Ucar Rayon Mərkəzi Xəstəxanasının Təcili Yardım Şöbəsinin baş həkiminin səriştəsizliyindən adi qızdırmalı xəstə öldü

Son vaxtlar tez-tez həkimlərin məsuliyyətsizliyi ucbatından vətəndaşların şikəst olması və ya dünyasını dəyişməsi hallarına raast gəlinir. Məsələn, bu yaxınlarda yaşlı bir qadının qanqrena olmuş ayağı əvəzinə sağlam ayağını amputasiya etmişdilər. Bu da böyük qalmaqala səbəb oldu. Ölkə mediası günlərlə bu barədə yazdı. Amma daha dəhşətlisi odur ki, həkim səriştəsizliyi sağlamlığında ciddi problemlər olmayan vətəndaşlarımızın dünyasını dəyişməsi ilə nəticələnir. "Gündəm xəbər"ə daxil olan növbəti şikayət də bu barədədir.

Ucar rayonundan redaksiyamiza daxil olan şikayət məktubunda deyilir: "Bu gün saat 11 radələrində Ucar rayonunun Qazyan kəndində anadan olmuş, 1992-ci il təvəllüdlü Polad oğlu Ucar Rayon Mərkəzi Xəstəxanasının Təcili Yardım Şöbəsinin baş həkimi Ramil Əliyevin səriştəsizliyi nəticəsində dünyasını dəyişdi. Səhər saatlarında Rəhim Ələkbərovun yüngül qızdırması vardı. Bu səbəbdən o, Ucar Rayon Mərkəzi Xəstəxanasının Təcili Yardım Şöbəsinə gətirildi.Təcili Yardım Şöbəsində oranın baş həkimi Ramil Əliyev xəstəyə sistem qoydu, bundan sonra Rəhimin halı pisləşdi və dünyasını dəyişdi".


Şikayətçi yazır ki, bu, bu bəlkə dünyada analoqu olmayan bir olaydır: "Ucar Rayon Mərkəzi Xəstəxanasının Təcili Yardım Şöbəsinin baş həkimi Ramil Əliyevin səriştəsizliyi Rəhim Ələkbərovun gənc yaşında dünyasını dəyişməsinə səbəb oldu. Adi qızdırma və üşütməyə görə öz ayağı ilə xəstəxanaya gələn 24 yaşlı gənci savadsız həkim məhv etdi. Hazırda mərhumun meydi ekspertiza edilir. Qeyd edim ki, mərhum Rəhim Ələkbərov dünən toy şənliyində olub, heç bir xəstəliyi yox idi. Atası Polad Ələkbərov onkoloji xəstədir".


Ümid edirik ki, Səhiyyə Nazirliyi bu fakta biganə qalmayacaq, araşdırma aparılacaq və günahkar olan şəxslər cəzalandırılacaq. Bizdən isə mərhuma Allahdan rəhmət diləmək qalır.
Elşən