Rayon sakini baş memarın bürokratiyasının “əlində qalıb”

gundemxeber.az Ağstafa Rayon İcra Hakimiyyətinin memarlıq və tikinti şöbəsinin müdiri Sənan Mustafayev nə az,nə çox, düz 22 ildir ki, bu vəzifədədir. Onun tutduğu sahə Ağstafa şəhərindən çox özünə daha faydalı olmuşdur. Şəhərdə istər vətəndaşlara verilən yaşayış ücün 1 qarış torpaq,istər sahibkarlıqla məşğul olmaq üçün ayrılan sahə,istərsə də hansı bir obyektin istismara buraxılışı üçün vurduğu möhür baş memarın cibinə yaxşıca gəlir gətirir. Onun rayonda belə açıq-aşkar fəaliyyəti tabe olduğu aidiyyəti rəhbər işçilərdən “üz görməsi” ilə əlaqələndirilir. Təbii ki, bu da “gör məni, qoruyum səni” prinsipinə əcaslanır, O da birmənalı şəkildə məlumdur ki, S.Mustafayev icra hakimiyyətində yeganə sovet kadrlarındandır ki, bu günə kimi neçə icra başçısını yola salmaqla məharətli dili-dişi ilə başını salamat saxlaya bilib. Nəticədə, “əvəzolunmaz” kadra çevrilib.
...Məhərrəmov Həşim Yusif oğlu 1936-cı ildə Ağstafada anadan olub. Ahıl qoca nəvə-nəticə sahibidir. Əmək veteranıdır. Rayonda hamı onu yaxşı ağsaqqal, səliqə-səhmanlı insan kimi tanıyır. Həm də, Həşim kişi köhnə ağstafalılardandır. Lakin bu yaşına qədər dediyinə görə, bir kimsənin toyuğuna belə daş atmayan Həşim Yusifov baş memar S.Mustafayev bürokratiyasının “əlində qalıb”. Belə ki, o, hazırda yaşadığı və orada boya-başa çatdığı Ağstafa şəhəri Rəfael Əsədov küçəsi 30 saylı ev sanki mühasirədə qalıb. Həşim kişi orada məskunlaşanda sağında və solunda nə 28, nə də 32 saylı evlər var idi. Kişi evinə həm maşınıyla, həm də piyada gedib-gəlirdi. Həmin evlər Həşim kişinin ətrafında tikiləndə də hər qonşunun mərkəzi yola darvazası da olmuş, Həşim kişiyə son 7-8 ildə maneçiliyi də olmamışdır. Sonradan qonşular, Həşim Yusifovun söylədiyinə görə , Sənan Mustafayevlə sövdələşmiş, hər biri müəyyən məqsədləri üçün qanuni darvazalarına qıfıl vuraraq, Həşim kişinin dədə-baba yoluna çıxış yolu açmışlar. O gündən qonşulara maşınlarıyla gəlib-gedənlər Həşim kişinin rahatlığını pozmağı bir yana,üstəlik kişinin evinə maşınıyla getməyinə də əngəl törədirlər.
Ağsaqqal H.Yusifov artıq neçə illərdir ki, rayonun baş memarına bu barədə deməyinə baxmayaraq, o qəsdən bu işə köməklik göstərmir. Çünki onun başqa işlərdə olduğu kimi, Həşim kişinin qonşularına 2-ci darvazaiarın verilməsində də maddi marağı olmuşdur. İndi isə ağsaqqalın baş memardan istəyi qonşularının belə hərəkətlərindən canını qurtarmaq üçün evinin arxasından 3m çıxış yolu istəməsidir. O, Sənandan bu istəyə də sərrast cavab almamışdır.Özündən 22 yaş böyük olan ağsaqqala: “sənə yol yoxdu,bacarırsan yola çıxmaq üçün “kanat” düzəlt “ demişdir. Eyni zamznda, vətəndaş Yusifov 7-8 iıdi ki,Ağstafa rayon məhkəməsinə də müraciət edir. Məhkəmə də hər dəfə mütəxəssis rəyi tələb edir, şəhər icra nümayəndəsini,kommuxozun müdirini və baş memarı məhkəməyə dəvət edir.Lakin deyəsən , S. Mustafayev heç məhkəməni də saymır, ustəlik məhkəməyə dəvət olunanların getməsinə də ənğəl törədir. Belə yerdə atalar yaxşı deyib : “İşin düşdü əyriyə,həm yeyə,həm səyriyə”
Yəqin ki, H.Yusifovun neçə illərdi ki,müşgülə düşmüş yol işi ağilli insanlar tərəfindən öz yoluna qoyular. Cünki su və yol çəkmək babalardan qalma savab işdir

İlham Hacalı