Amma, çox keçməmişdir ki, Mahal Qurbanov təkrar doktorluq dessertasıyasını müdafiə etməyi də bacarmışdır

ADPU-nun dosenti, pedaqogika üzrə fəlsəfə doktoru Baloğlan Quliyevin əqli məhsulunu oğurlayanlar, məhz GDU-nun müəllim və professor heyyəti olub. Müəllifin yuxusuz gecələrinin hesabına ərsəyə gətirdiyi əqli zəhməti beynəlxalq standartlara cavab versə də, Prezident kitabxanasında saxlanılsa da, ona məxsus əqli mülkiyyətin ələ keçirilməsi, bu gün də bizi düşündürməkdədir. Xatırladaq ki, “Fiziki tərbiyə dərslərinin təşkili və keçirilməsi metodikası” adlı kitabın müəllifləri olan İlqar Haqverdiyev və İlham Ağayev, GDU-da elmi işçi olmaqla bərabər, eyni zamanda həm də vəzifə sahibidirlər. İlham Ağayev adı çəkilən kitab dərc olunduqdan sonra dosent əvəzi olmaqla bərabər, fiziki tərbiyə kafedrasının müdiri vəzifəsini də daşımaqdadır. Rəhbərı olduğu kafedra 2 nəfər dosentdən, 3 nəfər dosent əvəzindən və 12 nəfər baş müəllimdən ibarətdir. İlqar Haqverdiyev isə, həmin kitabın dərcindən sonra, dosent əvəzi olmaqla bərabər, eyni zamanda pedaqoji fakultədə dekan müavini vəzifəsini də icra etməkdədir.


ADPU-nun dosenti, əsl Azərbaycan ziyalısı olan Baloğlan Quliyevin əsərlərini köçürməklə, həmkarlarına belə bir yolla titul qazanmağa "köməklik" göstərən elmi redaktor, ixtisasca riyaziyyatçı olan Mahal Qurbanovun, problemlərlə bağlı mövqeyini öyrənə bilməsək də, onu dəqiqləşdirə bildik ki, o, hal-hazırda doktorluq işini müdafiə etməklə professor olmağa da hazırlaşır. Apardığımız araşdırmalar zamanı o da məlum oldu ki, M.Qurbanovun doktorluq elmi işinin müdafiəsi zamanı, onun elmi işində plagiatlıq aşkar olunmuş və sənədləri geri də qaytarılmışdır. Amma, çox keçməmişdir ki, o, təkrar doktorluq dessertasıyasını müdafiə etməyi də bacarmışdır. Rəyçilərdən ən əsası Bayram Apoyev adlı şəxs olmuş və o, bu gün də pedoqoji fakultədə "ömürlük" dekan vəzifəsini daşımaqdadır. Hansı ki, İLqar Haqverdiyev indi də Bayram Apoyevin həm müavini, həm də sağ əli hesab olunur. İlqar Haqverdiyevdən baş verənlərə münasibətini öyrənmək məqsədilə bölgə müxbirimiz dekanlıqda olur və ilk öncə onu dekanlığın xanım əməkdaşı valideyn hesab edir. Az sonra isə ona "valideyinsizsə gəlin uşağınızın adını yazdırın, sonrasını da İlqar müəllimə verib həll edərsiniz” deməsi, əksər mətləblərə aydınlıq gətirməyə də əsas verir. Baş verənlər artıq məsələnin nədən getdiyini və əlavə şəhrə ehtiyacın qalmadığını da isbata yetirmiş olur.





Köçürülən kitablarla bağlı aparılan araşdırmalar zamanı o da məlum olur ki, adı çəkilən kitab pedoqoji fakultədə fəaliyyət göstərən tədris-metodik şuraya təqdim olunmadan və fakültənin elmi şurasında müzakirə olunmadan birbaşa protokola salınır. Fakültə elmi şurasının sədri, həm də fakültənin ömürlük dekanı olan Bayram Apoyevin, adı çəkilən kitabın tezbazar ortaya çıxarılmasında başlıca məqsədi, İlqar Haqverdiyevi dosent etmək olub. Dosent dərəcəsinə yüksələn hər bir elmi işçiyə maaşlarından əlavə, hər ay 60 manat pul verilir ki, belə bir yolla da dövlət büdcəsinə hər ay külli miqdarda ziyan vurulur.
Xatırladaq ki, İlqar Haqverdiyev və İlham Ağayev bu gün də GDU-da elmi işçi olmaqla bərabər, eyni zamanda həmin təhsil ocağında mühüm vəzifə də daşımaqdadırlar. İlham Ağayev adı çəkilən kitab işıq üzü gördükdən sonra dosent əvəzi olmaqla bərabər, fikiki tərbiyə kafedrasının müdiri vəzifəsini də daşımalı oldu.