"ADY" QSC-nin lokomotiv istehsalat birliyinin sabiq rəisinin yaxın qohumu, sənəd saxtalaşdırılmasına qol qoyaraq mühəndis olub

Artıq ölkə rəhbəri tərəfindən "ADY" QSC-nin sədri dəyişsə də, bu sahədə uzun illərdən bəri davam edən saxtakarlıqlar, korrupsiya halları hələ də davam etdirməkdədir. Belə ki, dəmiryolu sahəsində müəyyən ixtisarlar getsə də, təqaüd yaşının tamam olmasına baxmayaraq, lokomotiv sahəsində uzun müddətdirki çalışan Asim Qasımovun qohumlarının müəmmalı “fəaliyyətləri", hələ də bitmir ki, bitmir. Bu dəfə xəbər onun yaxın qohumlarından, Gəncə Lokomotiv Deposunda işləyən və qardaşının gəlini olan Xəyalə Qasımovadandır.
Belə ki, Gəncə Lokomotiv Deposunda bir müddət bundan öncə, özünün belə təhsili olmayan sabiq rəis Faxrəddin Rzayev, kadrlar şöbəsinin rəisinə təkidlə saxta diplom təqdim etdirərək, istehsalatın rəisi olan Asim Qasımovun qardaşının gəlini--Xəyalə Qasımovanı mühəndis vəzifəsinə təyin etdirmiş və büdcə talanına da yol açmışdı. Əslində kadrlar şöbəsinə saxta diplomun özü deyil, Gəncə 2 saylı notariat kontorunun saxtalaşdırılmış ştamp və möhürü ilə təsdiqlənən diplomun surəti təqdim olunaraq, 02 sentyabr 2014-cü il tarixdə X.Qasımova lokomotiv deposuna mühəndis təyin olunmuşdu. Onun mühəndis vəzifəsinə təyinatı, o qədər də təəcüblü deyil. Artıq dəmir yolunda Qasımovların bu cür addımlar heç kimi təəcübləndirmir. X.Qasımova adı mütamadi olaraq “mis əməliyyatları”nda hallanan və Gəncə Lokomotiv Deposunda lokomotiv üzrə “instruktor” vəzifəsini daşıyan Sabit Qasımovun həyat yoldaşıdır. Artıq iki ildir ki, saxtalaşdırilmış diplom surəti ilə mühəndis vəzifəsində çalışan X.Qasımovadan başqa, Asim Qasımovun Gəncə Lokomotiv Deposunda zaman-zaman qalmaqal yaradan bir neçə qohumları da işləyir. İşləyirlər desək, yəqin ki, yanılmarıq. Məsələnin maraqlı tərəfi isə ondadır ki, "ADY"QSC-nin sədr müavini Əlirza Süleymanov, Asim Qasımovun bütün zamanlarda “mis əməliyyatları”nın təşkilatçıları, yəni qardaşı öğlanlarını işdən uzaqlaşdırsa da, sonradan həmin dövrdə lokomotiv istehsalat rəisi vəzifəsini daşıyan A. Qasımov, onları Gəncə Lokomotiv Deposunun sabiq rəisi Faxrəddin Rzayevin vasitəsilə yenidən iş başına qaytarmağı bacarıb. Hal-hazırda "ADY"QSC-də iqtisadi böhranla bağlı ixtisarlar aparılması, nə təqaüd yaşına çatmış Asim Qasımova, nə də onun dəmir yoluna ziyan vurmaqdan başqa işi olmayan qohumlarına aidiyyətinin olmaması, heç kimdə təəcüb doğurmur. Bir zamanlar özünü nəqliyyat naziri Ziya Məmmədova yaxın olması ilə öyünən Asim Qasımov, deyəsən bu dəfə "ADY"QSC-nin sədri Cavid Qurbanova yol tapa bilib.
P.S. Saxta yolla tərtib olunmuş diplomla və Gəncə şəhər 2 saylı notariat kontoruna məxsus ştamp və möhürlə bağlı araşdırmalarmız davam etməkdədir. Bütün qaranlıq məqamlara aydınlıq gətirmək üçün, yəqin ki, hüquq-mühafizə orqanlarının mövqeyini öyrənməli olacağıq.

Mehriban Əzizqızı