Arifə Əhmədova yenidən sükutu pozdu

GDU-nun tarix-coğrafiya fakultəsinin 4-cü və 1-ci kurs tələbələri, kollektiv şəkildə universitet rəhbərliyinə şikayət ərizəsi ilə müraciət edərək bildiriblər ki, fakultədə onlara "Yaxın və Orta Şərq ölkələrinin coğrafiyası" fənnini tədris edən Arifə Əhmədova, onlardan tədris etdiyi kurrikulum fənninə hər tələbədən 30 manat alıb. Hal-hazırda şikayət ərizəsi ilə bağlı araşdırma aparan universitetin tədris işləri üzrə prorektoru Faxrəddin Məmmədov məşğul olsa da, Arifə Əhmədovanın korrupsiya faktına, hansısa səbəbdən yenə də göz yumuldu.
Tələbələrin şikayətindən sonra Arifə Əhmədova aldığı pulları qrup nümayəndəsinə qaytarsa da, universitet rəhbərliyi onunla bağlı hələ ki, heç bir tədbir görməyib. Son bir neçə ildə bu qədər qalmaqal yaradan müəllimə, hələ də adı çəkilən universitetdə çalışmaqdadır.
Xatırladaq ki, bir müddət bundan öncə “Gündəm Xəbər” qəzetində işıq üzü görən məqalələrdə adı hallanan Arifə Əhmədovaya məxsus baza diplomunun saxta olması və elmi mündəricatlarlarının köçürmə olması haqqında da məlumat vermişdik. Köçürmələrlə bağlı Ali Attestasiya Komissiyasının rəyini gözləməkdən usanan Arifə Əhmədova, bu dəfə də korrupsiyaya əl atmaqdan çəkinməməsi, onun kimə, yaxud da kimlərəsə arxayın olmasındanmı irəli gəlir?
Digər tərəfdən, işin maraqlı tərəfi odur ki, bütün zamanlarda universitetin adı Arifə Əhmədova ilə bağlı qalmaqallarda hallansa da, nəyə görəsə yaxın vaxtlarda tarix-coğrafiya fakultəsinə dekan seçilən Urfan Həsənov, ona 8 Mart Beynəlxalq Qadınlar Günü münasibətilə fəxri fərman da təltif edib. Bir neçə il öncə isə, Arifə Əhmədova haqqında Əliheydər Məmmədovun məktubu ortada olduğu üçün, fəxri fərmanın hansı səbəbdən verilməsinə dair, bu gün yeni şübhələr də baş qaldırmaqdadır.
Ətraflı növbəti sayımızda.

“Gündəm Xəbər”