Soruşduqda mənə bildirdi ki, “yuxarı”dan çatdırılıb ki, heç bir halda sizin adınızı çəkməyim, çünki siz müxalifətçisiniz
86 yaşlı İmişli rayonu Murquzallı kənd sakini, fransız əsilli İvonna Botto Jan Şirməmmədova mənim kəşfimdir. Ölkə rəhbəri cənab İlham Əliyevə təşəkkür edirəm ki, açıqlama işıq üzü gördükdən sonra, İvonna ananı nəzarətə götürdü və onun həyatı başdan-başa dəyişdi. Fransa-Azərbaycan dostluğu istiləşdi. 25 oktyabr 2016-cı il tarixdə saat 10:30-da Fransanın Azərbaycandakı səfirliyinin konsulu cənab Antuan Simonel İmişliyə qonaq gəlmişdi. Öyrəndik ki, o, fransız əsilli 86 yaşlı Jan Botto İvonna ilə görüşəcək. Saat 10:50-də dəqiqləşdirə bildik ki, cənab səfir Heydər Əliyev Mərkəzində İmişli rayon İcra Hakimiyyəti Aparatının əməkdaşları ilə görüş keçirir. Mərkəzin binasına daxil olmaq istədikdə, hansısa bir məmur “olmaz, səfir başçının qonağıdır!” dedi. Məcbur olub qapının qarşısında gözlədim. Qeyd edim ki, İmişlidə Heydər Əliyev Mərkəzi ilə bərabər, Gənclər Mərkəzi də füsunkar gözəlliyi ilə seçilir, bəlkə də digər rayonlarda belə bir gözəllik yoxdur. Sabiq başçı Heydər Əliyev adına mərkəzi kiçik bir tikilidə, dəyəri 27 min manat olan binanı bir iş adamaına tikdirmişdi. Saat 12:05-də konsul Antuan Simonel və icra başçısı Vilyam Hacıyev qapıya doğru yaxınlaşdılar. Başçı gülümsəyərək işarə ilə yaxınlaşmağı bildirdi və cənab konsula ingiliscə dedi ki, “Məhbub Zülfüqarlı həm hüquq müdafiəçisi, həm də jurnalistdir”. Konsulla və başçı ilə görüşdüm və ona “xoşgəldin”-dedim. Fransız əsilli, ömrünün 65 ilini Azərbaycanda yaşayan İmişli rayon sakini İvonna Botto Jan Şirməmmədova mənim kəşfimdir. Sel və qrunt sularından əziyyət çəkən evi barədə sabiq başçı Ə. Ağayevin qəbuluna getsə də, onu heç bir halda qəbul etməmiş və “evi özümüzünkilərə tikdirirəm” deməklə onu ağlatmışdı. Qəriblər ağası İmam Rza (Ə) xatirinə və bu yaxınlarda dünyasını dəyişmiş 83 yaşlı anamın xatirinə, 83 yaşlı qərib ananın dərdini ölkə rəhbərimiz cənab İlham Əliyevə və Mehriban xanıma çatdırmağa qərar verdim. İsa (Ə) deyirdi: “Məni maraqlandırmır ki, sən hansı kilsəyə və məscidə gedirsən, de görüm, yetim başı sığallayıb, xəstə qayğısını çəkib, qərib dərdinə, dustaq əzabına qarşı xidmət göstərmisənmi?” İvonna ana qərib və əzabkeş qadın olduğundan, onu ziyarət etməyimi, həm də böyük qardaşım Davud bəy xahiş etdi. O, müalicə olunmaq üçün 10 günlük İran İslam Respublikasına da getdi. Həmin gün 10 manata taksi danışdım və bərbad yolu olan Murquzallı kəndinə yola düşdüm. Onlara çatana qədər maşın iki dəfə palçığa batdı və güc-bəla ilə həyətlərinə daxil olduq. Səhəri günü ilk çıxışım sahibi Seymur Əliyev olan “Hərb və Sülh” qəzetində, sonrakı gün isə, “Hürriyyət” qəzetində çıxış etdim və onunla bağlı Fransanın Azərbaycandakı səfirliyinə müraciət də etdik. Bir həftə sonra “Kür Vətəndaş Cəmiyyəti” qərargahının rəhbərləri Nəsrulla Nurullayev, Oqtay Guləliyev məni axtardılar və birlikdə İvonna ana ilə görüşə getdik.

