Rayonun Deputatı və Bələdiyyə sədirləri isə “lal” qalıb

Əsabəli Qasımovla İmişlidə qeyri-adi hadisələrin baş verdiyi, sosial narazılıqların tuğyan etdiyi “Gündəm Xəbər”qəzetinin manşetlərindən oxucularına artıq bəllidir. Bu rayonun yuxarıdan-aşağıya əksər vəzifə sahibinin harın hərəkətləri sanki məmur özbaşınalığının yeni-yeni nümunələrini sərgiləyir. İmişlidə torpaq qalmaqalları isə hələ də problemlərin önündə durur. Vətəndaşlar bu rayonda həyata keçirilən torpaq islahatlarına, bələdiyyələrin fəaliyyətinə birmənalı yanaşmır. Yüzlərlə sakin bu mənada hüquqlarının pozulduğunu iddia edir. Elə “Gündəm Xəbər”qəzetinin redaksiyasına daxil olan bilgilər də İmişli rayonu üzrə bələdiyyələrin də fəaliyyətində ciddi nöqsanların olduğunu ortalığa çıxarır. Məlumatlara görə, Ədliyyə Nazirliyinin bələdiyyələrlə iş mərkəzinin rəhbərliyi əvvəllər əslən İmişlidən olduğu üçün İmişli bələdiyyələrinə gözün-üstə qaşın var deyən olmayıb, torpaqlar bələdiyyə sədrlərinin dədə malları kimi satılaraq talanıb. Ayrı-ayrılıqda bələdiyyələr nə istəyibsə onu edib. Torpaqların təyinatları dəyişdirilmədən bələdiyyələrə məxsus örüş-otlaq sahələri maraqların qurbanı olub. Araz çayının mühafizə zolaqları isə yerlə yeksan edilib. Bələdiyyələr bəzən özlərinə aid olmayan digər bələdiyyə ərazilərinin də satışını həyata keçirib. Təkcə Yalavac bələdiyyəsinin rəhbərliyi şəhər bələdiyyəsinin hektarlarla ərazisini sataraq özbaşınalıq edib. İndiyə qədər 300-400 nəfərə satılan həmin torpaq sahələrinin sənədləşmələrində saxtakarlığa yol verilib, sənəd üzərindəki tarixlər köhnə tarixlərlə əvəz olunub. Qeyd olunan maxinasiyadan əziyyət çəkən vətəndaşlar da var.
Bir şikayətin izi ilə...
Rayon sakini Davud Zülfüqarovun İmişli bələdiyyəsindən aldığı 1000 kv m torpaq sahəsi Yalavac bələdiyyəsinin rəhbərliyi tərəfindən başqa vətəndaşa satılıb. Məlumata görə, İmişli prokurorluğu cinayət təqibi yaradan bu hadisənin mülkü qaydada həllini şikayətçiyə tövsiyyə edərək işini bitmiş hesab edib. Şikayətçi onun mülkiyyət hüququnu pozmuş Yalavac bələdiyyəsinin digər silsilə qanunsuz əməllərindən aidiyyatı orqanlara şikayətlər göndərib. Həmin şikayətdə yer alan ilginc iddialar isə sözügedən bələdiyyənin özbaşınalığından xəbər verir. Şikayətçinin Ədliyyə,Vergilər, Ekologiya və Fövqaladə Hallar nazirliklərinə ünvanladığı ərizədə İmişliyə yeni ayaq açan “Tikinti Kralları”ndan bəhs olunur. Keçmişləri tədarükçü kartof soğan satan, Bakıda evlər-göydələnlər tikməklə çirkli pullar qazanan Əvəz Şükürov ,Yasəf Hüseynov, Tofik İsayev kimilərinin adı çəkilir. Belələrinin bir qarın çörəklərinə bələdiyyə maraqlarının peşkəş verilməsi qeyd olunur. Məktubda yazılanlardan aydın olur ki, Yalavac