Bakının Nizami rayonu, Keşlə qəsəbəsində 33 yaşlı qadın döyülüb.

Hadisə qəsəbə ərazisində yerləşən “Kəpəz” otelində baş verib.
Məlumata görə, İsmayılova Könül Fikrət qızı oteli işlədən Malik adlı şəxsdən borcunu istəməyə gedib və orada döyülüb. Zərərçəkmiş 3 nömrəli Şəhər Kliniki Xəstəxanasına müraciət edib. İlkin müayinələr zamanı K.İsmayılovanın üz nahiyəsindən xəsarət aldığı məlum olub. Yaralı müalicə olunmaq üçün müvafiq şöbəyə yerləşdirilib.
Faktla bağlı Nizami Rayon Polis İdarəsinin 23-cü polis bölməsinə məlumat verilib. Bölmənin rəisi Rəfael Albabayev faktı təsdiq edib və bildirib ki, oteli işlədən şəxsin K.İsmayılovaya 7500 manat borcu olub. Ancaq borcu qaytarmaq əvəzinə qadını döyüb.
Faktla bağlı polis bölməsində təhqiqat araşdırmalarına başlanılıb.
Onu da qeyd edək ki, zərərçəkmişlə otel rəhbəri arasında yaxın münasibətlər olub.