Rayondan gələn şikayətlər durmadan artır

Yalan yerə demirlər ki, 20 il bir igidin ömrüdür. Qazax Rayonu Üzrə Maliyyə İdarəsinin rəisi Novruz Abdullayev də belə igidlərdəndir. Nə az, nə çox düz 20 ildir ki, maliyyə idarəsinin başında turp əkir. O, hazırda Qazaxağın ən pullu admları siyahısındadır.
Yerli-yersiz köçürmə əməliyyatları, idarə, müəssisə və təşkilatların üzərinə faiz qoyuluşu, öz məqsədi naminə pul köçürmələri, pulun kağız üzərində nəğdləşdirilməsi və sairə kimi əmliyyatlar qonşusunu 1 inəkli edəndə Novruz Abdullayevi 5 inəkli etmişdir. Bəli, Qazaxda “Pinoçet” hakimiyyətinin yardıcısı sabiq icra başçısı, hazırda Ağstafa Mərkəzi Poçtamtının rəisi işləyən Əsəd Orucovun kadrı olmuş Novruz Abdullayev əyləşdiyi idarədə rüşvətxorluq və korrupsiya yolu ilə bu gün ağlagəlməz işlərin sahibidir. Dövlət məmuru kimi kommersiya ilə məşğuliyyətini pərdə altına salaraq oğlunu bu işə qoşan Abdullayev Qazax Sosial İqtisadi Kollecinin 5 metrliyində dəyəri bəlkə də 40 min olan əzəmətli obyekti 2 ayın içərisində inşa etdirə bildi. Onun Bakıda və ya digər yerlərdə də hansı obyektlərin sahibi olması haqqında da fikirlər söyləyəcəyik. Bunlar hamisi təbii ki, dövlət büdcəsinin havaya sovrulan pullarının hesabınadır. Bu gün səriştəli maliyyə rəisi idarəni özünün dədəsinin malı kimi fırladır. Adicə hələ təxminən 2011-ci ildə Qazax Rayon Mərkəzi Xəstəxanasına söylənilənlərə görə təxminən 300 min manat vəsait köçürülmüşdür ki, xəstəxana təmir edilsin. Sonradan məlum olur ki, həmin ili Qazaxda yeni mərkəzləşmiş xəstəxana binasının tikintisi nəzərdə tutulub. Bu gün həmin xəstəxananın inşaasına başlanılıb. Köhnə isə yerlə yeksan edilib. Sual olunur, bir halda ki, bunu uçuracaqlar, uçurulan yerə küllü miqdarda dövlət vəsaitini “axıtmağa” Novruz Abdullayevin haqqı çatırdımı? Sən demə torbada “pişik” var imiş. Belə ki, həmin ili Qazax Mərkəzi Xəstəxanasına işə düzəltdirdiy stomatoloq gəlininə ayrıca otaq təmir etdirmək və bahalı tibb avadanlıqları almaq lazım imiş... Son günlərə kimi bu məsələyə cırnaşan diğər diş həkimləri onu da vurğulayırdılar ki, “ avdanlıq ümümi xəstəxana üçün alınıb. Otaq da Novruzun hesabına deyil, dövlətin pulu hesabına təmir edilib. İşimiz də növbəli olduğu üçün bizə nə otaqdan, nə də avadanlıqdan istifadə etməyə icazə vermirdilər. Çünki bu yalnız Novruz Abdullayevin “hesabına” təşkil olunmuşdu.`
Rayonda qeyd etdiyimiz kimi elə bir təşkilat yoxdur ki, istər köçürmə əməliyyatı, istərsə də əməkhaqqı alma zamanı ondan pay ummasın. Məgər elə deyilsə bu qədər var-dövlət Novruzda haradandır? O, xüsusi ilə də “maxinasiya”nı Qazax Suvarma Sistemləri İdarəsinin rəisi Abbas Göyüşovla qurub. Aldığımız məlumata əsasən Abdullayevin əksər qohum-əqrabası suvarnma sistemləri idarəsində işləyir. Bildiyimiz kimi orada da nə çoxdur lüzumsız ştatlar və olmazın “maxinasiyalar”.