bələdiyyəsi sən demə Əvəz Şükürovun yanında saxladığı dönər satana 6 hektar, İmişli bələdiyyəsi isə örüş yerindən Yasəf Hüseynova 17 hektar, Tofiq İsayevə də Xubyarlı kəndində 530 hektar torpaq sahəsi verilib. Şikayətçi haqlı olaraq qeyd edir ki,Vergilər Nazirliyinin vergi mütəffişləri torpaq sahələrinə mülkiyyətdən yaranan vergi pullarını nədənsə adıçəkilənlərdən almaq barədə düşünməyiblər. Bələdiyyələr də dövlət nəfinə ödənilməli olan pulları “ yaddan çıxarıb. Əvəz Şükürovun Çaxırlı bələdiyyəsinə 5 hektar karxanasından bir manat da olsun dağ-mədən vergisi tələb edilməyib. Bu karxana istismarından hətta dövlətin xəbəri olmayıb. Əmək Mütəffişləri, sosial müdafiə fondu karxananın mövcudluğunu bir qarın çörəyə görə görməzlikdən gəliblər. Nəticədə dövlətə on minlərlə manat ziyan dəyib. Fəhlələrin sosial müdafiəsi,sığortalanması,əmək müqavilələrinin ədalətli şəkildə bağlanması kimi vacib hallar da nəzərə alınmayıb. 500 manat əmək haqqı alana sənəd üzərində 100 manat maaş yazılıb. Mütamadi olaraq əmək intizamı pozulub, işçi sayı gizlədilib. Ə.Şükürovun yanında saxladıqı Quluyev Ceyhun adlı şəxsə 500 manat verilsə də,sonuncunun adından vergi tutmalarına bir manat da olsun ödənilməyib. Şikayətçi yazır ki, Yalavac bələdiyyəsindən halal torpağını tələb etsə də Əvəz Şükürov bələdiyyəni müdafiə edərək həmin Ceyhun Quliyev vasitəsi ilə barəsində dəfələrlə müxtəlif təşkilatlara teleqram vurdurub. Şikayətçi bunun səbəbini bələdiyyənin 6 hektar ərazisinin Əvəzə və Cehuna peşkəş verilməsində görür. Məktubda dönər satan kimi təqdim olunan Cehunun bələdiyyəyə aldığı torpaq üçün nə qədər pul ödədiyi də sual olunub. Eyni zamanda rayonda mal bazarı deyilən ərazinin torpaq sahəsinin hansı tarixə rəsmiləşdirilməsi bələdiyyənin “qaranlıq əməliyyatları”ndan biri kimi qalıb. Narazı vətəndaş regional ədliyyə şöbəsinin fəaliyyətindən də gileylənib. Belə ki,ədliyyə şöbəsinin məmurlarının ona məhkəməyə müraciət etməyi tövsiyyə etməsi onu əsəbləşdirib. Sitat: ”Təqaüdümdən mən niyə məhkəmələrə pul köçürməliyəm. 70 yaşım var. Başıma haranın daşını salım ki, hamı bu keçmişləri qaranlıq adamların müdafiəsindədir. İntihara cəhd edib bu günümüzü və axirətimizi bu çirkli pullar sahiblərinə qurban verəkmi?”. Məktubda o da yazılır ki, Yasəf Hüseynov 17 hektar örüş yerinin təyinatı dəyişdirilmədən torpaq sahəsinin yarısında bazar tikdirib. On il müddət ərzində bazardan İmişli bələdiyyəsinə 10 min manatlarla torpaq vergisi ödəmənməyib. Tofiq İsayevin sərəncamsız şadlıq sarayı tikidirməsi də qeyd olunanlardandır. Müraciət müəllifi yalquzağa çevrildiyini yazır.Bu adamların təzyiqləri ilə,hədləri ilə üzləşdiyinə,məhkəmələrlə hədələndiyinə diqqət çəkir. Vəzifəlilərdən kömək istəyir.