İstirahət mərkəzinin Hacı adlı sahibi Kəmaləddin Heydərovun göstərişini yerinə yetirmir

gundemxeber.az Fövqalədə hallar naziri Kəmaləddin Heydərov təhlükəsizlik standartlarına cavab vermədiyi üçün Bakının 7-ci mikrorayon ərazisində fəaliyyət göstərən "Oazis" İstirahət və Əyləncə Mərkəzinin sökülməsi haqqında tapşırıq verib. Lakin bir müddətdir ki, nazirin tapşırığı yerinə yetirilmir. Necə deyərlər daş qayaya rast gəlib.
Bu barədə daxil olan məlumatda bildirilir ki, "Oazis" İstirahət və Əyləncə Mərkəzi yüngül konstruksiya ilə tikilib və buna görə də orda çox saylı insanların toplaşması sonucda bu insanların həyatı üçün təhlükə mənbəyidir. Məlumatda bildirlir ki, bir neçə il əvvəl eyni konstruksiya ilə inşa edilən Rusiyanın Moskva şəhərində "Transval Park" İstirahət və Əyləncə Mərkəzi və "Baumann" bazarında yüngül konstruksiya ilə inşa edilən obyektlərin dam örtükləri çökdüyündən yüzlərlə insan dünyasını dəyişmişdi. Fövqəladə Hallar Nazirliyində hesab edirlər ki, belə bir hadisə "Oazis"də də baş verə bilər.
Amma “Oazis" İstirahət və Əyləncə Mərkəzinin sökülməsi üçün səbəb təkcə bu deyil. Həmçinin istirahət mərkəzi 8 saylı Beton zavodunun ərazisini zəbt edib. Məlumatda bildirilir ki, bu günə qədər "Oazis" rəhbərliyi müəyyən güclü kanallardan istifadə edərək istirahət mərkəzinin sökülməsinin qarşısını almağa çalışıb. Lakin son zamanlar nazirliklə istirahət mərkəzi arasında qarşıdurma son həddə çatıb.
Belə ki, redaksiyamıza daxil olan məlumata görə Kəmaləddin Heydərov istirahət mərkəzinin hələ də fəaliyyət göstərdiyini eşidərək işçilərindən hesab tələb edib və sabah baş verəcək fəlakət zamanı kimin məsuliyyət daşıyacağını soruşub. Bundan sonra isə Fövqəladə Hallar Nazirliyinin əməkdaşları "Oazis"ə gələrək istirahət mərkəzinin fəaliyyətini dayandırmağı tələb ediblər. Amma istirahət mərkəzinin Hacı adlı sahibi də qeri çəkilmək niyyətində olmayıb. Elə bu səbəbdən "Oazis" rəhbərliyi FHN-ə qarşı açıq qarşıdurma yaranıb.
Məlumatlara görə, hətta bu "razborka"da FHN əməkdaşları ilə "Oazis"in təhlükəsizlik əməkdaşlarının arasında əlbəyaxa dava düşüb. Son nəticə olaraq FHN-nin əməkdaşları istirahət mərkəzindən əliboş geri dönüb. Məlumatda bildirlir ki, bundan sonra məsələnin kritik həddə çatması barədə FHN şefinə məruzə olunub. Məlumatda bildirilir ki, fövqalədə hallar naziri Kəmaləddin Heydərov bu hadisədən sonra daha da gəzəblənib və mümkündür ki, istirahət mərkəzində yaxın vaxtlarda söküntü işlərinə start verilsin.
Yazıda adı keçən şəxslərin və qurumların mövqeyini dərc etməyə hazırıq…

Gəray