Sabunçunun icra başçısı Adil Vəliyev bir ailəni fəlakətə məhkum edib

«Mən Həsən Camalov. 13 övlad atasıyam. Artıq 27 gündür ki, aclıq keçirirəm. Mən və ailəm Sabunçu RİH-in başçısı Adil Vəliyev və müavinləri tərəfindən haqsızlığa uğramışıq. Etirazım bu haqsızlığadır. Bu an tam 659 saat geridə qaldı. Allah sizi var etsin, yazımı yayımlarsanız əgər, çox sevinərəm» bu sözləri redaksiyamıza müraciət ünvanlayan 13 uşaqlı ailənin başçısı yazır.
Şikayətçi daha sonra yazır:

- Amma Dövlətimin güclü əli hələ də tərpənməyib. Amma, deyəsən bu,həqiqətən son şansımdır, səhhətim pisləşib. Qara ciyər və böyrəklərimdə kəskin ağrılar yaranıb ,artıq. 659 saat yalnız su içərək yaşamaq nə deməkdir? Bunu artıq mən bilirəm. Fotorəsimlərim buna bariz sübutdur. Mümkünsə yayımlayın.
İnanın ki, bu bir "ÖZÜNƏQƏSD" deyil. İnsan yemək və mədənin əsirliyindən qurtulduğunda beyin tamamilə başqa cür düşünüb, başqa cür dərk etməyə başlayır. Bu dünyanın naz-neməti, bu dünyadakı dəyərlər, insanın gözündə tamamən dəyərsizləşir, ən azından minimuma enir.
Mənə və 13 balama olunan haqsızlığı və ayrıseçkiliyi heç cür nə qəbul edə bilirəm, nə də balalarıma rəva görə bilirəm. Çünki bu övladların hər biri gələcəyin Azərbaycan Vətəndaşıdır. Gələcəyin potensial əsgəri, zabiti, alimi, generalı, mühəndisı, həkimi, müəllimidir. Mən onlara necə rəva görüm ki, 2-3 haqsızlıq edən məmur onların haqqını qəsb etsin?. "Mən ölərəm, amma buna yol vermərəm. Düşünəndə ki, onsuz da bir gün bu dünyanı tərk edəcəyəm, bu addımı atmaq daha asan və şərəfli gəlir insana"
Uşaq beyni ağ kağızdır, nə yazsan həkk olur., bir daha da silinməz.
Biz, Ulu Öndər, mərhum prezidentimiz Heydər ƏLiyev kimi bir şəxsiyyətin qurduğu, İlham ƏLiyev kimi güclü bir siyasətçi, güclü bir Prezidentin idarə etdiyi Azərbaycanın Vətəndaşlarıyıq.
Daha, özlərini Sabunçu rayonunun ağaları sanan, Adil Vəliyev, Şakir Alıyev, Qəzənfər Həsənov kimi, haqsız qazanc naminə, vətəndaşa qarşı haqsızlıq və qanunsuzluq edən 2-3 məmurun idarə etdiyi təkcə bir rayonun vətəndaşları deyilik ki.
Bu məmurlar sanırlar ki, madəm biz bu rayonu öz cibimizin pulu ilə abadlaşdırırıq, deməli bu rayonda yaşayan sakinlərin malı da, canı da bizə mübahdır, yəni rahatca əlindən ala bilərik. Müxbir xanım başçıdan müsahibə almağa gəlir, xanımın hətta telefonunu belə əlindən alıb qəbul edir Adil Vəliyev. Şifahi, şəxsi müsahibə verir, yadında nə qalar o qalar misalı. "Biz vətəndaşın kupçasında nə yazılıbsa, onu hesblayıb verməyə hazırıq deyir. Halbu ki, o ölçüləri də o "çıxarış"-a bir məmur səhv yazıb zamanında. İstədiyi pulu verə bilmədim, o da alıb o cür yazdı. Sağ olsun Prezidentimiz, antikorrupsiya kompaniyasını başlatmasaydı, heç bu gün də "çıxarış"-ım yox idi. Mənim üçün orada nə yazıldığı da o qədər maraqlı olmayıb, çünki mən evi yaşamaq üçün tikmişdim, satmaq üçün deyil. Evimizin faktiki ölçüləri qalıb bir kənarda, bunlar yapışıblar mənim olan "çıxarış"-dan. Mənim "çıxarış"-ımda olan səhv ölçüləri, qərəzli olaraq mənə qarşı istifadə etməyə çalışırlar, binanın texniki pasportuna " bu sənəd deyil" deyirlər. Niyə???
Çünki, "texniki pasport"-da həqiqətə yaxın ölçülər göstərilib. Qanun çərçivəsində, haqq və ədalətlə davransalar, gərək Adil Vəliyev evimizin həqiqi dəyərini ödəsin axı.
Heç olmasa iddia etdikləri kimi, Halal, adları kimi Adil olsaydılar, abadlıq işlərini həqiqətən öz ciblərinin pulu ilə etmiş olsaydılar, mənə bu qədər yer etməzdi. Rayonda pula gedən, kimin malı olmasından asılı olmayaraq, nə qədər gözə gəlimli yer və yol kənarı torpaq sahəsi varsa, satıb xərcləyirsiniz abadlığa,(bundan şübhəm yoxdur, Allah görür yuxarıdan, bu belədir), söz-sözü çəkəndə isə "başçı cibindən xərcləyir" deyib minnət qoyursunuz adama.
Daha minnət niyə qoyursunuz? Daha vətəndaş dillənən kimi, niyə siz Şakir Alıyevlər, siz Qəzənfər Həsənovlar o saat vurursunuz vətəndaşın ağzının üstəndən ki, "Ay kişi sən heç bilirsəən? Mən: Nəyii? "Adil Vəliyev bu rayonu öz cibinin pulu ilə abadlaşdırır" deyirsiniz. Mən: "Yaxşı deyək ki. elədir. Madəm elədir, mən evimi-eşiyimi gətirib peşkəş çəkməliyəm sizə ki, nə var-nə var siz daşla bina yamıyıb, ot əkirsiniz Bakıxanovda?"
Bu yerdə çox yerinə düşən bir sual çıxır meydana: "Ay möhtərəm məmurlar siz bu minnəti mən Vətəndaşa qoyursunuz, yoxsa mən Vətəndaşın səs vərərək seçdiyi Prezidentə?
Axı sizi bu vəzifəyə mən Vətəndaş yox, prezident İlham ƏLiyev təyin edib. Prezident sizi bu vəzifəyə təyin edərkən,"get rayonu abadlaşdır, nəcə edirsən et, kimin haqqını, malını əlindən alırsan al, fərq etməz" deməyib axı. Deməz də. Hər müşavirədə mən vətəndaşı siz Adil Vəliyevə, dönə-dönə tapşırmaqdan Prezidentimiz usandı, amma siz Adil Vəliyev vətəndaşa haqsızlıq etməkdən usanmadınız.


Mənim ölüm aclığına girməyim, bununla da haqsızlığa etiraz etdiyim əsil məsələ məhz budur. Prezidentimiz İlham Əliyevdən müdaxilə etməsini istəməyimin əsl səbəbi də məhz bu haqsızlıqdır. Bu gün də sizin vasitənizlə Prezidentimə müraciət etmək istəyirəm:
CƏNAB PREZİDENT, MƏNİM VƏ 13 ÖVLADIMIN HAQQINI VƏ HÜQUQUNU QORUYUN!

NƏBİ