Azərbaycanlı iş adamı Əli Həmidov naməlum şəxslər tərəfindən İstanbulda güllələnib.

Milli.az xəbər verir ki, hadisə Bahçeşehir Şelale küçəsindəki lüks yaşayış komplekslərindən birində baş verib. İş adamının rusiyalı dostu 29 yaşlı Asiyat Alaşev isə ağır yaralanıb.

41 yaşlı iş adamı dostu ilə hovuzda istirahət edən zaman içəri girən 6 nəfər onlara hücum edib. Silahlı şəxslər iş adamlarını silah gücünə hovuzdan çıxardıqdan sonra dəyənəklə döyüblər. Kompleksin təhlükəsizlik əməkdaşlarını da təhdid edən silahlı şəxslər Həmidov və Alaşevi güllələyərək hadisə yerindən uzaqlaşıblar.

Türkiyədə tikinti biznesi ilə məşğul olan Əli Həmidov Esenyurt Dövlət Xəstəxanasında həyatını itirib. Alaşevin isə vəziyyətinin ağır olduğu deyilir.