Bu gün Bakıda 46 yaşlı kişi özünü yandırıb. Hadisə şahidlərinin Lent.az-a verdiyi məlumata görə, Suraxanı rayonu ərazisində, metronun “Xalqlar dostluğu” stansiyasından Günəşliyə gedən yolun üzərində, “İnterpetrol” yanacaqdoldurma məntəqəsinin qarşısında 40-50 yaşlı kişi üstünə benzin tökərək özünü yandırıb.

Lent.az-ın əldə etdiyi məlumata görə, intihara cəhd edən şəxs 1967-ci il təvəllüdlü Ələkbərov Arzu Sultan oğludur. O 5 saylı şəhər xəstəxanasına yerləşdirilib. Vəziyyəti ağırdır.

***

18.22

Bakıda daha bir nəfərin özünü yandırması barədə xəbər yayılıb. Musavat.com xəbər verir ki, bu barədə AXCP sədrinin müavini Gözəl Bayramlı Facebook-da yazıb. Onun yazdığına görə, hadisə Günəşli istiqamətinə gedə yolun kənarındakı yanacaqdoldurma məntəqəsində baş verib. “Hadisə yerinə hələ də təcili yardım çatmayıb və özünü yandıran kişinin vəziyyətinin ağır olduğu bildirilir, - Gözəl Bayramlı yazıb.

Qeyd edək ki, 3 gün əvvəl Bakının mərkəzində Qarabağ əlili də özünü yandırmışdı.