Yaxınları bu barədə polisə müraciət edib

Hadisə Siyəzən rayonunda 44 yaşlı kişi yoxa çıxıb. Rayon polis şöbəsindən ANS PRESS-in bölgə müxbirinə verilən məlumata görə, anası Məsumə Hətəm qızı İbrahimova bu barədə polisə müraciət edib.

Qadın müraciətində bildirib ki, oktyabrın 28-də saat 17:00 radələrində 1969-cu il təvəllüdlü Zaur Afət oğlu İbrahimov yaşadığı Babək 54, korpus 29, mənzil 1 ünvanındakı evdən çıxıb və bir daha geri qayıtmayıb.

Onun əlamətlərinə gəlincə, hüdür boylu, arıq cüssəli şəxsdir. Onun ruhu xəstə olduğu bildirilir.

Polis onun axtarışlarına başlayıb.