Şahidlər Vüsal Ələkbərovun iş adamlarına qarşı törətdiyi qanunsuzluqlardan danışdılar

Bakı Hərbi Məhkəməsində sahibkarlara hədə-qorxu gəlməkdə, onların külli miqdarda əmlakını ələ keçirməkdə ittiham olunan ləğv edilmiş Milli Təhlükəsizlik Nazirliyi İstintaq Baş İdarəsi 2-ci istintaq şöbəsinin rəisi Vüsal Ələkbərovun cinayət işi üzrə məhkəmə prosesi keçirilib.

Hakim Siyavuş Hacıyevin sədrlik etdiyi prosesin əvvəlində zərərçəkmiş şəxs qismində tanınsn iş adamı Nizami Kazımovun epizodu üzrə şahid qismində ifadə verən Şahin Hüseynov bildirib ki, Nizami Kazımovun kürəkəni Samirin dostu olub. Onun sözlərinə görə, Çanaqqala restoranında Tahir Əbdülqasımov və onun oğlu ilə birlikdə olub: “Həmin vaxt Tahir müəllim dedi ki, Nizami Kazımovun həbsdən azad edilməsi evdən pulu götürüb və MTN-ə aparmaq lazımdır. Biz birlikdə evdən pulu götürmək üçün Həzi Aslanov qəsəbəsinə getdik. Evdən pulu götürəndən sonra MTN-ə getdik. Orada telefonla danışan zaman həmin şəxs dedi ki, hamınız gəlməyin, təkcə Samir pulu gətirsin. Maşını MTN-dən 20 metr aralıda saxladıq. Samir pulu gptürərək MTN-nin qaoısına çıxan şəxsə verdi”.

Daha sonra iş adamı Hüseyn Səfərova qarşı edilən qanun pozuntuları ilə bağlı ittiham üzrə şahidlərin dindirilməsinə başlanıb. İlk olaraq şahid qismində Səhiyyə Nazirliyinin Məhkəmə tibbi Ekspertiza və Anatomiya Elmi Təcrübə Tədrisi birliyinin ekspertiza şöbəsinin rəisi Ziyafəddin Məmmədov ifadə verib. O, Hüseyn Səfərovu 2008-ci ildə MTN-nin istintaq təcridxanasında saxlanıldığı zaman müayinə etdiyini, xəstə olması ilə bağlı ekspertiza rəyi verdiyini, həmin ekspertiza rəyini təsdiqlədiyini detib. Bildirib ki, həmin rəyi verən zaman ona hər hansı təzyiq və tapşırıq olmayıb. O, həmçinin ifadəsində qeyd edib ki, rəyin verilməsindən uzun müddət keçdiyi üçün Hüseyn Səfərovu xatırlamır.

Şahidin ifadəsinə zərərçəkmiş Hüseyn Səfərov belə arayış verib: “Keçmiş MTN elə zülümət yerdi ki, oranı xatırlamaq belə mümkün deyil. Mənim müayinə dən keməyim üçün MTN müraciət edib, həkimdən keçməyimlə bağlı mənim ərizə və ya müraciət im olmayıb. Həmin vaxt həkimlər məni Vüsal Ələkbərivun xidmət i otağında müayinə ediblər”.

Daha sonra şahid qismində ifadə verən Vurğun Muradov bildirib ki, Bakı şəhəri Endokrinaloji dispanserində həkim işləyib. Onun sözlərinə görə, Hüseyn Səfərovu 8-9 il əvvəl müayinə edib: “Həmin vaxt onun şəkəri yüksək olub, boyun nahiyəsində damarında çapıq aşkar edilmişdi. Buna görə də Hüseyn Səfərovun daim müayinə olunmasına ehtiyac olması barədə rəy vermişdik”.

Digər məhkəmə eksperti Rafiq Nuriyev bildirib ki, Hüseyn Səfərovun xəstə olması, onun həbsdə saxlanılmasının mümkün olmaması barədə rəy verib. Onun sözlərinə görə, həmin rəyin

verilməsi üçün MTN-dən sənədlər daxil olub, 3 gün ərzində baxılaraq rəy verilib.

Vüsal Ələkbərov ekspertiza həkimlərinin ifadəsinə münasibət bildirib: “Məhkəmə tibbi ekspertizasının rəyində göstərildi ki, Hüseyn Səfərovun şəkərinin dərəcəsi yüksəkdir, hətta 500-dən çox idi. Belə vəziyyətdə o, MTN-nin təcridxanasında şoka düşə bilərdi, həyatı üçün təhlükə var idi. Buna görə də onun həbsdən azad edilməsinə barədə qərar qəbul etdik”.

