BU ŞİRKƏTİN KREDİT ŞÖBƏSİNDƏ “GESTAPO” REJİMİDİR: ŞİKAYƏT EDİRLƏR
Bu gün mobil telefon bazarında kifayət qədər tanınan “İrşad Telekom”la bağlı redaksiyamıza bir şikayət məktubu ünvanlanıb. Redaksiyamıza yazan narazı vətəndaş, Bakı sakini Əliyev Samir bildirir ki, “İrşad Telekom”dan kreditə telefon götürmək istəsə də, bu mümkün olmayıb.

DİA.AZ-a yazan vətəndaş bildirir: “Bu şirkətin dükanlarında sanki “gestapo” rejimi qurulub. Qiyməti 500 manata olan telefonu kreditə götürmək istəsəm də, son nəticədə mümkün olmadı. Səbəbsə kredit şöbəsi əməkdaşlarının sanki bir cinayətkarı dindirirmiş kimi... məndən qohumlarımla, yaxınlarımla bağlı yersiz suallara cavab istəmələri olub”.

Bətəndaş bildirir ki, ondan qohumlarından 3-nün şəhər telefonunun nömrəsin istəyiblər: “Mən də verdim. Təsəvvür edin, qohumlarımdan mənim barəmdə hətta mənim belə yaxşı xatırlaçadığım qohumluq əlaqələrini soruşublar. Hər dəfə tərəddüdlü cavab eşidəndə isə,nömrəsini verdiyim qohumlarımı da aşağılayaraq “YALAN DANIŞIRSINIZ” deyirdilər. Nəhayətdə səbr kasam daşdı. Və onlardan telefon almadan “İrşad Telekom”u tərk etdim”.

Vətəndaş bildirir ki, hətta qiyməti 100-150 minlik maşını kreditə götürəndə belə banklarda kredit verənlər “İrşad Telekom”un əməkdaşları kimi davranmırlar: “Bi ölkədə hər kəsin hüquqları vətəndaşların, insanların hüquqlarından üstündür. Deyirdilər ki, Milli Məclis kredit faizlərini aşağım salmağa sövq edəcək, kredit götürənlərin hüquqlarının müdafiəsilə bağlı qanunlar qəbul edəcək. Amma bu olmadı. Görünür bunlar bir mafiyadır və Milli Məclisə də təsir edirlər”.

Onu da bildirək ki, “İrşad Telekom”un daı bu yaxınlarda daha bir ittihamın hədəfinə çevrilmişdi. Söhbət yalançı endirim kampaniyalarından gedir. Xəbərlərdə qeyd olunurdu ki, tez-tez endirimləri ilə reklam olunan mağazalardan biri “İrşad Telekom”dur.
“Oktyabr ayının 15, 16, 17 günlərində Qurban Bayramı ilə əlaqədar kampaniyamızda bütün məhsullara ilkin ödənişsiz və faizsiz kredit təklif edirik!”- bu “İrşad Telekom”un son kampaniyasıdır. Amma…

Amma gəl gör ki, bu təklifi eşidib, telefon almaq istəyənlər sürprizlə qarşılaşırlar. Faizsiz adı ilə verilən kreditli telefonlar üçün vacib şərt qoşulub: Kreditlə telefon almaq istəyənlər QIZIL ZƏMANƏT almalıdırlar. Bütün telefon mağazalarında zəmanət talonu pulsuz verilərkən, “İrşad Telekom” bu zəmanəti alınan telefonun 10 faizi məbləğinə satırlar.

Məsələn, 299 manatlıq telefon almaq istəsəniz, aylıq 55 manat ödəməlisiniz. Bu da 6 ayda 330 manat edir. Ya da 225 manatlıq telefon aldıqda, 26 manat artıq ödəmək məcburiyyətində qalırsan. 1000 manatlıq telefon sevdasına düşənlər isə onu 100 manat bahasına almağa məcburdurlar.

Buna etiraz etmək, zəmanətdən imtina haqqı isə tanınmır. Bu özbaşınalığa və saxtakarlığa etiraz etdikdə isə, satıcılar az qala müştərini dövüb qovurlar.

Maraqlıdır ki, dəfələrlə İqtisadi İnkişaf Nazirliyinin qaynar xəttinə bu barədə şikayət edilsə də, “İrşad Telekom” öz işindən geri qalmır.

Qarşı tərəfi də dinləməyə hazırıq...