Odur ki, həmin ünvanın üst hissəsinə “Maral restoranı” deyil, “Maral əxlaqsızlıq ünvanı” adı yazılsa, yəqin ki, daha yaxşı olar
Suraxanı rayonu Zığ şosesinə yaxın ərazidə fəaliyyət göstərən “Maral” əxlaqsızlıq yuvasının, rayonun xəlvəti bir məkanında yerləşməsi, zaman-zaman müzakirələrə də səbəb olub. Çünki gözdən uzaq, könüldən qıraq bir ərazidə yerləşən bu obyekt, fəaliyyət imkanlarına görə digər obyektlərdən fərqlənməkdədir. Bunu zəruri edən bir çox səbəblər var ki, həmin səbəbləri də əsas tutan müştərilər, əksər hallarda “Maral”a üz tuturlar. Obyektin çoxsaylı qanunsuzluqlarla bağlı fəaliyyəti haqda məlumatları “Gündəm Xəbər”ə çatdıran mənbə bildirir ki, adı çəkilən ünvan iki mərtəbəli və gözəgəlimli bir obyektdir. Ərazidə yaşayan sakinlərdən bir qədər aralı məsafədə yerləşən və bəzən fəaliyyəti nəzər-diqqətdən kənarda qalan bu obyekt, əksər hallarda ictimai qınaqdan da kənarda qala bilir. Buna da səbəb, yuxarıda qeyd etdiyimiz kimi obyektin xəlvəti bir ərazidə yerləşməsidir. Amma, elə hallar da olub ki, ətraf ərazidə yaşayan sakinlərin obyektin fəaliyyəti ilə bağlı narazılıqları “pik nöqtə”yə də çatıb.
“Maral”ın fəaliyyəti ilə bağlı məlumatları “Gündəm Xəbər”ə çatdıran mənbə onu da bildirir ki, müştərilər ora daha çox axşamçağı üz tuturlar. Bunu zəruri edən səbəblərdən ən əsası, adı çəkilən obyektdə lazımi şəraitin olması və təhlükəsizliklə bağlı hər cür addımların atılmasıdır. Hətta, verilən məlumatlarda o da vurğulanır ki, “Maral”a yüksək çinli vəzifə sahiblərindən biri “krışa”lıq edir. Belə bir səbəblər üzündəndir ki, adı çəkilən ünvan bu gün də fəaliyyət göstərməkdədir. “Gündəm Xəbər”i məlumatlandıran mənbə onu da bildirir ki, həmin ünvana obyektin əsl sahibi olmayan Müşfiq adlı şəxs rəhbərlik edir və çox zaman onu iş başında tapmağın özü də, müşkül məsələyə çevrilir. Yəni, idarəçiliyi mobil telefonla həyata keçirən bu şəxs, hansı addımların atılmasını, müştərilərlə necə davranmağın qaydalarını və s. ilk öncədən orada çalışan işçilərə bir tapşırıq olaraq verir. Onu da vurğulayaq ki, adı çəkilən ünvanda müştərilərə azyaşlı qızlar da təklif olunur ki, bu da müştərilər üçün olduqca rahatlıq əmələ gətirən amillərdən birinə çevrilir.
