“Gülər dedi ki narahat olma, sənin kabinetini Kəmaləddinin yanında danışmışıq”


Ağır Cinayətlər Məhkəməsində Gülər Əhmədovanın növbəti məhkəmə prosesi keçirilir. “Qafqazinfo” xəbər verir ki, Sevinc Babayevanın bacısı Təranə Səfərova ifadə verib. O bildirib ki, 2011-ci ilin yayında bacısı Sevinc Gülər Əhmədova ilə eyni tədbirdə olub. Tədbidrdən sonra Sevincin vəziyyəti pisləşib. “Sevinc orada balıq yemişdi. Ondan sonra vəziyyəti pisləşdi. Yaşıl rəngdə qaytarırdı. Heç bir xəstəxana bizi qəbul etmirdi. Biz də şübhələndik ki, niyə bizi qəbul etmirlər. Daha sonra tanışlarmız vasitəsilə onu Gömrük Xəstəxanasına apardıq. Orda Qalib adlı bir həkim dedi ki, bacını zəhərləyiblər. 6 ay ömrü var. Daha sonra orada müalicə ald. Vəziyyəti bir az yaxşılaşdı. Ayın 26 Sevinc mənə dedi ki , Bakıda qala bilmərəm, Türkiyəyə getməliyəm. Gedərkən anama Gülərin nömrəsini verdim. Səhəri gün anam Gülərə zəng etdi. Gülər ona dedi ki, narahat olma o getməli idi”.

Daha sonra Sevinc Babayevanın bacısı bildirib ki, Türkiyədə olarkən Sevinc zəng etimişdi. O bizi yanına gəlməyə qoymurdu. “ Sevinc çox ehtiyatlı davranırdı. O bizə deyirdi ki, artıq suallar verməyin, qulaq asırlar bizə. Sevinc orda icazə aldıqdan sonra ancaq mənim də gəlməyim şərtilə oğlu Ayxanın Türkiyəyə getməsinə razılıq verdi. Bizi orda Səlcuq Ağlayan qarşıladı. Məni Ayxanla ağ rəngli qara şüşəli maşınla bütün şəhəri gəzdirdilər. Mən dedim ki, yorulumuşam bacımı görmək istəyirəm. Sən demə biz bütün saatı Sevinc qalan binanı fırlanmışıq. Sevinc qapını açdı. O çox arıqlamışdı. Acınacaqlı vəziyyətdə idi. Soyuducunu açdım orda heçnə yox idi. Ayxan onu alış-verişə apardı. O dükanda hər şeyi götürüb yeyirdi. Satıcıya dedim ki, qoyun yesin mən pulunu ödəyərəm. Bacım elə bil türmədə idi. Biz skypla Gülərlə danışmaq üçün idman kompeksinə getdik. Gülər dedi ki, Seva Ramiz Mehdiyeviə 500-500 vermişəm. Məsələ həll olunacaq. Səhər Sevincin vəziyyəti pisləşdi. Cərrahpaşa klinikası pasportu olmadığı üçün onu qəbul etmədi. 3 gün sonra skypla yenidən danışdıq. Gülər dedi ki narahat olma, sənin kabinetini Kəmaləddinin yanında danışmışıq. Bir az gözlə hər şey yaxşı olacaq. Hələ də bilmirəm ki, bacım son ana qədər Gülərə niyə inanırdı”.

Sevincin bacısı onu da bildirib ki, Gülər Əhmədova ondan bacısı Sevinc Babayevanın Türkiyəyə öz xoşu ilə getməsi barədə ərizə yazmasını deyib.