Seçkiqabağı əfv olacağı ilə bağlı yerli mediada bir sıra xəbərlər yayılır.

Hətta iddialara görə, əfv edilənlər arasında sabiq nazirlərin də adları olacaq. Hüquq müdafiəçisi Novella Cəfəroğlu isə musavat.com-a əfvin Qurban bayramı ərəfəsində olacağını deyib: “Biz istərdik ki, əfv seçkilərdən qabaq olsun. Amma komissiyaların yığışmalarından görünür ki, seçkidən öncə əfv gözlənilmir. Ancaq bu o demək deyil ki, Tofiq Yaqublu, İlqar Məmmədov və NİDA-çılar bu əfv fərmanına düşə bilərlər. Sadəcə olaraq, biz Əfv Komissiyasına məktub yazmışdıq ki, prezidentdən humanist addım gözləyirik. Seçkiqabağı olduğu üçün belə bir addım atıb onları azad edə bilər”.