Ümumiyyətlə, "Maral"a üz tutanlar istirahətlərini müxtəlif yaş həddində olanlarla keçirir ki, belə bir addımlar da “Maral”ın adını dillər əzbəri etməkdədir. Hələ bir müddət bundan əvvəl adı çəkilən ünvanda olmağımız, bizi bir çox mətləblərdən də agah etdi. Məslən, onu da dəqiqləşdirə bildik ki, bu əxlaqsızlıq yuvasında bir otaqdan üç saatlıq istifadəyə görə təqribən 30-40 manat, sutkalıq istifadəyə görə isə, 50-60 manat pul alınır. Restoran adı ilə tanınan obyektin həyətində olmağımız və müəyyən müşahidələrimizi aparmağımız, hətta bizi bilmədiyimiz mətləblərdən də xəbərdar etdi. Görüb onu da dəqiqləşdirə bildik ki, “Maral”a gələnlərin əksəriyyəti “zerkalnı” nömrəyə sahib olan müştərilərdir. Onlar ora gələrkən ya azyaşlı qızlarla gəlirlər, ya da ki, restoran əməkdaşlarının təklif etdikləri “xanım”larla istirahətlərini başa vururlar. Müştəri bolluğunun yaranmasına əsas səbəb isə, yuxarıda qeyd etdiyimiz kimi obyektin xəlvəti bir ərazidə yerləşməsidir. Buna görə də imkanlı şəxslər, mühüm vəzifə sahibi olanlar ora üz tutarkən bir növ arxayın olurlar. Apardığımız araşdırmalar zamanı belə bir məlumat da əldə etmişik ki, obyektə sahiblik edən Müşfiq adlı şəxs hər bir işçiyə dönə-dönə tapşırır ki, bir kimsə kənara hər hansı məlumatı ötürməsin. Gündəlik çörəkpuluna işləyən və “çörək ağacının” itirilməsindən ehtiyat edənlər də, verilmiş tapşırıqlardan ehtiyatlanaraq hər hansı addımlarını atmırlar. Bax belə bir yollarla müştərilərlə bağlı tam təminat yaradılır və adı çəkilən ünvanda hər cür iyrənciliyə qol qoyulur.
Diqqəti bir məqama da yönəldək ki, adı hallanan obyekt restoran adı ilə məşhurdur. Bu da əksər hallarda müəyyən ziddiyyətlərin əmələ gəlməsinə də səbəb olur. Məsələn, tutaq ki, həmin əraziyə yaxın məsafədə yaşayan, yaxud da obyektin belə bir yöndə fəaliyyəti ilə ümumi məlumatı olmayan bir kimsə, öz yaxını və yaxud da ailəsi ilə ora üz tutur. Çünki, həmin şəxs obyektin üstündə “Maral restoranı” sözünü oxuyub və onun təsəvvüründə ora restoran olaraq qəbul edilib. Tutaq ki, həmin şəxs restoran deyə təsəvvür etdiyi obyektə ailəlikcə gəlir və bir anlığa olub-keçənləri gördüyündən sanki şoka da düşür. O halda nələr baş verər? Odur ki, həmin ünvanın üst hissəsinə “Maral restoranı” deyil, “Maral əxlaqsızlıq ünvanı” adı yazılsa, yəqin ki, daha yaxşı olar.
Bütün bunlardan əlavə, obyekt Suraxanı rayonu ərazisində yerləşsə də, nədənsə obyektin qanunsuzluğa söykənən fəaliyyəti ilə bağlı, bu günə kimi yerli hüquq-mühafizə orqanı əməkdaşları lazımi addımlarını ata bilməyiblər. Təqribən 2005-ci ildən fəaliyyətə başladığı bildirilən obyekt, ötən illər ərzində təlatümlü anlarını da yaşayıb. Məsələn, eşidib bilmişik ki, ötən illər ərzində sakinlərdən bir qədər aralı məsafədə yerləşən “Maral”ın fəaliyyətinin dayandırmasını, ətraf ərazidə yaşayanlar israrla tələb ediblər. Amma, son anda istəklərinə çata bilməyiblər. Buna da əsas səbəb, obyekt sahibinin hüquq-mühafizə orqanı əməkdaşları ilə “dil tapması” olub.
P.S. Hörmətli oxucular! “Maral”la bağlı araşdırmalarımızı davam etdirəcəyik. O halda hər kəs bilib başa düşəcək ki, adı çəkilən bu obyektdə nələr baş verir? Obyekt vergi ödəyicisi olsa da, kassa aparatından istifadə olunmaması və belə bir addımların müqabilində hansı şərtlərin razılaşması barədə də açıqlamalar dərc edəcəyik.
Qarşı tərəfi də dinləyə bilərik.

Akif

gundemxeber.az