Nazir üçün statıstik xatırlatma: 6 yox 94 min əhalisi var

Bir neçə gün əvvəl telekanalların birində Mədəniyyət və Turizm Naziri Əbülfəz Qarayevin Saatlıda ictimayyətlə görüş keçirib. Belə ürək bulandıran şoular doğrusu mənim üçün artıq adi hal kimi görünsədə, lakin yalan və saxtakarlıq üzərində qurulan bu məzhəkə rayon sakinlərinin əsəblərini yamanca tarıma çəkmişdi. Oyunun olsun ay Əbülfəz müəllim. Bir fikir verin necə olur ki, 180 km məsafəni qət edib ictimayətlə görüş adı ilə zülüm içində boğulan Saatlıya təşrif buyurasan, amma cəmi 6 adamı qəbul edəsən özü də ki, polisin nəzarəti altında. Bəlkə də, Əbülfəz müəllim bilməmiş deyil. Saatlının 6 yox 94 min əhalisi var. Bu rayonda elə bir sıravi sakin tapa bilməzsən ki, idarə və təşkilatlara rəhbərlik edən məmurların çirkli oyunlarından şikayətçi olmasın.
Mədəniyyət, eləcə də İdman və Gənclər şöbələrin fəaliyyətləri ancaq kağız üzərindədir. Bazar və dükanlarda keyfiyyətsiz məhsullar piştaxtaları camaata baha qiymətə sırınır. Sanki heçnə olmamış kimi vergi işçiləri sahibkarlarla qanunsuz iş birliyinə gedib özləırinin budcələrini doldururlar. Həmçinin vətəndaşların küçədə gəzmək, çayxanalarda sərbəst oturmaq azadlıqları Cəbrayıl Vəliyevin qoçuları tərəfindən amansızcasına alınırsa o halda sakinlər narazılıq etməsin bəs neyləsin?
Bəs Aqrolizinqin fəaliyyəti nədən ibarətdir? Hərçənd ki, hər zaman rayon sakinlərini düşündürən bu suala səlahiyyət sahibləri tərəfindən bir dəfə də olsun aydınlıq gətrilməyib. Məlumat üçün deyək ki, Sabirabad rayonunda yerləşən Aqrolizinqin regiyonal lajistik bazasının Şakir Həsənov adlı şəxs rəhbərlik edir. Çirkli işlərdə ad çıxarmış bu adam Aqrolizinqi özünün şəxsi mülkiyyətinə çevrib. Dövlətin verdiyi texnikaların hamısını özəlləşdirib. İşini qarabazar prinsipi üzərində quran Ş. Həsənovun məntiqinə görə pul onun üçün hər şeydən üstündür. Xatırladaq ki, 2010-cu ildə Maliyyə Nazirliyinin Aqrolizinqdə apardığı yoxlamalar zamanı Ş. Həsənovun düz 1 200000 (bir milyon iki yüz min) manat pulu mənimsədiyi üzə çıxarmışdı. İş mahiyyəti üzrə Respublika Prokurorluğuna verildi. Amma nə oldu? Saxtakarlıq yolu ilə yığdığı pullar hesabına açılmayan qapını açan Ş. Həsənov cinayyət xarakterli işini sanki heç nə olmamış kimi ört-basdır edir. Deyilənə görə Ş. Həsənovun analoqu olmayan belə özbaşnalığına Kənd Təssərrüfatı Naziri İsmət Abbasov havadarlıq edir. Buna görə də Ş. Həsənov heç bir qanun tanımır. ZÖzünü “kiçik padışah” kimi aparan Ş. Həsənov nəyinki icarəyə verdiyi texnikalardan həmçinin azot və kübrənin satışından milyonlara yiyələnir. Hansı ki, həmin bu azot və gübrələr güzəştli qiymətlərlə fermerlərə verilməlidir. Ş. Həsənov azot və miniral kübrələrin qanunsuz satışını əlbətdə ki, heç də təkbaşına həyata keçirmir.
Əlqərəz Mədəniyyət və Turizm Naziri Gənclər Mərkəzində olarkən görəsən heç soruşdu ki, Mərkəzin neçə işçisi var? Gənclərin asudə vaxtlarını keçirmələri üçün burada hansı şərait yaradılıb? Yaxşı olardı ki, Mədəniyyət şöbəsinin toz basmış qapısı qıfıllı kənd filalları olan kitabxana və mədəniyyət evləri ilə maraqlana idi. Ancaq bu olmadı. Beləcə gəldi, sanki sakinlərdən qorxurmuş kimi bəlkə də nifrət edirmiş kimi Polisin müşayyəti ilə çıxıb getdi. Bəli Saatlıda sosial-iqtisadi vəziyyət günü-gündən pisləşir insanlar çörək pulundan ötrü nəyə desən əl atır. Gülüşlərdə saxtakarlıq, çıxışlarda saxtakarlıq bir sözlə ətrafı bürüyən yalan və saxtakarlıq gələcəyimizi də uçuruma sürükləyir.
Tural