Kanadanın Nyu-Bransuik bölgəsindəki Kempbellton şəhərinin sakinləri şokdadırlar. 5 və 7 yaşlı iki qardaşı böyük piton ilanı boğaraq öldürüb.
İlan qardaşları öldürəndə uşaqlar yuxuda olublar və onlar ayılmadan keçiniblər.
Hadisə Reptile Ocean zoodükanının üzərindəki mənzildə baş verib.

Dükanda saxlandığı qəfəsin qapısının açıq qalması nəticəsində piton sürünərək çıxıb və hava-tənəffüs dəliklərindən keçərək ikinci mərtəbədəki mənzilə girib.

Havaçəkmə yolları ilə mənzilin damına qədər sürünən böyük ilan burada olanda qəflətən şaxtanın dəmiri deşilib və Afrika qaya pitonu tavandan aşağıya, balaca qardaşların yatdıqları otağa düşüb.

Uşaqlar yuxuda olduqlarından, ilanı görməyiblər. Qəzəblənərək aqressivləşən piton isə əvvəlcə 7 yaşlı Noaya sarılaraq onu boğub, sonra 5 yaşlı Konnor Bartı öldürüb.
Qardaşların atası Jan-Klod Savoyun dediyinə görə, səhər saatlarında otağa girəndə oğullarının cəsədlərini görüb.
Uşaqların anası Mendi Trekartin evə çatanda, oğullarını ölü görəndə huşunu itirib.