİA Novosti” məlumat yayıb.

Məlumata görə, Almaniya XİN hesab edir ki, bölgədəki hazırkı status-kvo risklidir və uzunmüddətli deyil.

“Almaniyanın xarici işlər naziri ATƏT-in sədri olaraq bu mürəkkəb vəziyyətdə mümkün vasitələrdən istifadə edərək fəaliyyət göstərəcək”, – deyə mənbə vurğulayıb(azadlıq.info).