Prezidentə müraciət edən vətəndaşlar narahatdırlar

Azərbaycan Respublikasının prezidentinə ədliyyə naziri cənab F. Məmmədova Fövqəladə hallar naziri cənab K.Heydarova müraciət edən İmişli rayonu Ağammədli kənd sakini Kazımov Nurəhməd Surxay oğlu yazır ki, 2010-cu il sel və qurunt sularından zərər görmüş çiy kərpicdən olan evimiz 10 fevral 2014-cü il saat 16 radələrində baş vermiş zəlzələ zamanı evin çatları daha da böyüdü.
- Ötən aylar yazdığım məktubu hörmətli Ədliyyə Naziri Fikrət Məmmədov N 04\10773 saylı 10.12.2013 tarixli imzalanmış məktubu İmişli postu 08.02.2014 təfil verdilər. Məktubda qeyd edilirdi ki, məhkəmə icraçıların rəhbəri Vilayət Əliyev İmişli rayon Xalq Məhkəməsinin keçmiş sədri S. Ağayevin sədrliyi ilə mənim evimə baxış keçirilməsini və evin qəzalı olmasını nəzərə alaraq icra etsin. Hələki bir cavab yoxdur. Əgər, hörmətli nazirin göndərdiyi məktub 2 ay sonra mənə verilirsə, deməli, Vilayət Əliyev də mənə 2 ay sonra cavab verəcək. Azərbaycanda məhkəmə sisteminin diktə ilə işləməsinin mən 1 saylı Bakı İnzibati İqtisad Məhkəməsində və Şirvan İnzibati İqtisad Məhkəməsində Rafael Eyvazovun sədrliyi ilə keçən prosesdə gördüm. İmişli rayon o vaxt bizim evimizin tikilməməsinin səbəbi keçmiş başçı Ə.Ağayev ayrı seçkiliyi və imkanlı adamlara ev tikməsi idi. Bizim kimi sadə insanlara isə, maddi cəhətdən yoxsul şəxslərə ev tikilmədi ona görə də biz kiloqramla şikayətlərdən sonra 1 saylı Bakı İnzibati İqtisadi Məhkəməsinə şikayət verdik. Ən azı 10 dəfə Bakı məhkəməsinə gedib gəldik, ya hakim xəstə olurdu, ya ali məhkəmədə olurdu, ya da bəhanə ilə gəlməsə də, hakim Elçin Məmmədov evimizə 22 avqust 2012-ci il baxış təyin etmişdi. Sentyabr 2012-ci il Elçin Məmmədov bizləri çağırıb bildirdi ki, iddialarınız Şirvan İnzibati İqtisad Məhkəməsinə göndərilir. Nəhayət, sentyabr 2012-ci il bizə Şirvandan məktub gəldi. Hakim Rafael Eyvazov idi. Bizi o qədər get-gələ saldı ki, bildik ki, bəhanədir bizi iddialarımızdan əl çəkdirmək istəyir. Nəhayət, may 2013-cü il Rafael Eyvazov 15 nəfər imişlili sel köçkünlərinin təzyiqləri nəticəsində qismən baxış elan etdi və işə nöqtə qoyuldu. Noyabr ayında məlumat aldıq ki, Rafael Eyvazovu mükafatlandırıblar. O Şirvan Apellyasiya Məhkəməsinə hakim təyin olunub. 24 Dekabr 2013-cü il prosesdə bizə məlum oldu ki, hakim Elxan Əmrəliyevdir. O, mədəni surətdə bildirdiki bu iş mənlik deyil. Mən çıxış edərək bildirdim ki, mən, iliyimdən qanıma qədər YAP üzvüyəm, sənin bizi dolamağa haqqın yoxdur. Bizi başınızdan edirsiniz. Nə əsasa siz 1 saylı Bakı İnzibati İqtisad Məhkəməsinin məhkəmə baxışını alt-üst edirsiniz. Sizə tapşırığı kim verib? Axı, prezident İlham Əliyev bizlərdən ötəri 460 milyon manat pul ayırıb. Siz kimin sifarişini yerinə yetirirsiniz? Rafael Eyvazovun vəzifəsi böyüdüldü, mükafatlandırıldı. Bəs sizin bizə qarşı qərəziniz nədir? Sağ olsun ki, hörmətli Ədliyyə Naziri F. Məmmədov İmişli məhkəmə icraçısından işin icra edilməsini tələb edir. Sağ olsun ki, Vilyam Hacıyev 2 dəfə mənim evimə baxış keçirtdirib. Mən Salyan rayonunda, İmişli rayonunda da 20 dekabr 2013-cü il FHN-nin nümayəndələrinin müavinlərin qəbulunda oldum. Vilyam Hacıyevin göndərdiyi komissiyanın aktının surətini onlara verdim. Hələki bir xəbər yoxdur. Mən və ailə üzvlərim həddsiz dərəcədə qəzalı evdə yaşayırıq və məcburam ki, şikayətimi Avropa Məhkəməsinə qədər aparım. 2 aydan sonra, yəni 09 fevral 2014-cü il, Şirvan İnzibati İqtisad Məhkəməsindən məktub aldıq ki, iddianız təmin edilmir. Biz Apellyasiya məhkəməsinə hazırlaşarkən təbiət öz işini gördü, zəlzələ oldu və evin bir tərəfi yenidən çatladı.
Hörmətli cənab prezident! Sizdən xahiş edirəm həm seldən, həm zəlzələdən zərər görmüş evim barədə ölçü götürülməsini, ailəmizin gələcək taleyinin xilas edilməsi naminə aidiyyatı qurumlar bizə kömək etsinlər. Mən ağsaqqal adamam, bu hakimiyyətə səmimi olaraq inanmış və qulluq edirəm. Təmənnasız edirəm. Bəs niyə keçmiş başçı və Şirvan Məhkəməsi mənimlə yanaşı, 15 nəfər İmişli sakinlərini, seldən zərər çəkmiş insanları bəhanələrlə get-gələ salır, incidirlər. Əslində, keçmiş başçı Ə. Ağayevə cinayət işi qaldırılmalı idi. Çünki onun əli ilə İmişlidə 900 nəfərə, imkanlı şəxslərə ev tikildi, bizlər isə hələ də yollardayıq. İnanıram ki, hörmətli Ədliyyə naziri F. Məmmədov mənim haqlı iddiamın təmin olunmasına bir insan kimi, bir nazir kimi ağsaqqallığımı nəzərə alıb, kömək edəcək.
Qeyd edək ki, müraciəti olduğu kimi təqdim etdik və yazılanlarla bağlı qarşı tərəfi də dinləməyə hazırıq.

ELŞAD