Əlindən alınmış torpaq sahəsinin sputnik görüntüsü ilə İmişli bələdiyyəsinə məxsus olduğunu israrla qeyd edir. O daha sonra yazır ki,Ə.Şükürov öz kəndi olan Cavadxanlı ilə Məmi Atakişiyevin Bəcrəvan kəndi arasında olan 100 hektarlarla meşə zolağını alıb, şumlatdırıb, qarğıdalı, tərəvəz məhsulları əkməyi planlaşdırıb.Həmin kəndin ərazisində Ə. Şükürovun mal-qara ferması da var və fermaya qədər asfalt yolu çəkdirib. Bir sözlə,yazılanlara inansaq bu adam bir neçə kəndin torpağı üzərində ağalıq edir. Deyilənə görə,hər iki kəndin camaatı aksiyalara hazırlaşırlar. Sakinlər örüş sahələrinin bir neçə oliqarxın əlində cəmləşməsini həzm edə bilmirlər. Məlumata görə, Şərbət Qobu gölünü də Atakişiyevlər çəpərlətdirib, kiminsə göldən balıq tutması mümkümsüzləşib.Sanki örüş, göl və meşələrin İmişlidə varlılara aiddir. Şikayətçi müraciətində İnsanlara dözüm,səbr, əxlaq bağışlayan, Qurani-Kərimin nazil olduğu Orucluq,Ramazan ayını yada salaraq belə yazır:” Məkkə surəsi “qövmün zənginlikdən harınlaşmış liderlərinə yönəlik bir mesajdır:” “Onlar göydən və yerdən gələn ruzini özləri üçün yığaraq, Allahın qullarını ondan məhrum edirdilər. Halbuki ruzi bütün qullar üçün idi.” “Bir bölgədə Allahın bütün qulları üçün göndərdiyi ruzi, kimlərinsə evlərində yığılarsa, və başqalarıda bundan məhrum qalıb, möhtac hala gətirilərsə o bölgə ölər O bölgənin dirilməsi üçün evlərində yığdıqlarını xəbər verən bir rəhmət rüzgarının o diyara göndərilməsi, ortaya çıxması lazımdır”. Şikayətçi V. Hacıyevi sərrast idarəetmə bacarığı olan, işgüzar məmur kimi xarakterizə edir. Başına açılan müsibətləri də özünəməxsus tərzdə ifadələndirir və ölkədəki mövcud durumla paralelləşdirir. O qeyd edir ki, hər pullunun arxasında ya MTN generalı, ya da bir nazir durubsa İmişlidə belə də olmalıdır. Zülfüqarlının fikrincə kütləvi MTN generalarının həbsi bir çoxlarına dərs olmayıb, ona görə də ölkədə tam demokratiya mühiti mövcud deyil. Müraciət məktubunu Əvəz Şükürovun daha bir kriminal hərəkəti bəzəyir. İddiaya görə, Ə. Şükürov Davud bəyə zəng edib: “ Səni arvadının yanından oğurlatdıraram, sus”- deyib. MTN generalı Mövlan Şixalıyevə söykənmiş, pulu yer-göy tutmayan adamın bunu edə bilməsinə şikayətçi belə aydınlıq gətirir: ”Bu daş, bu tərəzi, dolu çanaq, boş çanaqlar toqquşur. Davud bəy, dözümlü keşməkeşli yol keçən, Ayaz Mütəllibovun həbsxanasında öldürülməkdən , Qurban Məmmədov, Qərvənd Camal, mərhum Miralim Bəhrəmovun sayəsində qurtaran şəxsdir, itirəsi bir şeyimiz yoxdur. Eləcədə oliqarx Əsabil Qasımov Tofiq İsayev 1990-cı illərə qədər. Rayon İstehlak cəmiyyətinin, iqtisadçisi kimi bəndənizə hesabat veriblər, indi “Yeni Müsavat” qəzetinin yazdığı kimi bu