Hörmətli redaksiya! Yazıb sizə bildirirəm ki, mən 1983-cü ildə Şirvanda yerləşən Telemexanika Cihazlar Zavodunda işçi kimi fəaliyyətə başlamışam. Hamı kimi mən də ev növbəsinə dayanmışam. Lakin evlər paylansa da bizə ev verilməyib. Növbəlik əsasında bizə veriləcək ev başqasına satılıb. O vaxt mən evsiz olduğum üçün Telemexanika yataqxanasında yaşamalı olmuşam. Bir oğlum, bir qızım var. Yataqxanada mənə iki balaca otaq verilmişdi.

Bu yataqxanaya təzə damkom qoyulmuş Afət Quliyev və İcra Hakimiyyəti başçısının müavini Elmira xanım Ağayeva yataqxanada mənə verilmiş otağın birini məndən alıb başqa şəxsə verib. İndi hal-hazırda mən bir otaqda yaşayıram. O otağı da məndən alıb başqa şəxsə vermək istəyir. Hər gün gəlib mənimlə savaşır, məni təhqir edir və bildirir ki, mən sənin yaşadığın bu otağı başqa şəxsə verirəm, otaqdan çıx. Mən də iddia edirəm ki, mən bir qızımla harada yaşamalıyam? Oğlum isə həddi buluğa çatıb, öz şəxsi mülkü var. Oğlum və gəlinim ilə yola getmədiyimə görə onlarla yaşaya bilmirəm. Ancaq buna baxmayaraq Elmira xanım Ağayeva, Afət Quliyev və İcra Hakimiyyətinin Mənzil Təsərrüfat İdarəsinin müdiri Əyyub Gülməmmədov mənim yaşadığım otağı təhvil verib, oğlumla yaşamağa məcbur edirlər. Mən yaşamağa yerim olmadığı üçün otağı təhvil vermirəm və buna görə də İcra Hakimiyyətinin Mənzil Təsərrüfatı İdarəsinin müdiri Əyyub Gülməmmədov iddia ərizəsi ilə Şirvan şəhər məhkəməsinə müraciət edərək, mənim evdən çıxarılmağıma dair qərarın qəbul edilməsini xahiş etmişdir. Nəzərinizə çatdırım ki, mənim adıma heç bir əmlak yoxdur. Və çıxarılmağıma dair əsas göstərilməlidir. Bununla yanaşı qeyd etmək istəyirəm ki, yataqxanadakı yaşayış evlərini Afət Quliyev 2000 manat pul müqavilində hərraca çıxarıb. Həmçinin yataqxanada yaşayan ailələrin 100-də 50 faizi Telemexanika Cihazlar Zavodunda aidiyyatı olmayan və İcra Hakimiyyəti tərəfindən otaq verilməyən şəxslərdir. Bir sözlə desək yataqxanadan ev almaq istəyənlər yuxarıda adları qeyd olunmuş şəxsləri görüm-baxım eləməlidir. Artıq dərəcədə xahiş edirəm ki, pozulmuş hüquqlarımızın bərpası üçün redaksiyanız vasitəsi ilə ölkə rəhbərinə və aidiyyatı təşkilatlara müraciət edəsiniz. Əgər mənə heç bir köməklik göstərilməzsə azyaşlı qızımla Prezident Aparatına yürüş edəcəyik. Mən belə başa düşürəm ki, yuxarıda adları qeyd olunan şəxslər bizləri hakimiyyətdən narazı salmağa çalışırlar, hətta Prezident İlham Əliyev cənablarına qarşı anti- təbliğat kompaniyası aparırlar. Bir daha xahiş edirəm ki, mənim fəryadımı ölkə başçısına çatdırasınız. Çünki İlham Əliyev ilk dəfə Prezident seçiləndə qeyd etmişdi ki, “Mən hər bir vətəndaşın Prezidentiyəm”.

Yeni Azərbaycan Partiyasının üzvü olmasam da Heydər Əliyev şəxsiyyətinin pərəstişkarı, qatı Heydərçi, İlhamsevər olmuşam.

İmza : Səmədova Sevinc Kamran qızı

Ünvan: H. Əliyev küçəsi ev-1

Telefon: (070) 514 - 87- 42