Hüseyn Səfərov bildirib ki, həbs olunan zaman onun vəziyyəti daha ağır idi: “Həbs olunandan ilk günlər şəkərim yüksək idi. Daha sonra şəkərim aşağı olmalı idi. Çünki MTN-də mənə yağlı yemək verilmirdi, şəkərim də normasında olmalı idi. Vüsal Ələkbərov deyirdi ki, bizdə elə aparat var, şəkəri yüksək göstərir. Buna görə də mənim şəkərim yüksək göstərilib”.

Daha sonra şahid qismində ifadə verən Nizaməddin Məmmədov bildirib ki, zərərçəkmiş Hüseyn Səfərovla quda olub. Onun sözlərinə görə, 2008-ci ildə Hüseyn Səfərovun həbsdən azad edilməsi üçün pul yığılıb: “Məndə 150 min manat vermişəm. Bu günə kimi də pulumu qaytarmağa Hüseynin imkanı olmayıb. O, mənə borclu qalıb. Bu gündə ondan pulumu tələb etmirəm”.

Şahid qismində ifadə verən İlham Məmmədovun sözlərinə görə, 2008-ci ildə dostu Hüseyn Səfərovun həyat yoldaşı Natiqə xanım onlara gəlib və ərinin həbsdən azad edilməsi üçün külli miqdarda pul tələb edildiyini bildirib: “Natiqə xanım bizim də onlara maddi cəhətdən köməklik göstərməsini istəyib. Natiqə xanım gedəndən sonra fikirləşdim ki, Hüseyn ilə illərin dostu olmuşuq, onun

həbsdən azad edilməsinə köməklik etmək lazımdır. Buna görə də 100 min dollar taparaq Natiqə xanıma verdim. Hüseyn həbsdən çıxıb, sonra bankdan kredit də götürüb. O, həbsdən azad edilməsi üçün külli miqdardav borca düşüb, bu gün də borcludur. Mənim də pulumu qaytarmağa imkanı yoxdur”.

İlham Məmmədov daha sonra ifadəsində qeyd edib ki, Hüseyn Səfərov “Texnikabank”ın Bakı filialına depozit pul qoyduğu üçün MTN tərəfindən həbs edilib: “Mən də həmin illərdə banka pul qoymuşdum. Amma sonradan pulumu həmin bankdan geri götürmüşdüm”.

Vüsal Ələkbərov qeyd edib ki, şahid İlham Məmmədovun banka qoyduğu pulunu geri qaytarması ilə bağlı istintaqını apardığı “Texnikabank”ın Bakı filialının vəzifəli şəxslərinin barəsində olan 613 saylı cinayət işində öz əksini tapıb.

Daha sonra şahid qismində ifadə verən Azər Hüseynov bildirib ki, “Texnikabank”ın Bakı filialına 90 min manat depozit qoyub: “2008-ci ildə məni MTN-ə çağırdılar, orada Samir adlı müstəntiq məni dindirdi. Məndən tələb etdi ki, həmin pulu Hüseyn Səfərovun ailə üzvləri tərəfindən ödənilməsi barədə ərizə yazım. Məndə müstəntiqini dedi kimi ərizə yazdım. Sonra bir ay gözləsəm də, mənə pulumu qaytarmadılar. Qaynım vəkil idi, onun vasitəsi ilə MTN-nin rəhbərliyinə müraciət etdim. Sonra “Texnikabank” işində məni zərərçəkmiş şəxs qismində tanıdılar. Mən pulu Hüseyn Səfərova yox, Zal Yusifovun rəhbəri olduğu “Texnikabank”ın Bakı filialına qoymuşam. 2010-cu ildə Bakı Ağır Cinayətlər Məhkəməsində keçirilən prosesdə də belə demişəm. Onlara mənim MTN-də olan söhbətimi də danışmışam. Nə Hüseyn Səfərov, nə də onun ailə üzvləri məndən heç nə tələb etməyiblər, pulumun

ödənilməsi ilə bağlı hər hansı bir vəd də etməyiblər. Belə izahat yazmağımı MTN-nin Samir adlı müstəntiqi tələb edib”.

Daha sonra prosesdə daha iki iş adamı Elşən Mədətov və Namil Rzayevin işi üzrə şahidlər ifadə veriblər. Şahidlər ifadələrində bildiriblər ki, Vüsal Ələkbərov və onun xidmət etdiyi idarənin rəisi Mövlam Şıxəliyev hədə-qorxu yolu ilə Elşən Mədətov və Namil Ezayevdən külli miqdarda pul alıblar.

Aslan
gundemxeber.az