Əzimlə Babaşova: “Mən ilk öncə ölkə rəhbəri cənab İlham Əliyevdən, Fövqaladə Hallar Naziri cənab Kəmaləddin Heydərovdan, İmişli RİH-nin başçısı cənab Vilyam Hacıyevdən və Kür Vətəndaş Cəmiyyətinin kordinatoru Oqtay Güləliyevdən köməklik istəyirəm”
“Gündəm Xəbər” qəzetinin redaksiyasına şikayət ərizəsi ünvanlayan İmişli rayonu Rəsullu kənd sakini Babaşova Əzimlə Yusuf qızı yazır ki, “2010-cu il tarixdə sel-sulardan zərər çəkmiş evim bərpası ilə bağlı, əksər instasiyalara sayı-hesabı bilinməyən məktublar, müraciətlər ünvanlasaq da, hələ ki, heç bir nəticəsi yoxdur. Hətta, evimizin aralanmış divarlarından evə daxil olan ilanı öldürüb, 2012-cı ildə Salyan şəhərində vətəndaşları qəbul edən FHN-nin rəsmilərinə də göstərdim. Ölkənin bütün məhkəmə instansiyalarını gəzib dolaşdıq, amma bir nəticəyə nail ola bilmədik. O halda məcbur olub şikayətlərimizi bir daha aidiyyəti qurumlara ünvanladıq. Seyyid övladı olan həyat yoldaşım Məhəddin Babaşov məhkəmə yollarında yorğun düşdü, hətta Bakı 1 saylı iqtisad məhkəməsinin hakimi Elçin Məmmədov, sifəti nurlu və yaşlı olan həyat yoldaşımın vəziyyətini görüb evimizə, mənimlə məhkəmələrdə iştirak etmiş şəxslərin evinə baxış da keçirdi. İmişli rayon Məhkəməsində yaradılan komissiya da, evimizin qəzalı vəziyyətdə olduğunu təsdiqlədi. Nəticəsi o oldu ki, FHN-nin rəsmləri və sabiq icra başçısı Ə.Ağayev, toplanmış iş materiallarını Bakı İqtisad Məhkəməsindən alıb, Şirvan İnzibati İqtisad Məhkəməsinə göndərdilər. O halda Elçin Məmmədov etiraf etdi ki, “bu iş mənim gücümdə deyil, sizlərə görə işimi itirə bilmərəm”.
Şirvan İnzibati İqtisad Məhkəməsinin hakimi R.Eyvazov da, düz bir il bizləri yollarda qoydu. Sonda da qərar qəbul etdi ki, iddia təmin olunmasın. Bütün məhkəmə instansiyalarını, o cümlədən Şirvan Apelliyasiya, Ali Məhkəməni keçdik, hal-hazırda həmin iş Avropa Məhkəməsinin icraatındadır.
Cənab Prezident! Siz haqlı olaraq Ə.Ağayevi daşıdığı vəzifəsindən azad etdiniz. Seyyid övladı olan həyat yoldaşımın ruhu onu tutdı.
Odur ki, Sizdən xahiş edirəm ki, 2010-cu ildə sel-sulardan zərər çəkib bərbad hala düşmüş evimin bərpa olunmasına göstəriş verəsiniz

C. Babaşov

gundemxeber.az