A.Mursaliyev:
“E.Fətullayevin E.Abdulayev haqqında söylədiyi cəfəngiyat
fikirlər bəzi cinayətkar ünsürlərin absurd ittihamlarla üstüstə düşməsidir”

Bir müddət öncə elektron mediada Eynulla Fətullayevin “Mən həmin vəkillə eyni kamerada oturmamışam” başlıqlı müsahibəsi dərc olunmuşdu. Həmin musahibəsində E.Fətullayev yaxından tanıdığı E.Abdullayevin Yerli KİV-lərə “ istintaq zamanı jurnalist Eynulla Fətullayev vəkil Ramiz Zeynalovla eyni kameranı paylaşıb, məhz R.Zeynalov həmin müddətdə əməliyyat xidməti ilə əməkdaşlıq edərək jurnalist haqda “donos” edib”, kimi müsahibələrində yürütdüyü fikirleri təkzib edərək, bildirir ki, : “Bu, yalandır. Mən heç vaxt vəkil Ramiz Zeynalovla eyni kamerada oturmamışam. Mən 2007-ci ildə mühakimə edilmişəm və 2008-ci ildən cəzamı zonada çəkmişəm. R.Zeynalovu isə 2010-cu ildə həbs ediblər”.
E.Fətullayev həmçinin E.Abdullayevlə naxçıvanlı sahibkar Arzu Kazımov arasında olan çəkişmədə onun adının hallandırılmasına etiraz edib, bildirmişdir ki, “ hazırda R.Zeynalov Arzu Kazımovun vəkilidir və onun hüquqlarını müdafiə edir. Mən Ramiz Zeynalovu uşaqlıqdan tanıyıram. O, atamla və yaxın qohumlarımla dostluq edirdi, tez-tez bizim evdə olurdu. Mən onu dürüst insan kimi tanıyıram. Emossional xarakterinə baxmayaraq, o, insan haqda düşündüklərini onun üzünə deyə bilər. Lakin R.Zeynalov satdınlığa, illah da xəbərçilik etməyə qadir insan deyil”, - deyə Fətullayev əlavə edib. Bu müsahibə ilə bağlı Mahir Abdullayevin Hüquqlarını Müdafiə Komitəsinin sədri Azad Mursaliyev qəzetimizə öz fikirlərini bildirib: “Ilk baxışdan bütün etika qaydalarına cavab verə biləcək fikir və ifadələrin söylənilməsinin şahidinə çevrilirik. Amma öncədən söylədiyim kimi, bütün bunlar , xüsusi qeyd edirəm ilk baxışdan bir ziyalının, “İnsan haqları uğrunda təşkilat “ rəhbərinin fikirləri kimi, oxucu tərəfindən qəbul oluna bilərdi, əgər E.Fətullayev “ öz yalan açıqlamaları ilə E.Abdullayev korrupsiya ilə bağlı araşdırmaya və məmurların cinayətlərinə kölgə salır “ kimi, qərəzli fikirlər söyləməsə idi.”
A.Mursaliyev onu da bildirdi ki, E.Fətullayevi bir oxucu kimi, mən başa düşə bilərəm: “İnsan R.Zeynalovu uşaqlıqdan tanıyır, atası və yaxın qohumları ilə dostluq edib, tez-tez onların evində olub. Belə olan halda aydın məsələdir ki, E.Fətullayev düşünmədən E.Abdullayevdən fərqli olaraq vəkil R.Zeynalovun tərəfin saxlamalıdır. Başa deşülməyən məqam isə , nə qədər təcüblü olsada E.Fətullayevin bu gün E.Abdulayev haqqında söylədiyi cəfəngiyat fikirlərinin , zərərçəkmişi susdurmağa çalışan bəzi cinayətkar ünsürlərin bir sıra KİV-də dərc olunan absurd xarakterli fikirlərilə üstbəüst düşməsidir. Bir hüquq müdafiəçisinin, qardaşı oğurlanmış, universiteti bağlanmış, istər özü, istərsədə yaxın qohumları təqiblərə məruz qalmış, fiziki cəhətdən məhf olunmağa məruz qalmış və bu səbəbdən məcburiyət qarşısında doğma el obasını tərk edərək muhacirət həyatı yaşayan professor haqqında reallıqdan uzaq həqiqəti əks etdirməyən fikirlər söyləməsi artıq bu cəmiyətin mənəvi cəhətdən ağır travma almasından xəbər verir.”
A.Mursaliyev sonda dedi: “Dırnaqarası bu qəhramana demək istədiyim odur ki, əgər bir hüquq müdafiəçisi kimi, insanların tapdalanmış hüquqları uğrunda mübarizə aparmaq fikrində deyilsinizsə, sizdən artıq dərəcə də xahiş edirəm heç olmasa həmin insanların özlərinin hüquqlarının müdafiə etmələrinə maneə yaratmayın. Siz kimlərlə isə yaxın dost, qardaş, qohum ola bilərsiniz, amma bu qətiyən sizə əsas vermir ki, baş verən hadisələri təhrif edəsiniz.”

Samir