deputat 10 oliqarxın biridir. O, şirkətini,var-dövlətini qorumaq üçün deputat, millət vəkilidir, millətin yox, özünün, dost tanışının, tikinti krallarının, İmişlinin parklarını, örüşlərini, yoxsulların pay torpaqlarını “halallıq” adı ilə alanların vəkildir... “Gündəm Xəbər”in əldə etdiyi məlumata görə,ANS PRESS-in son məlumatında deyilirdi ki, Yesentukidə Azərbaycandan yatırılan sərmayə hesabına tikilən yeni” İstoçnik” sanatoriyasının açlışını Azərbaycan Respublikasının sərmayə yatıran, tanınmış iş adamı Əsabil Qasımov tikdirib. Həmin layihəyə 35 milyon manat sərmayə qoyulub. Son vaxtlar prezident İlham Əliyev hər çıxışında ölkəyə sərmayə yatrılmasının vacibliyindən, xaricilər, əcnəbiləri də sərmayə yatırtmağa çağırır. Görəsən, niyə Əsabil Qasımov təmsil etdiyi hakimiyyətin birinci şəxsinin çağrışlarına səmimi deyil. Axı Ə. Qasımov KİV-lərə demişdi ki: “mənim bir obyektimi tapa bilsəniz, sizə bağışlayacağam”. Bildirək ki, Pyatiqorsk, Yesentuki, hətta Turskovesdə də Ə. Qasımovun çoxsaylı layihələri , otelləri, “İstoçnik”- lərinin olması barədə məlumatlar da var. Başqa bir məlumata görə, başçı V. Hacıyev Ə. Qasımova zəng edib, xahiş edir ki, jurnalist-yazıçı, Milli Qəhrəmanımız Mübariz İbrahimova, birinci xanım M. Əliyevaya və övliyalara kitablar həsr etmiş, hazırda çox ağır xəstə olan Məryəm Şahverdiyevaya kömək etsin. Deputat cavab verib ki, bir dəfə, bir il əvvəl 500 manat göndərib, əlavə verəsi pulu yoxdur. M.Şahverdiyeva isə hər yerdə deyir ki, “Allah məni Ə. Qasımova, möhtac etməkdənsə, tez-öldürsün. Amma yaşamaq istəyirəm, belələriilə mübarizə aparmaq üçün Allahdan möhlət istəyirəm.” İmişli şəhərinin örüş sahəsində 17 hektar ərazini özələşdirmiş Yasəf Hüseyinov isə, M. Şahverdiyevanı Şeremetyevo hava limanında görərkən, taksiyə minib tez aralanıb, hər iki oliqarxla M. Şahverdiyevanın birgə çəkilmiş şəkilləri də var. Bir dəfəsində təsadüfən RİH qarşısında görüşən Ə. Qasımovdan yardım istəyən Məryəm Şahverdiyeva rədd cavabı alıb. Xəstəyəm deyəndə, Ə.Qasımov : “ hamı sən gündədir”- deyib. Deputat barədə İmişli seçiciləri nikbin fikirlər səsləndirmir. Seçicilərinin əksəriyyətinin mobil telefonlarına cavab verməyən deputat artıq heç kəslə demək olar ki, maraqlanmır. İmişli sakinlərinin “Gündəm Xəbər”ə verdiyi məlumata əsasən deyə bilərik ki, Ə. Qasımov seçkilər öncəsi seçicilərinə verdiyi vədlərinin hamısını unudub. Sakinlər indi anlayıb ki, cənab Qasımov mandat xatirinə İmişlilərə “şirin yalanlar” danışıb, lazım olanı da alıb. İmişlilər bir-biri ilə dərdləşir ki, Ə. Qasımov kaş bir dəfə də olsa Milli Məclisdə çıxış edəydi...

Məhbub Zülfüqarlı

“Gündəm Xəbər”: Adıçəkilənlərin də mövqeyini dinləyib dərc etməyə hazırdır..