İlk məktubumdan sonra cənab İlham Əliyev, hörmətli Mehriban xanım Əliyeva maraqlanırlar və İvonna ananı nəzarətlərinə götürdülər. Qəzalı bir evdə 9 nəfər ailə üzvü ilə birlikdə yaşadığı üçün, iki ev tikilməsinə göstəriş verilir. 63 ildən sonra İvonna ananın oğlu ilə birlikdə Fransaya yola salınmasını Oqtay Güləliyev və “Həftə içi” qəzetinin nüfüzlu jurnalist-korrespondenti Pərvin xanım İsmayılova ilə reallaşdırdıq. Beləliklə, Fransa dövləti ilə Azərbaycanın dostlaşmasını reallaşdıran bizlər-“Kür Vətəndaş Cəmiyyəti”nin ağsaqqalları Mehman Əliyev (Turan İA), Ahıl Ziyalılara Qayğı İctimai Birliyinin sədri, internetdə “Nassi baba” kimi dünya rəhbərlərinin və vətəndaşların babası kimi tanınan Nəsrulla Nurullayev, koordinator Oqtay Güləliyev, “Həftə içi” qəzetnin müxbiri Pərvin İsmayılova və mən,nin İvonna anaya iki ev tikilməsininin təşəbbüskarı olduq. 63 ildən sonra onun qəribliyinə son qoyduq. Cənab konsul! İcra başçısı cənab Vilyam Hacıyevin məni sizinlə görüşdürdüyünə, şərait yaratdığına və tərcüməçiliyi özü etdiyinə görə, həm Sizə, həm də ona təşəkkür edirəm. Eyni zamanda, Sizin tez-tez İmişliyə gəlməyinizi və İvonna anaya xatir hər hansı bir kompleks, yaxud da zavod-fabrik tikərək, ona hədiyyə etməyinizi də xahiş edirəm. İvonna ana SEVGİSİ xatirinə atasının zavod-fabriklərindən imtina etmiş, çətin məhrumiyyətlərə SSRİ-nin ağır dönəmlərində azərbaycanlı həyat yoldaşı və oğlu xatirinə, ona seçdirən SEVGİ olur. Bəşəriyyəti yalnız SEVGİ xilas etməlidir. Dünyamızı, azad insanları, azad millət, azad dünya xatirinə birlikdə sevək. Fransa dövləti torpaqlarımızın işğaldan azad olunmasında bizə kömək əlini uzatmalı, torpaqlarımızın geri qaytarılmasında bizə kömək də etməlidir. Axı, İvonna ananın oğlu və nəvəsi də,Qarabağ müharibəsi əlilləridir. Biz öz torpaqlarımız uğrunda vuruşuruq və İvonna ana, Qarabağ müharibəsini dəhşətlərini də görüb. Alman faşistləri Fransanı işğal edərkən, İvonnanın sevdiyi azərbaysanlı Səmməd adlı şəxs Fransa Müqavimət Hərəkatına fəal kömək edərək, partizan hərəkatına da qoşulur. O, ələ keçirdiyi silah və ərzağı partizanlara daşıyır. (bizə ilk müsahibəsində İvonna demişdi.) Qeyd edək ki, “Nassi baba” 07-09.12.2016-cı il Fransa dövlətinin təşəbbüsü ilə 3000 nəfər dövlət rəhbərləri və hüquq müdafiəçilərinin iştirakı ilə sammitə Azad Dövlət Təftişi sammitinə “Nassi baba”nı da dəvət edir. Amma, 72 yaşlı Ahıl Ziyalı səhhətinə görə həmin tədbirdə iştirak edə bilməyəcəyinə görə təəssüf edirik. Ədalətsizlik insan təbiətinin mahiyyətindədir. 86 yaşlı İvonna Botto Jan Şirməmmədova bir dəfə də olsun TV-lərdə nə mənim, nə Mehman Əliyevin, nə Nəsrulla Nəsrullayevin, nə Oqtay Güləliyevin, nə də ki, Pərvin İsmayılovanın adını çəkmədi. Soruşduqda mənə bildirdi ki, “yuxarı”dan tapşırılb ki, heç bir halda sizin adınızı çəkməyim, çünki müxalifətçisiniz. Qeyd edək ki, Ahıl Ziyalılara Qayğı İctimai Birliyi 23 aprel 1992-ci ildə Heydər Əliyevin müdafiə komitəsi yaranan vaxtlarda mitinqin təşkilatçısı olub. Mitinqi isə, əli silahlı Mütəllibovçular dağıdıb.

Məhbub Zülfüqarlı

gundemxeber.az