Maliyyə rəisi Qazaxda “gizli kəşfiyyata” keçmiş MMC-lərlə də əlbirdir. O buraxdığı dövlət vəsaitinin hara xərcləndiyini gözəl bilsə də öz mənafeyi namınə biri ilə də maraqlanmır. Yalnız Qazağın Kəmərli kənd sakini, vaxtı ilə Qazax Mərkəzi Poçtamtınin baş mühasibi işləmiş Arif Alıcanovun rəhbərlik etdiyi 2 dənə “Nihat RE” və “Nihat QE” adlı MMC-lərdən savayı. Həmin MMC-lər də Novruz Abdullayev “tenderindən” keçməklə gəlir gətirən hər bir işlə məşğuldur. Bir həqiqət carçısı kimi çıxış edən maliyyə yoxlaması, dövlət əmək müfəttişliyi yoxdur ki, rayonda müxtəlif ”əməliyyatlarla” məşğul olan MMC sahibərindən soruşa ki, “ sən bu qədər işi hansı işçi qüvvəsi hersabına görürsən? Və ya texniki bazan haradadır?” Və s. Maraqlıdır ki, Qazağa hesablama palatasına kimi yoxlama gəldi. Eyni zamanda Şəmkir Regional Maliyyə yoxlaması da bağçadan tutmuş ta böyük təşkilatlara kimi maliyyə yoxlaması aparır və cinayətə söykənməsin deyə həmin təşkilatlara cüzi cərimələr yazır. Lakin bunun müqabilində Qazax Rayonu Üzrə Maliyyə İdarəsinin rəisi Novruz Abdullayev bəs hansı cəzanın sahibi olmuşdur?
Hazırda rayonda əməkhaqqı alanlardan 10-11 adda müxtəlif faizlərlə tutulmalar aparılır. Halbu ki, gəlir vergisi və pensiya fondundan başqa hamısı saxtadır. Mötəbər mənbədən alınan məlumata görə ölkənin maliyyə sistemlərində, məhz bu cürdür. Lakin, başqa yerlərdə 5-6 tutulma olduğu halda Qazaxda 10-11-dir. Təbii ki, Novruz Abdullayev burada maraqlıdır. Kimsə hansısa dövlət üçün əhəmiyyətsiz bir cəmiyyət yaradıb maliyyə idarəsinə məktub göndərsə ki, pul köçürmək və ya əməkhaqqı alanlardan pul tutmaq lazımdır, həmin vaxt maliyyə rəisi etirazsız buna müsbət rəy verir. Bunu rayonda fəaliyyət göstərən idarə, müəssisə və təşkilatların əməkhaqqı cədvəli tam sübuta yetirir.
Novruz Abdullayevə gələn gəlirin ölçüsü-biçisi bilinməməyinə baxmayaraq azmış kimi o, elektron imzalardan da yaxşıca qazanır. Məlumdur ki, idarə, müəssisə və təşkilatlarda orta və orta ixtisas təhsilli mühasiblər işdən kənarlaşdırılaraq onlar guya ali təhsillilərlə əvəzləşdirildilər. Əslində bu da bir oyun idi. İndi də, o cümlədən kəndlərdəki icra nümayəndəliyində çalışan həmin mühasiblər elektron imza anlayışından bisavaddırlar. Məcburdurlar ki, hər ayın axırı Qazax Maliyyə İdarəsinə gəlib deyilənə görə Novruz Abdullayevin qohumu olan qadın kadrın “qılıncının” altından keçsinlər. Bunun da neçə manata başa gəlməsini yenə maliyyə rəisi daha yaxşı bilir...

İlham Hacalı
gündəm xəbər.az
Qazax